النظارات الشمسيه

**nazaryia** · 15-07-2009 09:04 AM

ايه كميه النظارات الشمس اللي لابسها الشعب المصري ده
كل الناس علي اختلاف مستوياتهم لابسين نظارات شمس كانهم vip ممكن تلاقي واحد بيجر عربيه خضار لابسها و سواق ميكروباص لابسها
هي افه و للا منظره و للاايه ؟

**tayson54** · 15-07-2009 09:14 AM

طب ما يلبسوا يا دكتور ودي مزعلاك في ايه هما مش ليهم عيون برده ومن حقهم يحموها من اشعه الشمس وحتي لو منظره ما المحمول في ايد الأطفال دلوقتي بكل مستوياتهم جت علي النظاره الشمس

**nazaryia** · 15-07-2009 09:22 AM

مهي برده نفس فكره المحمول
اولا النظارات اللي لابسينها مش بتحميهم من الشمس لانها غالبا من النوع التقليد و دي عدساتها اقل من العاديه يعني ممكن تضرهم كمان مش تحميهم
اما حكايه المحمول في ايد الاطفال دي برده مشكله تعرف ان احنا اكتر شعب بيصرف فلوس علي المظاهر و نرجع نشتكي من الازمه الاقتصاديه و تدني المرتبات و غلو الاسعار
دي ثقافه شعب هيعيش و يموت بس علشان المظاهر

**NaderNabil** · 15-07-2009 09:22 AM

إيه المشكلة في النظارة الشمسية؟

حضرتك مش واخد بالك من الشمس الحارقة اللي سيحت الخلايا بتاعتنا؟

يتهيألي انه مش عيب الناس تحمي عيونها من الشمس زي ما انا و انت بنعمل كده...مش معني ان كل الناس بقت لابسة نظارة شمس يبقي دي أفه أو منظرة..

**MoMohsen** · 15-07-2009 09:36 AM

اولا اللى بيلبس النضارة المضروبه هو لابسها عشان بتقلل التوهج بتاع اشعة الشمس و هو مع انه عارف انها مش مفيدة زى الاصلى بس هو دة اللى يقدر يدفع تمنه.
هضربلك مثال انت معاك 500 جنيه و عاوز تشترى موبايل لقيت واحد نوكيا مفهوش اى حاجة غير ارسال و استقبال و يبقى زى الفل لو شاشه الوان.وفى نفس التمن لقيت موبايل صينى مجهول الهويه بيشيل خطين يعنى هيوفى عليك لو عاوز موبايل تانى و فيه امكانيات ملهاش اول من اخر بس نسبة الاشعاع اللى بيطلعها لا محسوبه ولا هو متوافق عليه من هيئه دوليه و لا اى حاجة و زيه زى النضارة المضروبه مضر طبعا على المدى البعيد....وقتها هتشترى ايه؟
يا دوكتور و الله الشعب المصرى دة غلبان مش هنبقى احنا و الحكومه عليه.

**M.Osman** · 15-07-2009 06:49 PM

انا بصراحة نفسي البس نظارة شمس..
لكن عشان انا لابس نظارة طبية فمش ناوي اشيل نظارتين :(

**samo9992003** · 15-07-2009 07:01 PM

وانت ايه اللى مضايقك يعنى كل واحد حر طالما مابياذيش حد

**NaderNabil** · 15-07-2009 07:06 PM

المشاركة الأصلية كتبت بواسطة successcre8or

انا بصراحة نفسي البس نظارة شمس..
لكن عشان انا لابس نظارة طبية فمش ناوي اشيل نظارتين :(

إعمل نظارة شمس بعدسات نظر...

يعني إختتار الشمبر اللي يعجبك ووديه لأي واحد بتاع نظارات يغيرلك الزجاج بواحد إسود أو بني او أي لون انت عايزه و بنفس مقاس النظر بتاعك...و العدسة هاتبقي بنفس شكل القديمة

**eng.octooo** · 15-07-2009 07:19 PM

إعمل نظارة شمس بعدسات نظر...

يعني إختتار الشمبر اللي يعجبك ووديه لأي واحد بتاع نظارات يغيرلك الزجاج بواحد إسود أو بني او أي لون انت عايزه و بنفس مقاس النظر بتاعك...و العدسة هاتبقي بنفس شكل القديمة

تفتكر ينفع انا كمان لابس النظارة النظر على طول ونفسى البس الشمس ومكسل اشيل الاتنين
بس لازم بحجم معين ولا ممكن نظارة كبيرة (police
وازاى اخلية يعملهالى نظر
والى هايشوفها هاتبان انها نظر ولا زى الشمس

**NaderNabil** · 15-07-2009 07:34 PM

المشاركة الأصلية كتبت بواسطة eng.octooo

تفتكر ينفع انا كمان لابس النظارة النظر على طول ونفسى البس الشمس ومكسل اشيل الاتنين
بس لازم بحجم معين ولا ممكن نظارة كبيرة (police
وازاى اخلية يعملهالى نظر
والى هايشوفها هاتبان انها نظر ولا زى الشمس

هتبان انها شمس عادي جداً
أي حجم عدسة تحبه...بس ماتجبليش عدسة قد الوش و تقوللي مانفعش

انت روحله بالنظارة و الكشف و قوله اللون...و هو هايظبطك....التكلفة حوالي 75 جنيه

الموضوع: النظارات الشمسيه

LinkBack

أدوات الموضوع

عرض

النظارات الشمسيه - انشر الموضوع فى :

-

-

-

-

-

-

المواضيع المتشابهه

النظارات الشمسية

الشمسيه بتاعت العربيه اتكسرت؟

الشمسيه بتاعت العربيه اتكسرت؟

الواح توليد الكهرباء بالطاقه الشمسيه

....شمسون....سياره مصريه بالطاقه الشمسيه

الكلمات الدلالية لهذا الموضوع

المفضلات

المفضلات

ضوابط المشاركة