أرجوكم ساعدونى بسرعة يا أهل الخبرة فيات أونو 97
السلام عليكم و رحمة الله وبركاته
معروض على فيات أونو 97 محرك ممتاز وعفشة رياضية عدادات رياضيةصاج خارجى ممتاز رشة بره
لكن للأسف الحلو مايكملش العيوب هى
كانت واخدة خبطة جامدة من الناحية اليمين مسمعة فى عتب الباب اليمين و فى بطيخة المساعد اليمين هى مكرمشة و مردود كل ده على البارد
ملحوظة صاحبها عرض على البدل بسيارتى مع دفعى الفرق المناسب سيارتى هى هوندا سيفيك 77 بمحرك أكورد 1600 سى سى العربية تقريبا مجددة بالكامل فابريقة دواخل
عربية زى دى أشتريها و لا لأ ؟
و إذا اشتريتها أشتريها بكام أدنى قيمة و أقصى قيمة لها؟
ولو أخذتها يتعمل فيها إيه علشان أصلحها وتتكلف كام بالتقريب؟
ولو جيت أبيعها بعد كده هاخسر فيها بنسبة أد إيه من سعرها فى السوق؟
طب البدل أفضل ولا لأ ؟
ولو البدل أفضل أدفع تقريبا فرق كام أدنى قيمة و أقصى قيمة؟
ولا أسيبنى من الموضوع كله علشان لا أخذ حاجة معيبة من الأصل؟
أنا عارف إنى أطلت على حضراتكم و لكن أرجوكم أغيثونى سريعا برأيكم لأنى محتار جدا
أخوكم
م/محمد
