يا جماعه ممكن حد يقولنا اخبار frv brilliance 1300 cc الجديده ايه
هل عربيه كويسه وسحبها كويس و لا الموتور 1300 بيأثر على السحب و التكييف
وفي فرق بينها و بين ال 1600 غير الموتور بس ؟
وفي منها اوتوماتيك ولا لأ؟
شكرا يا شباب
عرض للطباعة
يا جماعه ممكن حد يقولنا اخبار frv brilliance 1300 cc الجديده ايه
هل عربيه كويسه وسحبها كويس و لا الموتور 1300 بيأثر على السحب و التكييف
وفي فرق بينها و بين ال 1600 غير الموتور بس ؟
وفي منها اوتوماتيك ولا لأ؟
شكرا يا شباب
احب اقول لحضرتك حاجة
انا معايا 1600 و ال1300 الفرق مابينهم
1-الازاز الكهرباء سريع فى ال1300
2-موتور ال 1300 ابطأ شوية من ال1600
يعنى مثلا وانا جايب السرعة ال5 فى 1300 وrpm3000 ببقى ماشى على 105كم\س
لكن فى ال1600 على السرعة ال5 وrpm3000 ببقى ماشى 127كم\س
بس استهلاك البنزين فارق كتير وعربية بتخلينى هادى فى سواقتى
لكن اركب ال1600 بتجنن علطول وبمشى بيها على الدائرى 160كم\س يعنى مجنونة
ياسلام عليك يا باشا .. انت الي هتفيدني في لموضوع ده ,,
انت عربيتك ال 1600 مانوال ولا اوتو ؟
و ال1300 في منها اوتو ولا لأ؟
و ال1300 هي هي نفس الأوبشن بتاع ال 1600 ( بتكلم طبعا عن الفول اوبشن )
وحاجه كمان بقى ,, العربيه انا في ناس مقلقاني منها و تقول اوعى تجيب عربيه صيني و كده لأنها مش معمره و قطع غيارها كمان مش رخيصه و الميكانيكا بتاعتها مش كويسه لأنها صيني و كده
وفي نفس الوقت العربيه عاجبني شكلها مووووووووووووووووت , و الصالون بتاعها مريح جدا و واسع و التابلو في قمه الشيكه
بس انا عاوز اعرف رأيك ك واحد مجرب العربيه و مشيت بيها على الطرق ,,, التووازن بتاعها كويس , و لا بتعوم في الطريق
وكده ياريت تقولي كل العيوب و المميزات الي انت تعرفها وشوفتها من خلال عربيتينك ربنا يباركلك فيهم
وكده ياريت تقولي كل العيوب و المميزات الي انت تعرفها وشوفتها من خلال عربيتينك ربنا يبارك
اسمحلي اتطفل وأفيدك أنا كمان:
أولا السلام عليكم انا جبت ال 1600 من 15 يوم لون أحمر مع تابلو أسود وفرش أبيض وماشي حتى الأن 1700 كم لأني بسافر كتير صدقني العربية أكثر مما تتوقع كأداء وأما الخامات المستخدمة في الصالون الداخلي فهي جيدة وليس أقل مافي حدا من المعارف والأصدقاء إلا جرب السيارة وصدقني الجميع فوجئ بأداءها أما موضوع عمر السيارة فهذا يتعلق بالعناية بها أولا وملاحقة أي خلل وهذا لأي سيارة كانت وممكن حضرتك تشوف موديلات البريليانس القديم لحد الأن ماشاء الله ثابتة كبنية وكتصميم مازالت ملفتة للنظر والنقطة الأقوى في هذه السيارة هي الثبات بكل معنى الكلمة ..... هنا في المناطق الجبلية السورية طرقات شديدة الإنحدار مع ملفات قاسية أقول لك مع تحدي التجربة أن هذه السيارة ليست ثابتة فقط بل هي قطعة من الطريق وعلى سرعة أعلى من غيرها من السيارات وأكرر مع تحدي التجربة ... وأنا لست طالع فيها للسما ولكن هذه حقيقة ثابتة وأما السحب فحتى مع التكييف ال rpm لا يتحرك وتشعر كأن المكيف لاعلاقة له بالمحرك مع العلم أن صوت المحرك عادي جدا بل وهادئ على الطرقات السريعة وأما الرحابة الداخلية فحدث ولاحرج وحتى شنطة الأمتعة الخلفية فهي تقريبا كحجم الريو أو الفيرنا مع حساب الإرتفاع .. إخواني جميعا أنا لا أمدح بل أذكر وقائع ملموسة وقريبا تقرير جديد عن هذه السيارة بأدق تفاصيلها واللي سيرد ويقول دي تبقى صيني ماشي سأقول له بكل محبة اللي معو فلوس ياباني لايشتري صيني واللي معو فلوس ألماني لايشتري ياباني واللي معو فلوس كتير يبقى يفكر بطيار ة ..اللهم ارزق عبادك جميعا ... والحمد لله..
انا معايا ال1600 وال1300 مانيوال gl
العربيتين نفس الكماليات
انا بصراحة عامل بال1600 17400كم
وبال1300 4000كم
والعربيتين الحمدلله زى الفل
وبالنسبة لمش معمرة فداه بيرجع لأهتمامك بالعربية
الصالون بتاعها طبعا مريح جدا وواسع والشنطة بتاعتها واسعة جدا بالنسبة لسيارة هيتش باك
انا يوميا بخرج بالعربية مشاوير كتيرة وكمان سفر كتير
مميزات العربية
1-الثبات الممتاز فى الملفات الجامدة وسرعة عالية(وبصراحة بعمل بيها غرز ضيقة جدا والعربية الحمد لله ثباتها زى الفل ومابتعومش
2-زاوية ميل العجل ممتازة تخليك تلف فى مكان ضيق بسهولة (العجل بيلف زى المرسيدس)
3-الفرامل (العربية بتقف عدلة يعنى مابتعومش منك فى الفرامل وكمان ممكن تتحكم فى العربية اثناء الفرملة الجامدة)
4-صاجها ماشاء الله عليه قوى(انا خبطت فى جيتز عربيتة ضاعت ونزل متعور وأنا الحمد لله نزلت سليم واضرار بسيطة جدا تكاد لا تزكر)
5-موتورها قوى وهوا بتاع الميتسوبيشى البومة 2008
بالنسبة للعيوب
1-عيوب التقفيل (بس خلى بالك بيعملوها فى التوكيل )
2-العفشة ناشفة شوية (بس داه عشان يديلك ثبات عالى فى السرعات والملفات)
والله فعلا خالد ما شاء الله قصة عشق لل FRV
وعن نفسى الحمد لله ربنا كرمنى بيها Frv 1600
وما شاء الله عربية زى الفل متقلقش منها خالص عربية ممتازة وبتسعفك فى مواقف كتير بايخة والحمد لله
وبجد احسن من عربيات كتير فى السوق ماركات معروفة وماشية فى الشوارع من عشر سنين
واللى حتلاقيه فيها مش حتلاقيه فى غيرها
صدقنى نصيحة وبجد العربية ممتازة على فلوسها وادائها ممتاز حمل وشد واجرى ومتقلقش ما شاء الله
واعمل استخارة واتوكل
وانا فى الخدمة فى أى استفسار
كنت عاوز اعرف رأي الأستاذ خالد لأنه عنده العربيتين ,, ياريت تفيدني ياباشا
اسف على التأخير فى الرد (لأنى عقبال عندكوا بجهز الشقة عشان ان شاء الله هتجوز فى شهر 9 (ادعولى )معلش اعزرونى
لو حضرتك بتحب الجرى والشد بالعربية والحمولة الكبيرة يبقى حضرتك تجيب ال1600
لو حضرتك بتمشى بهدوء ومش بتاع جرى وسرعات عالية وتوفير للبنزين وما بتحملش عدد كبير فى العربية يبقى هات ال1300
ولو عايزنى افيدك اكتر قولى انتا عايزها عشان ايه بالظبط وأيه متطلباتك فى العربية
وربنا يكرمك
اولا الف مبروك يا باشا ع الجواز ,, ربنا يكرمك يا رب
انا بس كنت عاوز اعرف ,, العربيه دي كويسه ولا لأ
لأن في نااس كتير جدا قالولي ابعد عن الصيني لأنك مش هتركب عربيه و وهتبوظ بسرعه و مش معمره و مش هتعرف تبيعها تاني
وكمان قطع غيارها غاليه ولا معقوله ولا رخيصه ,, و الصيانه و التوكيل بتاعها
جزاك الله خيرا يا اخي
أ
بص حضرتك انا جبت العربية ال1600 فى 16\1\2009 العربية عامل بيها لغاية دلوقتى 18000كم والعربية كنت يوميا فى الدراسة بمشى بيها 300كم وبهدلة وشغل تقيل وحمل وسفر كتير
والعربية الحمد لله زى الفل مع العلم ان كان معايا لانوس موديل 2005 كنت امشى بيها 150كم الاقيها تقلت وبقت مخنوقة
انا معاك فى الناس الى بتقول ابعد عن الصينى
بس مش كل الصينى زى بعضة
فيه فرق مابين الشيرى والبريلينس
البريلينس مجمعة بين الشركات المحترمة
الشاسية سيستم بورش
الموتور ميتسوبيشى 2008 البومة
والعربية عندى مطلع عنيها بس هيا يمكن استريحت شوية يوم ماجبت ال1300 بقيت بخرج بيها اكتر من ال1600 عشان خلتنى ابقى محترم فى السواقة
يعنى امبارح جيت خرجت بال1600 كنت ماشى بيها زى المجنون كنت ماشى بيها على الدائرى 160 كم\س
وكنت ماشى بيها فى طريق السندباد 140كم\س
بالنسبة لموضوع البيع مافكرتش فيها ومقدرش افيدك لأنى مش ناوى ان شاء الله انى ابيع
لانها عربيات ماشاء الله عليها متفوقة
بالنسبة لقطع الغيار فيه واحد فى الحرفيين جاب حاجات الاسبلندر والجالينا واسعاره رخيصة جدا جدا بس الfrv لسه شوية لأنها لسه نازلة
وربنا يكرمك ويوفقك فى اختيارك
الف الف شكر يا استاذ خالد ,, متشكر بجد على اهتمامك ياباشا
انا ان شاء الله هصلي استخاره ,, و ربنا يقدم الي فيه الخير
طب معلش يا استاذ خالد ,,, كنت عاوز اعرف معدل استهلاك البنزين بالنسبه لل 1600 سي سي
هل هو عالي ,,, ولا كويس ؟
يعني زي اللانسر ال 1600 ولا اقل ولا اعلي ؟