ضبط ساعة الكاسيت

**khalid9411** · 15-07-2009 08:52 PM

كنت فصلت البطاريه المهم وصلت وجيت اضبط ساعة الراديو مش راضى وبدوس على الزراريت مع بعض برضه مفيش فايدة حاولت عدة مرات دون جدوى وكنت باضبطها علطول قبل كده مش عارف ايه اللى حصل ولكم الشكر

**khalid9411** · 15-07-2009 08:56 PM

نسيت لانوس 2006 نوع الكاسيت كلاريون

**khalid9411** · 15-07-2009 09:46 PM

فينكم يا جماعة

**elrasy** · 15-07-2009 09:50 PM

دوس band وبعدين 4 لمدة 5 ثوانى وبعدين ظبط الساعة من زراير تغيير موجة الراديو
وبعد كدة دوس band

**khalid9411** · 15-07-2009 10:04 PM

دوست باند مع زرار رقم اربعه لمده 5 ثوانى برضه مش عايزة تظهر مش عارف ليه

**Akram** · 15-07-2009 10:36 PM

جرب تدوس على Mode مرتين و بعدين زرار Band+4 لمدة 5 ثواني و بعدين تظبيط الساعة من زرار الموجة يمين و شمال.

**khalid9411** · 15-07-2009 10:47 PM

هنزل اجرب استاذ اكرم واقولك

**elrasy** · 15-07-2009 11:33 PM

المشاركة الأصلية كتبت بواسطة khalid9411

دوست باند مع زرار رقم اربعه لمده 5 ثوانى برضه مش عايزة تظهر مش عارف ليه

الاول شغل الراديو هتلاقى رقم الموجة اللى انت جايبها بعد كدة دوس band ثم 4 بسرعة من غير ما تدوس 5 ثوانى هتلاقى الساعة ظهرت مكان رقم الموجة بعد كدة اعمل اللى قلتلك علية فى المشاركة السابقة.

**megosoft** · 16-07-2009 10:57 AM

إضغط Band لوحده وبعدها بثانيه إضغط معاه Func. أو Mode " مش فاكر مكتوب انهي فيهم"- ح تلاقي الساعه ظهرت ثابته إضغط Band+4 ح تلاقيها بتومض- من اسهم البحث عن الموجة غير الساعة اليمين للدقائق والشمال للساعات - ولما تخلص إضغط Band مرتين.
على فكرة أنا قعدت فتره طويله ما وريش شغلانه وقت تسخين العربية الصبح غير محاولة ضبط الساعه- ومره كنت ح البس في واحد من ورا واحنا طالعين من إشارة- لاني اثناء الانتظار في الاشارة كنت برضه هاري نفسي عشان اضبط الساعه- والاشارة فتحت وانا طلعت بس برضه كان لسه ايدي وعيني على الراديو- بس ربنا ستر الحمد لله.