أرجو المساعده

**engahmed214** · 15-07-2009 10:20 AM

السلام عليكم /

يا جماعه أنا عندي حبة حاجات بتحصل في العربية (سكودا فليشيا 95) و عايز استشاره

- العربية بترج مني لما أوصل ل 80 كم, وعملت ترصيص بس يومين والمشكلة ترجع تاني, فاياريت توصفولي مكان كويس أضبط فيه زوايا وأرصص.
- العربية في الحر أو لما بشغل التكييف بتسخن لحد حوالي 100 درجة, فباريت تقوللي مكان كويس يحللي المشكلة ديه.
- عايز أعمل صيانة و شحن للتكييف, ممكن تقولولي أروح لمين, وهيتكلف كام ؟؟
- عندي أكرة الباب الداخي مكسورة فهل ممكن القيها جديد ولا أعمل ايه؟؟

معلش للأطالة بس ياريت تردوا عليا بسرعة علشان عايز أضبط الحاجات ديه علي يوم الجمعة انشاء الله
وياريت لو تكون الأماكن قريبة من مصر الجديدة , مدينة نصر , حدائق القبة

شكرا أوي يا جماعة

**احمدعبدالعزيز** · 15-07-2009 01:13 PM

انت لو كنت فى اسكندريه كنت عرفت اساعدك فى كل حاجه لكن فى القاهره معرفش اى حاجه خالص .

لكن موضوع السخونه انا كان عندى فليشا وكان من اهم عيوبها انها بتسخن كتير وطبعا حولت اعالج العيب والميكانيكى اقترح عليه اركب مروحه اضافيه وبعدها استخدمتها فتره كويسه بدون مشاكل .

**engahmed214** · 16-07-2009 05:57 PM

الف شكر ليك يا أحمد, و ان شاء الله تقدر تساعد زياد

**engahmed214** · 16-07-2009 05:58 PM

ايه يا جماعة ده أنا عايز أعمل العربية بكرة.

ياريت حد يرد يا شباب ؟؟؟؟؟؟؟؟؟؟؟؟

**nezamy71** · 16-07-2009 06:07 PM

والله يا غالي انا معايا فليشيا 1997 وبصراحة انا متابع مع راجل محترم اسمه سيد سكودا وده رقم تليفونه 0101107669 ده راجل محترم وما بيفتيش اتصل بيه وروحله هو في جسر السويس

**احمدعبدالعزيز** · 19-07-2009 09:49 AM

المشاركة الأصلية كتبت بواسطة zyadahmed

استاذ احمد انا من اسكندرية وعندى تقريبا نفس المشاكل باستثناء السخونة ممكن حضرتك تدلنى على حد كويس فى وسط البلد ومحرم بيه وجزاك الله خيرا

اسف جدا على تأخيرى فى الرد اما بالنسبه لصيانه الفليشا فى منهدس ماجد فى زيزنيا خلف دار المسنين واسمها دار محمد رجب للمسنين وتدخل من عند جامع يحيى حتى نهايه الشارع واسأل عليه وحاول اجبلك رقم التليفون بتاعه على فاكره هو شاطر جدا ولكن غالى فى المصناعيه ونصيحه خاليك واقف معاه وهو بيشتغل وبالتوفيق ان شاء الله .