نظره مستقبيلة لكماليات الجين 2
يا شباب البروتونيه أخباركم إيه ..... النهارده هتكلم عن موضوع ممكن يكون فى خاطر كل واحد فينا :B4_592:وهو إيه اللى ناقصك فى الجين التو طبعا بغض النظر عن الكماليات اللى انت ممكن تركبها فيها إضافيه يعنى قصدى انت عايز تعديلات ايه عشان تبقى أكثر رضا عن الجين تو وتنزل استوك فى العربية يعنى مش هكتب مثلا فلتر اسبور ولا سبليت فير ولا جنط مومو وطبعا فى عيوب عامه عارفينها زي خامات التقفيل والذى منه والكلام اللى كلنا حفظناه يعنى أنا مثلا عن نفسي أحب إنهم:36_1_58[1]: :
1. تكبير مرايات الجنب شويه لأن زواياها ضيقه شويه.( طبعا تكون ملائمة للديزين )
2. إنها تنزل بجنوط مقاس 16 هتكون أنسب ليها.
3. إن يكون فيها auto-lock بعد ما اتحرك بالعربية يقفل لوحده زي الرينو والباليو مثلا
4. أن يكون هنا قفل مركزى ( مش عايز اقفل من الباب عندى لأ عايز زرار فى التابلوا للتحكم فى السنتر )
5. عايز أقدر افتح اللوك بتاع الشنطه من الريموت
6. تنبيه لما أعدى ال 120 (بس ما يكونش رخم زي بتاع الهيونداى)
7. عايز استب ترونك فى الأوتو
8. عايز إيريال يكون زى بتاع البي أم ثابت فى مكانه وما يتكسرش كل شويه
9. عايز مخرج لل aux يكون فيها ماضطرش أعمله وصله + Usb
10. عايز تانك أكبر للبنزين مع استهلاك أقل على السرعات العالية
11. علامة البروتون ترجع بالذهبى تانى
12. يكون فى صندوق فى التابلوه + mp3 ( أنا عارف إن الحجات ديه عملوهافى 2009)
13. نور الصالون يبقى عدستين فوق المراية الوسط بشكل رياضى وواحده ورا عند الكنبه الخلفية وطبعا بتقفل بالتدريج
14. محتاج فى العربية حساس فى الإنذار تتحكم فى مدى حساسيته ليه لأن أول حاجه بيعملها الحرامى بيخبط العربية لو لقاها بتسيح بيسبها لو لأ بيكسر الزجاج وياخد الحجات اللى هوه عايزها من الشباك ( الكلام ده عن تجربه) بس مش معنى كده إن انا الحرامى لأ أنا اللى الحرامى سرقه
15. عايز إن الزجاج يكون أوتو زي زجاج السائق
16. عايز مرايا بلمبه فى الشماسه اللى جنب السائق ( مع إنى لاغيها وحاطت dvd ) :36_1_1[1]:
17. عايز حساسات مساحات :36_1_58[1]:
وطبعا الحجات اللى فى الجين تو حلوه وبنتعوج بيها على الناس بس ما بالك بقا لو الحجات ديه فيها زي ما انتم شايفين حجات مش مكلفه للدرجه بس تديك إحساس بالكمال (والكمال لله وحده طبعا ) والتفرد وهيه بسيطه ما عدا الستيب ترونك على أساس إنه تكنولوجيى متقدم شويه ولو لاحظتم همه فعلا بيهتموا بالملاحظات ديه بدليل انهم عملوا صندوق فى التابلوه + mp3 بالإضافة إلى الفلتر الجديد يعنى المشاركه ديه تعتبر دعم منا لسياراتنا فى المستقبل عشان إن شاء الله ناوي على الجين الجديد لو فيه تغير ملموس.
انتم بقا عايزين إيييييييييييييييييييه من جين تو :3mla:
عايز إن الزجاج يكون أوتو زي زجاج السائق
عايز إن الزجاج يكون أوتو زي زجاج السائقمش فاهم؟؟؟؟؟؟؟؟؟؟؟؟