الموضوع: شوية حركات

-النهاردة نزلت أظبط العربية شوية.
1- غسلتها غسيل شامل ما عدا الموتور نفخته هواء فقط.
2- رفعت العربية غسلت الشاسيه و رشيت علي العفشة زيت (( فرقت معايا أوي )).
3- عملت إعداة ترصيص للعجل و كان فيه عجلتين ضايعين.واحدة فيهم القراءة 20 والتانية 55 .
4-ربطت العفشة كلها و ظبت العجل علي 28 ( نيتروجين).
5- تنظيف دورة التبريد و إستخدام ميه حمرة.
6- فاكيوم للكرسيين والكنبة.
7- إشتريت سبراي junk for injection and AirIntake وسائل تنظيف لدورة الوقود بالكامل STB.
8- إشتريت فواحة جميلة جدا بعدين فولت العربية 95.

-النتيجة :

1- هدوء تاااام علي الطريق و مفيش إحساس بالمطبات و العربية نعمت.
2- السحب إتحسن كتير بعد البنزين 95 وسائل التنظييف مع العلم إن لسه مستخدمتش السبراي.
3-الرائحة الكريهة اللي كانت موجودة إختفت.
4- وأخيرا إحساس رائع بإن العربية نظيفة جدا ولو إني عارف إن كلها يومين وتتبهدل تاني.

- التكاليف :

1- غسيل شامل ( داخل و خارج وشاسيه و زيت العفشة وفاكيوم ) ____ 25 جنيه.

2- إعادة ترصيص و ظبط ضغط النيتروجين ___ 24 جنيه.

3- تربيط عفشة ____ 10 جنيه.

4- منظف الرشاشات و السائل ____ 80 جنيه.

5- فواحة ___22 جنيه.

6- تنظيف دورة التبريد و ميه حمرة ___45 جنيه.

7- 45 لتر بنزين 95____ 124 جنيه.

.... المحطة .... ___ إمارات مصر الدائري المعادي. وللتظبيط بقية

أنا شرير؟؟ ربنا يسامحك إنت.
حضرتك أنا قولت إني أعرف ناس هناك واللي إتعمل ده كانت خدمة ليا.وإلا كنت جييت هنا وقولت للناس كلها اللي عاوز يغسل عربيته يروح لإمارات مصر.لكن ده محصلش.وحضرتك شوف الموضوع من الأول و شوف الحاجات اللي إتعملت إتكلفت كام وأعتقد إن لو إتعملت في موبيل هتبقي أغلي.خلاصة الكلام يا باشا المحطة مفيهاش غسيل.اللي إتعمل ده خدمة ليا مش أكتر.المرة اللي جاية يا سيدي لما تحب تغسل نتقابل و أوديك هناك لو ده هيخليك تسامحني