نفق الازهر

**Dr_Mido** · 15-07-2009 07:22 PM

ازيكوكلكو كان بقالى كتير مبدخلش لشان النت كان مفصول

هحكى حاجه حصلت معايا انا وصاحبى من 4 ايام كدة
بالليل متاخر كنا مروحين من نفق الازهر بعربيه ماتركيس
وحاطين فواتير ومحاضر تسليم بضاعه بمبالغ كبيرة

بعد مدخلنا النفق بشويه لقيت الورق كله خارج من الشباك اللى جنبى

بصيت فى المرايه لقيت مفيش حد ورايا ركنا على جنب بسرعه وشغلنا الانتظار

وبندور على الورق

شويه ولقيت شخصين ورانا وبيقلنا بتعملو ايه على رجليكو فى النفق واتفضلو معانا

طلعنا برة بعد ملقينا الورق لقا واحد تانى بيقول انه متحفظ علينا لحد بيكلمه فى لاسلكى معاةة

المهم اقتنعنو انه ان كل الموضوع حسن نيه والناس كانت بتتعامل معانا بكل ادب

مع التشديد انه ممنوع الوقوف او الركن فى غير الاماكن المخصصه

ولو حصل وحد حب يخرج من النفق ميخرجش على رجليه يخرج من مخارج الهرب اللى على الجناب ودى الحاته اللى طلعنا منها تقريبا كدة كنا هنلبس قضيه لانه فعلا مكان حساسا جدا وحيوى جدا ولو حذ معاة ورق مهم من اى نوع ميحطوش على النابلوة
واحنا كان شكلنا شبه جدا جدا جدا

اموت واعرف عرفو اننا على رجلينا ازاى وخصوص انى مشفتش ولا كاميرا مراقبه واحدة حوالينا

**SAMEH_FOUAD** · 15-07-2009 08:57 PM

فية كاميرات مراقبة فى النفق لاى حاجة تحصل

**k@ri!i!m** · 16-07-2009 01:54 AM

الموضوع ده فعلا بيتكرر كتير لناس كتير..ربنا يستر..

**madoo** · 16-07-2009 05:14 AM

هو ايه حكايه النفق والورق اللى بيطير فيه ده دى تانى مره فى الاسبوع دة

ياجدعان خلوا بالكوا وانتوا نازلين اى نفق اقفلو ا القزاز او بلاش تشيل اى ورق على التابلوه حطوه جوه درج التابلوه واقفلوا عليه

**ahmedhilmy** · 16-07-2009 06:55 AM

الحمد لله انه ربنا سترها معاك دي تاني مرة الاسبوع ده و كله روق خاص بفلوس و شيكات و علي فكرة النفق فعلا في كاميرات مراقبة و مش قليلة ده كذا وحده

**Samir Elshahawy** · 16-07-2009 10:39 AM

معروف أن النفق مراقب بكاميرات و لو عربية تعطلت فجأة في أي حارة يتم أعطاء أشارة (علامة x) في اللوحات الارشادية لتعرف السيارات القادمة أن الحارة مغلقة أو بها سيارة معطلة لتتجنبها