إستفسارات بعد 1000كم مع الصني

**أحمد علاء** · 15-07-2009 11:04 AM

السلام عليكم ورحمة الله
عندي كام استفسار للأخ سبعاوي وباقي الإخوه المحترمين
بعد اكثر من الف كيلو بالسيارة nissan sunny 2009 ex automatic abs عندي بعض الملاحظات والإستفسارات:

1-عداد ال rpm والسيارة على P او N بيكون حوالي 800 لفة وده طبيعي لكن عند تحميل غيار مثل D بينخفض حتى 600 وساعات 550 مما يسبب رعشه بسيطة في حالة الإنتظار اقل من دقيقة بسبب إشارة او زحمه .. فل ده طبيعي ؟

2-كمان لاحظت ان على سرعة 90-100 (ماعدتش كتر ال 100 كم) بلاقي زنة تحت رجلي الشمال او تزنيده خفيفة مع الضغط على دواسه الاكسليتير فهل ده طبيعي ولا فيه سبب؟؟

3- قمت بعمل الريسيت للأيدل سويتش بالطريقة المذكورة في مشاركة الأعضاء في باب صيانات الصني واعتقد ان السحب بقى مختلف للأسوء من بعد ذلك ويمكن تكون المشكله دي والمشكله السابقة بسبب البنزين (حطيط من موبيل بس محطة مختلفة)

4- هل الكاوتش اللي بينزل مع السيارة bridgestone النوع والموديل بتاعه جيد ولا مش اد كده؟ بسأل لاني بحب بصوت الطريق إلا حد ما او زي ميكون الكاوتش مش ناعم اوي (تحس ان الكاوتش snow)

5-إن شاء الله هروح اول صيانه يوم الأحد القادم عند السبع , بسال لو فيه حاجات معينه اقولهم عليها (عيوب شائعه او تربيط او ضبط او ريسيت او أي شئ

رجاء الرد من المتخصصين
ارجو النصيحة وجزاكم الله خيرا

اخوكم /احمد علاء

**sab3aawy** · 16-07-2009 10:27 AM

بالنسبة لعداد ال rpm ده الطبيعى بتاعه
بالنسبة للسحب بعد الريسيت فحتى لو اضعف شوية فده افضل لاستهلاك البنزين، عموما لو عايز سحب اكتر اكبس رجلك على البنزين هتستجيب معاك، وبرضه اصبر لفترة بعد التليين النهائى(5000 كم) هتلاقى الموتور استجابته زى الفل ان شاء الله

الزنة او التزنيدة ممكن تكون بسبب مرور المحرك بفترة الرنين(توافق الذبذة الطبيعية لمكوناته) ودى ظاهرة موجودة فى كل السيارات فى الرينج اللى احنا بنركبه وغير مقلقة

كاوتش بريدجستون حلو بس ناشف شوية

**أحمد علاء** · 16-07-2009 11:16 AM

بارك الله في الأخ برنس اكس 1والأخ سبعاوي
ممكن فعلا يكون ده تأثير ال natural frequency

عموما ما دام ال rpm كده كويس يبقى موضوع تعود
بارك الله فيكم ونفع الله بكم