غيرت الرشاشات وفوقت العربية

**ibmtop** · 15-07-2009 09:49 AM

السلام عليكم ورحمة الله وبركاتة

في موضوع سابق لي (محتاج افوق العربية) عرضت شوية مشاكل كانت عندي والحمد لله امبارح عملتها

التفاصيل:
نزلت الحرفيين وروحت علي محل المتحدة بور سعيد زي ما اخي الفاضل حسام كودك قالي وسالتة علي رشاشات BMW M40 (ام اربعين استغرب وقالي شكلهم اية دول حاولت افهمو انهم بتوع الماكنة 1600 ولونهم ازرق قام قايلي اااااااااااه انت تقصد ام فورتي قولتلو ايوة هما دول)
بس للاسف قالي اخر طقم بايعو من حوالي شهر , دورت تاني في الحرفين ولقتهم الحمد لله عند واحداسمه الشيخ محمد جنب محل اسمة عادل مصطفي وقالي عايز المسطرة قولتلو لا قال للبيفكهم يبقي عايزهم لدايو

ودي الحاجة الي جبتها واسعارها(من محلين جنب بعض اسمه العشري - كابتم ماجد مش بعيد عن محل الشيخ محمد) :
طقم رشاشات BMW M40 اربع رشاشات 170 جنية
طقم بوجيهات NKG ب 35 جنية
فلتر هواء كوري اصلي 25 جنية
فلتر بنزين كوري اصلي 30 جنية
جوان غطا التاكيهات التخين 20 جنية+انبوبة سيلكون اسود 10 جنية
خرطوم العمة كوري اصلي 70 جنية
علبتين منظف junk - crap ب 50 جنية
روحت لميكانيكي كويس تبع محل العشري وركب الحاجات دي ونظف المانفولد وخد مصنعية 60 جنية

الاجمالي 170+35+25+30+20+10+70+50+60=470 جنية

وبعد كدة كان فاضل علي تغيير الزيت حاجة بسيطة قومت مغير زيت بالمرة وفولت التانك وجيبت منظف بتاع mobile ب18.50 جنية وحاطو في التانك علي شان الرشاشات
وبعد كدة روحت المغسلة وغسلت الماتور بالمية بس

النتيجة : الحمد لله العربية فاقت كتيييييير عن الاول والعربية بتدور من اول تكة وفي اي وقت وريحة البنزين والدخنة البيضة راحت في بداية الدوارة والسحب تمام واستهلاك البنزين لسة ماحسبتوش

**marawanshahin** · 15-07-2009 09:54 AM

مبروك يا باشا و ربنا يباركلك فيها و يكفيك شرها.

**ahmedhilmy** · 15-07-2009 11:02 AM

مبروك يا باشا

**nasroo** · 15-07-2009 11:31 AM

الف مبروك ياباشا والواحد فعلاً بيحس بفرق جباااااار وبيحب العربية اكتر كل ما يعمل فيها حاجة
والاسعار حلوة
بس انت كنت بتشكي من ايه؟؟؟

**ibmtop** · 15-07-2009 12:07 PM

الف مبروك ياباشا والواحد فعلاً بيحس بفرق جباااااار وبيحب العربية اكتر كل ما يعمل فيها حاجة
والاسعار حلوة
بس انت كنت بتشكي من ايه؟؟؟

[frame="1 80"]
محتاج افوق العربية

السلام عليكم ورحمة الله وبركاتة

انا عربيتي لانوس99 - 92000كم وعايز اعمل فيها شوية صيانة وعايز نصائحكو معايا قبل ماعمل اي حاجة

الاسباب:
برجلة مع الدوارة - زيادة في استهلاك البنزين - صوت الموتور عالي

المقترحات:
1- اغير الرشاشات ببتوع bmw (لانها بتغيب في الدوارة وبتطلع دخنة بيضاء في بداية الدوارة مع وجود رائحة بنزين)
2- اغير البوجيهات (طبقا لجدول الصيانة الي عاملة للعربية)
3- اغير جوان غطا التاكيهات (في زيت علي الموتور وبيلم تراب)
4- اغير خرطوم العمة (لانة في قطع وانا حاطط علية شريط لحام)
5- انظف فلتر الهواء وفلتر البنزين

اولا هل الاقتراحات الي انا قولت عليها دي هيا الي هتفوق العربية وترجعها زي مكانت ولا في حاجة تانية انا ناسيها
ثانيا انا عايز مكان يكون حد مجربة اجيب منة الرشاشات بتاعة bmw وهل بيبقي في ضمان عليها
ثالثا ياريت برضة حد يقولي اسعار الحاجات دي(رشاشات- بوجيهات-جوان غطا التاكيهات-خرطوم العمة استيراد)
رابعا مصنعية الحاجات دي كام

ولكم جزيل الشكر يا اخواني الاعزاء
[/frame]