4 مرفق
تجربة زيت costrol GTX من بنزينة TAQA
النهاردة كنت بمون من بنزينة اسمها TAQA في منيا القمح بالشرقية ولقيت عندهم زيت كاسترول نوعين
castrol gtx وده المفروض بيعمل 5000 كم ----- جركن ابيض
costrol (مش فاكر الإختصار اللي معاه) بيعمل 10000 كم----- جركن اخضر
المهم نزلت بصيت على الإستاند اللي عليه الزيوت لقيته متصنع في الإمارات بترخيص من انجلترا ومطابق للمواصفات الخليجية
قلت اجربه...
العامل في البنزينة قالي ان معندهمش خدمة تغيير الزيت,بيع فقط
فاشتريت جركن castrol gtx اللي بيعمل 5000كم------ سعره 105 جنيه ---- 4 لتر
وطبعا اشتريت فلتر زيت ورحت للراجل اللي بغير عنده الزيت وغيرته
تقييمي المبدئي...وانا مش خبير في الزيوت والعربيات قوي...
الزيت كويس... صوت الموتور انعم... بس حسيت العربية تقلت حاجة بسيطة زي ما يكون الزيت لزوجته عالية حبتين...
بس انا برضه مش هافتي وده تقييم مبدئي لأني مشيت بيه حوالي 10 كم بعد ما غيرته...
ودي صورة الجركن(مش واضحة قوي عشان كاميرا موبايل)...