بقولكم اية يا جماعه
انا حللت اليوريك اسيد و طلع عندى عالى
لانى كنت بحس بالم فى كعب رجلى
وعايز اروح لدكتور
يا ترى اروح لدكتور عظام ولا باطنى؟؟؟
عرض للطباعة
بقولكم اية يا جماعه
انا حللت اليوريك اسيد و طلع عندى عالى
لانى كنت بحس بالم فى كعب رجلى
وعايز اروح لدكتور
يا ترى اروح لدكتور عظام ولا باطنى؟؟؟
اسف يوريك اسيد
باطنى وغالبا هيديك فوار + زيلوريك اقراص
هى النسبة كام يا باشا ؟؟
ابعد عن اللحوم والاطعمة الغنية بالبروتين (الفول - الفاصوليا.......)
المدام اخصائية تغدية وانا كنت بعانى من نفس الاعراض رحت لطيب عظام كتبلى فوار يوروسولفين
روح لباطنى افضل ...
هايكتب علاج حسب نسبة الأرتفاع فى اليوريك اسيد (فوار فقط لو الموضوع بسيط و ممكن يزود ادوية تنزله لو النسبة عالية)
و طبعا هايقول لحضرتك على ممنوعات فى الأكل و الشرب للمساعدة على تقليل مستواه فى الدم
و الف سلامة عليك
النسبة 8
دى عالية بس عالية اوى يعنى ولا اى كلام؟
لا مش عاليه أوي
by the way.. the normal range is up to 6
normal is up to 7 i male & 5.5 in femal
انا بعانى من نفس اعراض الم الكعب برضه بس كنت هروح لدكتور عظام
حسب كلام حضراتكم يبقى الباطنى هيحدد العلاج افضل
جزاكم الله خيرا
انا عندى نفس الاعراض
طب و ايه الفرق بين الاملاح و النقرص ؟
فيه علاج طبيعي للموضوع ده، أنا فيه واحد مجربه قالهولي
أنك تشرب كميه مياة (على قد ما تقدر) الصبح بدري على الريق .. يفضل بعد الفجر
والكلام ده يوميا
هتلاقي النسبة نزلت إن شاء الله
يا ريت اللي يجربها يقولنا الأخبار
عل فكرة مشروب الزنجبيل من الحاجات المفيدة فى علاج ارتفاه حمض البوليك - شرب المياه الكثير - تخفيض الوزن الزائد
يا جماعة مش كفاية نقول نفس الأعراض يبقى نقرس و خلاص ...
لازم نعمل التحاليل
و بعدين وجع الكعب ممكن يكون نقرس او حاجات تانية مثلا فيه حاجة اسمها "Plantar Fasciaitis" و ده بيكون التهاب فى جزء من اوتار بطن القدم ، و احيانا بيكون فيه شوكة عظمية اسمها Calcaneal spur و ممكن تعمل الأعراض دى و ممكن زى ما البعض قال تكون أملاح ، الموضوع واسع و اللى ممكن يبت فيه لازم يكون حد تخصص عظام
بالنسبة للفرق بين الأملاح و النقرس فالنقرس هو ارتفاع فى نسبة حمض البوليك اللى هو احنا عارفينه باسم اليوريك اسيد اما الأملاح فممكن تكون املاح اوكزالات او املاح بوليك او انواع تانية
و طبعا كل حاجة ليها اسبابها
و طبعا شكرا للكل على النصائح و لكن شرب الماء بكثرة او الزنجبيل او تخفيض الوزن لا يكفى فاليوريك اسيد اصلا السبب الأول فى ارتفاعه بيكون الأنتاج الدخلى للجسم ، معظم مرضى النقرس جسمهم بينتج يوريك اسيد كتير و بالتالى لما بياخد كميات منه فى الأكل بترتفع النسبة جدا و تظهر الأعراض (و احيانا من غير ما ياخد كميات فى الأكل ممكن تظهر بسبب الأنتاج الداخلى فقط).
لابد من التحليل لمعرفة النسبة و تحديد العلاج المناسب على ضوء الكشف و التحاليل
و تحياتى