مساء الخير يا محمد
انا كنت عايز اسألك اخبار اللمبات Osram Night Breaker معاك ايه ؟
طب هى ولا الكريستال فيجن؟
وهل منها للفوجات بوات واطى؟
وهل بيركبلها كتاوت ؟
واحسن مكان ممكن اشترى منه فى بورسعيد
لانها الاقرب لدمياط ......
عرض للطباعة
مساء الخير يا محمد
انا كنت عايز اسألك اخبار اللمبات Osram Night Breaker معاك ايه ؟
طب هى ولا الكريستال فيجن؟
وهل منها للفوجات بوات واطى؟
وهل بيركبلها كتاوت ؟
واحسن مكان ممكن اشترى منه فى بورسعيد
لانها الاقرب لدمياط ......
معلش يا محمد الاسئله كتيره شويه
موضوع متميز
انا ركبت osram ودي رايي فيها
1.النور مش اصفر اوي ولسة موصلتش للابيض
2.النور متوزع حلو هو راسم شجرة غريبة كده على الارض بس بعد ما هتتعود عليه خلاص
3.النور عامل دايرة قوية اوي قدامك
و نصيحة مني بلاش تشتريها لو عايز اشتري philibs night guide و هات منها كلفن عالي علشان ترسملك شكل العربية
و بالنسبة للكريستال فيوجن انا مجربتهاش خالص
اه في للفوجات
لا مش محتاجة كتاوت
ونصيحة في الاخر لو في امكانية انك تركب زينون ركب بوش او اي حج و الفرق مش كبير 200 جنيه بس
بس خلي بالك من المرور :policeman: :policeman: :policeman:
من اي حته عادي بس خليك في رنج السعر العادي
كريستال = 140 بلمض التابلوه
فيليبس نايت = 120 او 130 مش فاكر والله
اوسرام = 90 او 100 عادي
ولا يهمك يا وليد دا انت نورت الموضوع :satelite:
شكرا ليك
انا اسف يا شباب للتأخير
بس انا شفت فعلا واحد مركب ال Mp4 Transmitter في عربيته وكمان ميزة الجهاز ده انك ممكن تقسم Folders غير ال Fm Transmitter العادي وانا عربيتي مو2007
وده اللينك بتاع الجهاز
MP4 + MP3 Player with Deluxe Car Adapter Kit (4GB)
ياريت لو حد عرف بيتباع فين يقولنا يا شباب
ممكن تسال في راديو شاك
المشكلة ان صوته مش بيبقى حلو زي cd
محمد باشا
مساء الفل
كنت عاوز أعرف ممكن ألاقي دواسة للشنطة مقاس شنطة الجين 2 فين؟ وبكام؟
أنا شفت عند أمير وجوزيف واحدة بس مقاس صغير ب 150 جنيه
شكراً مقدماً :Ob_mak1[1]:
انا راي انها مش مهمة انما انت لو عايز اعملك واحده تفصيل احسن عند اي سروجيي واختار انت الجلد ولونة وخامته و كل الي انت عايزه بدل ما تجيب حاجة يكون خامتها و حشة وهتلاقيها بسعر غالي جدا
شكراً يا باشا
معلش يل محمد باشا إستفسار تاني :)
أنا عاوز أنضف العربية من برة ومن جوة مش عارف أروح عند محلات تنضيف العربيات ولا أنضفها أنا أحسن؟
أنا بصراحة خايف المحل يستعمل في التنضيف وخاصة تنضيف التابلوه مادة تشقق التابلوه وكمان العربية من برة لو المياة جامدة ممكن تبوظ اللون ولا حاجة؟
لو فيه أدوات تنضيف وتلميع معينة كويسة ومتضرش العربية ياريت أعرف أنواعها وأسعارها ومنين أجيبها
شكراً
انا هنا بنضف عند الفا كار كير بس علشان جنبي في اسماعلية ممكن لو تحب اروح اسالهولك على الحاجات و اجيبهالك او لو حضرتك عايز تشرفنا و تغسل عنده يا ريت دا اسماعلية تنور ( و اسف على تاخير الرد لاني كنت في اسكندرية ومكانش في نت هناك )
موضوع جامد جدا
وشكرا علية
خلاص ان شاء الله انزله و اسئله على اهم الحاجات و اقولك عليهم يا استاذ مدحت
استاذ مدحت انا كلمت بشمهندس تامر و هو هيرد على حضرتك في الموضوع هنا استنا رده ان شاء الله
م/محمد موضوع جميل ومتميز جدا
وده شي مش جديد عليك ياقائد
جامد اوي الموضوع يا محمد و الاجمل حبك لمساعدة الناس
في الأول أنا بعتذر على التأخير بس أنا كنت في شرم وماخدتش ال laptop :b4_033:
والله يا أستاذ تامر أنا عاوز أنضف من برة الإزاز والبادي بتاع العربية كله والفوانيس والجنوط
أما من جوه التابلوه والأبواب والكراسي القماش والموكيت
أنا سعيد جداً بمعرفتك ومتشكر لإهتمامك
وشكر حار وخاص ليك يا أستاذ محمد على إهتمامك :10d5c8~1107:
استاذ مدحت استنه بكره ان شاء الله رد البشمهندس علشان هو انهاردة اجازة
استاذ مدحت كل سنه وحضرتك طيب
انا بعتذر جدا عن التاخير
بالنسبه للغسيل الخا رجي امره سهل جدا
اهم حاجه متغسلش البودي الخارجي بمنظفات الصحون والملابس زي فيري او بريل او اريل
الافضل تستخدم شامبو غسيل السيارات وفي نوع
انا بستعمله كويس جدا(ارمور اوول)وده امريكي الصنع وعباره عن شامبو وواكس لحمايه دهان السياره واظهار بريقها...
ومع ذلك لو مش متوافر ممكن اي شامبو سيارات
ولو مش متوافر ممكن تستخدم شامبو جونسون للاطفال لانه متعادل ومش هياثر علي الدهان اطلاقا...
تمام....
طيب هدعك البودي بايه؟؟؟
حاجه من الاتنين
1-اسفنج ناعم
2-فوطه جلد الغزال
لو مش متوافرين ممكن اي فوطه قطنيه منزليه
المهم ان اخصص فوطه للبودي وفوطه للاطارات والجنوط والزجاج هتلاقي منتجات كتير لتلميع الزجاج
ابسطهم الجلانس والجرنال تخيل ونتيجه حلوه اوي
او ممكن مساحه الزجاج الصغيره
بالنسبه للاطارات والجنط بفرشه وليكن فرشه البلاط المنزليه وتدعكهم كويس ودي في عمليه النظافه الاوليه.
بعد الانتهاء من غسيل البودي ....(بالشامبو)
وتلميع الزجاج....(بالجلانس)
وفرك كل من الاطارات والجنوط(بالفرشه)
مسح البودي الخارجي وتجفيفه بفوطه قطنيه
نيجي لتلميع الجنوط والاطارات والفوانيس الاماميه
والخلفيه:
بالنسبه للجنط والكاوتش في منتجات كتيره جدا هتلاقيها عن بتوع الكماليات او في مترو او كارفور
مخصصه لكدا وكل نوع ليه طريقه وهتلاقيها مكتوبه علي العبوه...
افضلهم بالترتيب:
1-مجموعه ميجوايرز
2-مجموعه د/كلين
3-ارمور اوول
وعشان مطولش اكتر من كدا الثلاث منتجات دول
كل منتج فيهم بيقدم مجموعه متكامله للعنايه بالسياره من الداخل والخارج بالكامل سواء كان داخل السياره فرش قماش او جلد
وفي كمان فوم بيكون مخصص لغسيل الموتور ومفيش منه اي قلق او خوف
وده عشان لو حبيت تنظف السياره من الداخل
بالنسبه لتلميع الفوانيس الخلفيه اوالاماميه
طريقه بدائيه بس سهله ونتايجها مش بطاله ورخيصه
هتجيب بولش واختار النوع اللي انت عاوزه سواء مصري او مستورد
وتوزعه علي الفانوس بايدك وتسيبه 3 الي5 دقايق
وتبدء تشيله بقطع قطنيه كبيره مع الضغط
الحاجات اللي تتجنب انك تعملها بايدك جو العربيه:
1-متقربش من سقف عربيتك
2-متحوليش تغسل التابلوه غسيل كامل
لكن تلمعه بس ولو في بقعه بسيطه ممكن تتعامل معاه باي منتج مضمون وفي اضيق الحدود
3-لو كراسي العربيه فرش قماش تتاكد بعد تنظيفه انك جففت المكان اللي اشتغلت فيه كويس
4-اي منتج هتستخدمه جوا العربيه تقرا طريقه الاستخدام كويس وتجربها الاول في مكان مش ظاهر لتاكد من صلاحيه المنتج
5-لو هتستخدم منتج لتنظيف الفرش استخدمه علي بقعه في جزء بسيط واستني لما يجف وتعرف هيسب اثر بعد ازاله البقع
لو ترك اثر متكملش
لو متركش كل كل قطعه علي حدي....
اتمني اكون افدتك واسف جدا علي الاطاله
كل سنه وانتم طيبين
موضوع حلو اوى ميه ميه والله
الف شكر على ردك يا هندسة و 100 % كالعادة
يا ريت يا استاذ مدحت تقولنا عملت اه في العربية و غسلتها ولا لا
موضوع جامد يا محمد باشا
شكرا ليك
محمد باشا .. اخبارك إيه ..
يارب يكون كله تمام
بص بقى يا زعيم ....
أنا بدأت موضوع التظبيط .. بعمل الفرش الجلد ( ربنا يكرمه أيمن بك ..)
http://img24.imageshack.us/img24/4125/k5v81211.jpg
بعد كده .. عايز أعمل الرينجات دى .. زى ما هى فى الصورة بالظبط
http://www8.0zz0.com/2009/12/25/13/236454097.jpg
عايز أعرف فى حاجة مخصوصة للجين .. ولا فى حاجات مخصوصة لعربيات تانية ممكن تركب عندنا ؟
وتكلفتها هتكون كام ... تقريبا طبعا
==============
تانى حاجة
عايز أعمل شغل فى الفانوس الخلفى
ففى اقتراحين
الأول .. انه أعمله زى ده
http://www8.0zz0.com/2009/12/25/13/891241303.jpg
أو أعمل فيه ليدات زى ده
http://www8.0zz0.com/2009/12/25/13/869320359.jpg
إيه رأيك - وطبعا رأى كل الأعضاء .. فى الشكلين .. أيهما أحلى ؟
ويتعملوا أزاى ؟ .. والتكلفة ؟
==============
تالت حاجة
النور اللى تحت العربية .. عايز أعمل زى ده
http://www8.0zz0.com/2009/12/25/13/701154891.jpg
أنا مشفتش النوع ده قبل كده .. ياترى موجود منه فى مصر ؟
وعند مين .. لو تعرف
============
نيجى بقى للجنوط والكاوتش
أنا عربيتى 2009 .. ومش ناوى أغير الجنوط
فقلت هعمل فيهم شغل كده زى ده .. بس خلى بالك الجنط اللى فى الصورة مش نفس الجنط بتاعى
http://www5.0zz0.com/2009/12/25/13/613675108.jpg
أنا عايز أرش الجنط بلون أسود مطفى (مط) يمشى مع الكاوتش كده
ومش هرشه كله .. لأ .. بين العواميد بتاعته دى .. بس
وكمان هرش فى نص كل عمود فى الجنط .. ركز فى الصورة كده .. ودقق .. هخليه زى الجنط اللى فى الصورة بالظبط
أرشه بإيه ؟ .. وينفع أرشه بنفسى ؟ .. وأجيب خامة الرش منين .. وتكلفتها ؟
.
.
.
.
محمد باشا .. الموضوع كبير ولا ايه ...؟؟
مش انت اللى عملت الموضوع .. استحمل بقى
لأ .. وكمان إيه .. ده لو عندك - أو عند أى حد من الأخوة الأعضاء - أى اقتراحات تانية ممكن تتعمل فى العربية .. تقولى عليها
نسيت حاجة مهمة كمان
واقى الأمطار .. واللى كان أشار له الدكتور محمد سليمان قبل كده
http://www.jeautomart.com.my/eshop/images/9.AP-G2.N.JPG
ده حتى هيكون واقى من مياه المساحات .. وانا ماشى بالعربية وحبيت أرش من مياه المساحات .. بلاقى المياه ماشية مع الزجاج الأمامى وداخلة عليا
مش عارف ألاقيها فين ؟؟؟؟
دكتو عماد ازي حضرتك يارب تكون بخير و ان شاء الله عربيتك تتظبط وتبقى 100/100 بالنسبة لكل الحاجات الي حضرتك عايزها سهلة جدا جدا جدا جدا و مفيهاش اي مشكله خالص
بالنسبة للرينجات الي جوه الفانوس بتتعمل عموله سواء في بورسعيد او اسماعلية او القاهرة لان عندكم في الاسكندرية الاسعار غالية جدا جدا جدا و التكلفة بتبقى حوالي 100 او 150 حسب النوع
و بالنسبة للفانوس الي ورا الصورة الاولى دي ممكن تعملها بفاميه عادي مش هتكلفك 25 جنيه للفنوسين انما الصورة التانية الفانوس دا بيتباع جاهز ب 800 جنيه و في اشكال تانية كتير ممكن تعملها بالفاميه عادي جدا جدا جدا
اما الصورة التانية فدا عبارة عن اندر نيون ليدات و دا بيتباع في بورسعيد و في القاهرة عن جوو بحوالي 500 جنيه و في انواع تانية من غير ليدات بتبدي من 100 و 150 جنيه
و بالنسبة للجنط دا سهل جدا انا عامل حاجة زيها عندي في موديل 2008 و الفكرة سهلة جدا انك بتنزل تجيب علبة اسبراي اسود من اي حته و تغطي الجزء الي مش عايز ترشه بجرايد كويس جدا و ترش الباقي زي ما انت عايز ولو الموضوع دا هيبقى صعب عليك ممكن تروح عند اي حد بتاع بوهيه يقفلك الحتت الي انت مش عايزها وانت ترش الباقي وعلبة الاسبراي الاسود ب 7 جنيه و هتكفي ال 4 جنوط
بالنسبة باه للكارتيرات بتاعت المطر دي المفروض انها بتنزل كل عربية لوحدها معرفش في منها للجين ولا لا انما انت ممكن تجرب بتاعت اللانسر او الفيرنا و تقص الزيادة لو في و دي كانت رخيصة جدا و بتتباع عند اي حد بتاع اكسسوارات
و يارب يا دكتور اكون ادرت افيد حضرتك وانا معاك في اي حاجة انت عايزها ولو عايزني اجيبلك اي حاجة من هنا او من بورسعيد انا تحت امرك و برده وانت نازل القاهرة شوف عايز تجيب من جو او من مين وانا اكلمهولك
أستاذ والله .. وجبت من الآخر
لأ ..و إيه .. سرعة فى الرد كمان
طبعا أفدتنى جدااااااااا
وهنزل أشوف الكارتيرات .. والاسبراى
وان شاء الله هاكلمك لما أروح لجو علشان الأندر نيون ليدات
ولو المقابلة رست على الاسماعيلية .. هجيلك بدرى شوية .. علشان أعمل الرينجات
ولو مكنتش المقابلة فى الاسماعيلية .. نبقى نتفق على أى مكان تانى انت تكون عارفه
شكرااااا جزيلا
ربنا يخليك يا دكتور حضرتك تامر بس و ان شاء الله المقابلة في اسماعلية او بره انا تحت امرك في اي وقت
:B4_388:thank u for ur nice information