مشكلة التربية العسكرية ..

**M.Osman** · 15-07-2009 11:26 PM

ياه
28 سنة!

بص حضرتك... بجد الموضوع مكنش فيه اي استفادة خالص... نخيل كنا بنقف في الشمس من الصبح لبعد الظهر و ساعات للعصر لمجرد اننا واقفين ؟
انا كنت فاكر انها هتكون بإستفادة لكن للأسف...:(
و اظرف حاجة بجد بعد كل العزاب بتاع الإسبوعين دول و يقولولي انت منجحتش ! ( هو انا خدت حاجة عشان منجحش فيها ؟؟ )

بس فعلاً زي ما حضرتك قلت ....

اكيد ليها مساوئ ... بس برضه لها ميزات .... حتى لو اقتصر الامر على المرور بالضغوط النفسية المصاحبة ..... ده في حد ذاته تجربة مفيدة وقد تكون خبرة في حد ذاتها .... مجرد رأي

و هو دا اللي حصل
و شكرا على ردك اللطيف ( و اعتذر ان كنت زودتها حبتين)

**aif** · 15-07-2009 11:39 PM

فعلا من 28 سنة
انا خريج 1985 والدورة كانت في سنة تانية تقريبا يعني سنة 1982
....
ساعات في الجيش بيتعمدو وضع الجنود في ضغط نفسي شديد .... منها مثلا انه يعمل مجهود في حاجة لا طائل منها ...... يقف انتباه في الشمس لمجرد ان القائد بتاعه عاوز كدة
احيانا .... وانا باقول احيانا .....
بيكون ده مقصود بيه ان يعتاد الجندي على اطاعة الاوامر برغم عدم اقتناعه بها
لأنه في العمليات قد يتعرض لوقف مشابه ..... ومش معقول القائد ح يشرح لكل الجنود ايه الهدف من اللي هو بيعمله ... والا ح يكون الامر فوضى
وساعات في العمليات بيتعرض الجنود لضغط نفسي شديد ...... لو هو مش مدرب على كدة .... ح ينهار
وفيه حديث نبوي معناه
اخشوشنوا فإن النعم لا تدوم او كما قال عليه الصلاة والسلام
علشان كدة قررت من 28 سنة اني احضر التدريب ده برغم ان كان ممكن اجيب واسطة او ادفع فلوس واخلص من الموضوع
لكن المرور بالتجربة اكيد بيبقى مفيد ... حتى لو التجربة قاسية ورخمة .... لكن مجرد مرورك بها ... رصيد لك في الحياة
...
مش كلام انشا والله ...... لكن لو الدنيا كلها سهلة ولذيذة ..... ح يبقى مالهاش طعم
لازم كدة ... وكدة
وعقبال كدة اولادك ما ياخدو الدورة دي .... وتقعد تحكيلهم ذكراياتك عنها ......
ساعتها ح تتمنى الايام دي ترجع تاني ... حتى بالقرف اللي كان فيها

SS · 16-07-2009 12:29 AM

المشاركة الأصلية كتبت بواسطة aif

فعلا من 28 سنة
انا خريج 1985 والدورة كانت في سنة تانية تقريبا يعني سنة 1982
....
ساعات في الجيش بيتعمدو وضع الجنود في ضغط نفسي شديد .... منها مثلا انه يعمل مجهود في حاجة لا طائل منها ...... يقف انتباه في الشمس لمجرد ان القائد بتاعه عاوز كدة
احيانا .... وانا باقول احيانا .....
بيكون ده مقصود بيه ان يعتاد الجندي على اطاعة الاوامر برغم عدم اقتناعه بها
لأنه في العمليات قد يتعرض لوقف مشابه ..... ومش معقول القائد ح يشرح لكل الجنود ايه الهدف من اللي هو بيعمله ... والا ح يكون الامر فوضى
وساعات في العمليات بيتعرض الجنود لضغط نفسي شديد ...... لو هو مش مدرب على كدة .... ح ينهار
وفيه حديث نبوي معناه
اخشوشنوا فإن النعم لا تدوم او كما قال عليه الصلاة والسلام
علشان كدة قررت من 28 سنة اني احضر التدريب ده برغم ان كان ممكن اجيب واسطة او ادفع فلوس واخلص من الموضوع
لكن المرور بالتجربة اكيد بيبقى مفيد ... حتى لو التجربة قاسية ورخمة .... لكن مجرد مرورك بها ... رصيد لك في الحياة
...
مش كلام انشا والله ...... لكن لو الدنيا كلها سهلة ولذيذة ..... ح يبقى مالهاش طعم
لازم كدة ... وكدة
وعقبال كدة اولادك ما ياخدو الدورة دي .... وتقعد تحكيلهم ذكراياتك عنها ......
ساعتها ح تتمنى الايام دي ترجع تاني ... حتى بالقرف اللي كان فيها

دفعة 85 !!!! لأ ما تقولش ....شكلك ما يديش خالص يا حج أحمد

.....طيب خليها 95 و نمشيها

بص يا حاج أحمد ...هى فعلاً الى حد كبير زى ما
بيقول SuccessCre8or
يعنى موضوع الجندية و طاعة الأوامر و الذكريات و السكة دي....سيبك منها
لأنهم فعلاً بيكدروا الطلبة و بيخنقوهم ...بلا اى هدف...و فيه فرق كبير بين انك تقرص ع واحد و تشد ليه و لا حتى تعذبه و مابين انك تحسسه انك بتذله... ع العموم مش ده المهم أنت كلامك صح و 100 100 فى الجزئية بتاعة التجربة....انا برده كنت ناوى اخلع منها ....بس بصراحة لقيت ان انا مش دايما هلاقى اللى يسلكنى و اكيد هاضطر بشكل او بأخر فى وقت ما انى اعمل حاجة غصب عنى......فخلينى اخوض التجربة و اعود نفسى انى هاعمل حاجة مش عاجبانى بس مضطر لها....و بعدين هى التربية العسكرية هتيجى ايه جنب يوم فى الجيش .
ما تتخنقش اوى كده يا SuccessCre8or عشان ما تتعبش ديه حاجة بسيطة جدأ جنب اللى لسه هاتشوف لما تخلص و تدوس فى الشغل و الحياة.

فيه سكة قانونية للهروب ع فكرة بس تنفع للكليات العملى فقط....اللى عندهم سكاشن تقريباً يومياً ...يقدم فى الدورة اثناء الدراسة ...و يوديلهم الجدول من الكلية مختوم....و هما مفروض اى يوم فيه سكاشن بيشيلوه.....يعنى بيحضرك من غير ما تروح ...و على فكرة التربية العسكرية حلها مش شرط يكون مع بتوع الجيش...بتوع شئون الطلبة بيخلصوها برده.

**Mzeid** · 16-07-2009 01:43 AM

طيب التربية العسكرية انا ما اخدتهاش و انا في 3 دلوقتي ..
هي للكليات الحكومية فقط و لا إيه ؟!

**KHALED AYMAN** · 16-07-2009 02:06 AM

انا اعرف عن التربيه العسكريه معلومات بسيطه يا ريت لو غلط تصححوهالى :
1-ما هى الا تعب ع الفاضى و وقفه فى الحر ...
2-بتتاخد فى الاجازه
3-احسن حل الواسطه و ريح دماغك ...

سؤال:
انا دلوقتى مخالص اولى اداب يعنى داخل تانيه ...
هل ممكن اخدها دلوقتى ولا لازم استنى ؟؟؟

**sab3aawy** · 16-07-2009 10:11 AM

المشاركة الأصلية كتبت بواسطة aif

انا عمري ما شفتك منفعل بالدرجة دي .... هدي اللعب شوية

انا طبعا عارف ان الواقع ممكن يكون مختلف عن المفروض علشان كدة قلت المفروض ان الهدف منها .....
وكمان انا ذكرت ان انا خدت الدورة دي من اكتر من 25 سنة بالتحديد 28 سنة يعني قبل ما نصف اعضاء المنتدي ما يتولدو ... اكيد كل حاجة اتغيرت عن زمان
بس برضه عندنا كانت بتخلص بنفس الطريقة للي مش عاوزين يحضرو
بس انا كان ليا رأي في حضور الدورة دي
اكيد ليها مساوئ ... بس برضه لها ميزات .... حتى لو اقتصر الامر على المرور بالضغوط النفسية المصاحبة ..... ده في حد ذاته تجربة مفيدة وقد تكون خبرة في حد ذاتها .... مجرد رأي

برغم انى حضرت الدورة دى وانا متضرر، لكن انا استفتد منها جدا، انا اتعلمت فيها الرتب العسكرية، وبعض المعلومات بناء الجيوش ووحدات الجيش المختلفة من الاصغر للأكبر، واسلحة الجيش المختلفة، ومعلومات عن الحرب الكيماوية واستخدام اقنعة الغاز ،واحلى حاجة اتعلمتها هى مبادئ الطبوغرافيا وقرائة الخرائط والعلامات الجغرافيا، والله المعلومات دى ما سمعتهاش من حد تانى بعد كدة علما بانى استفدت منها جدا فى حياتى بعد كدة، بس على ايامنا ماكنش فيه ضرب نار

بس برضه انا قديم شوية لأنى حضرت الدورة دى سنة 1990 على ما اذكر، يعنى من 19 سنة، واكيد الدنيا اتغيرت

**eng.octooo** · 16-07-2009 10:25 AM

انتوا زعلتو من بعض كدة لية ؟؟؟؟؟ بلاش العصبية دى

**ahmedhilmy** · 16-07-2009 10:49 AM

انا بقي من حبي للتربية العسكرية حضرتها مرتين متزعلش نفسك اوي كده انا نظري لطبيعتي الملتزمة سابقا طبعا كنت منتظم اوي في حضور الطوابير و المحاضرات و اكتب و اعمل تقارير و اسلمها خلاف الجروب اللي كان معايه كانوا بيقعدوا يدوها شاي و قهوة و احنا كنا بنخدها في كلية التجارة عين شمس معرفش دلوقتي بعملوها فين المفاجئة اني الواحد من الجروب بتاعنا و كنا تقربنا 10 اللي منجحش بالرغم اني كنت اكثرهم التزاما بس مزعلتش نفسي اوي كده الناس عايزين يشوفوني تاني عدتها السنةاللي بعدها من غير واسطة و لا غيره بس كنت قمة البلطجة زي اللي عملوه زميلي و لا طوابير و لا محاضرات و تصدق نجت و جبت ممتاز و عندي الشهادة بتاعتهم لحد دلوقتي انا خريج 1996 بس و لا ليها اي لزمة بعد كده اتظبطنا في الجيش و ربنا يعينك و هدي اعصابك مش مستهله1