الموضوع: إقتباس من الأخ سبعاوى

ما اعتقدش يا يحيى ينفع نطبق قكرة الحتة الجلد اللى مدهونة بشحم او زيت لانه صاحب العربية حيتبهدل وهوا بيشيل او بيحط الغطا

مالهاش حل غير انك تسهر طول اليل تبعدهم عن العربية

او تشتغلهم بجهاز الانذار بس

لها حل ناجح الى حد كبير

غطاء رخيص من ابو 60 جنيه

غرق الكبوت والشنطة زيت محركات ويفضل مستعمل علشان يبقى لونه غامق، معلش تحمل تبقيع الكبوت والشنطة زيت كام يوم ، وصدقنى مع اول تنضيق للعربية بمية وصابون الزيت هيروح بسهولة جدا من على جسم العربية

شوية تراب فوق الزيت

صدقنى حتى اطفال الشوارع بيقرفوا يقعدوا عليها،

بس هل يا ترى كل ما ييجى يخرج مشوار ييجى ينضف العربية بالصابون
او لما ييجى يركن العربية يلغوصها بالزيت
:!: :!: :!: :!: :!: :!: :!:

يبدو انى ما وضحتش الفكرة كويس

اللى بيتغرق زيت هو الغطاء وليس العربية

العربية بتتلحوس كام يوم نتيجة تسرب الزيت على جسم العربية من الغطاء لحد ما ينشف على الغطا وخلاص، بعد كدة مش بتحتاج تحط زيت تانى لحد نهاية عمر الغطاء

-كان عندنا دكتور ايام الجامعه عامل ورقه بالكمبيوتر كاتب فيها ممنوع الجلوس والا سوف اسحب

الكارنيه

-ممكن توصى بواب العماره او فرد الامن او السايس انه ميخليش حد يعد على العربيه وتديله فلوس

-كمان ممكن تركب جهاز انزار بحيث لو حد اعد على العربيه العربيه هزمر وهنزعج ويمشى

او لو انت شوفته من بعيد خلى العربيه تزمر علشان يعرف ان صاحب العربيه جاى

-انا مره كنت ساند على عربيه فى الشارع وصاحب العربيه كان جالس فى البلكونه اعد يفتح الباب

بالريموت وبقفله طبعا انا فهمت انه عايزنى امشى ومشيت وطبعا هوه عنه حق علشان عربيات الناس

مش ركنه علشان الناس يتسند عليهم او يتعد عليهم ويعيشوا حياتهم

-انا ايام ما كان عندى النصر 127 كانت العيال الصغيره عاملين الشنطه زحليقه لحد ما الزجاج

الخلقى ما اتكسر