يا جماعة الشواطئ اللي اتكلمتوا عنها دي شواطئ خاصه يعني من حق ملاكها او ادارتها انهم يحطوا الشروط اللي هم عاوزينها ومحدش له عندهم حاجه
انا معاهم في انهم يختاروا الجيست بتوعهم لأنهم بيقدموا خدمه خاصه باشتراك يعني بفلوس
عرض للطباعة
يا جماعة الشواطئ اللي اتكلمتوا عنها دي شواطئ خاصه يعني من حق ملاكها او ادارتها انهم يحطوا الشروط اللي هم عاوزينها ومحدش له عندهم حاجه
انا معاهم في انهم يختاروا الجيست بتوعهم لأنهم بيقدموا خدمه خاصه باشتراك يعني بفلوس
من الاخر هما اصحاب الشواطىء دية عايزين يعملوا فئة خاصة هية بس اللى تدخل الشواطىء بتاعتهم ,وبما ان الناس الاستيل والناس الهاى اوى هية اللى بتظهر بالبكينى لان دية حياتهم حتى خارج الشواطىء بيبقوا لابسين لبس بيبين معظم اجزاء جسدهم ,وازواجهم او اباء البنات دية مش فارقة معاهم ,بالعكس دول ممكن يرحبوا بالفكرة جدا ويفرحوا بيها,
فعادى جدا ,انك تلاقى حاجة زى دية ,وعموما الشواطىء بتتباع واحدة ورا التانية,واحتمال كبير قوى تلاقى اسكندرية بقت كلها كدة قريب ,وطبعا لما حد يشترى الشواطىء دية هايدفع وهيدفع جامد قوى كمان ,فيعمل اللى هو عايزة وبراحتة واللى مش عاجبة مايدخلش .
ربنا يكفينا شر الايام اللى جاية ,واللى هايحصل فيها لاننا داخلين على عصر انفتاح جامد جدا جدا ومن غير قيود ,
وبالنسبة للحجاب لازم طبعا يمنع الحجاب عشان يخلى الشاطىء بتاعة شاطىء سياحى وممكن كمان يجذب السياح عشان هيبقى فئة معينة بس اللى داخلاة وهية فئة تقارب فئة السياح فى الطباع وعدم الحياء.
فحنا المفروش مانزعلش لان الحاجات دية مش نازلة للناس المحترمة او المتدينة ,لكن نازلة للناس اللى اصلا متعودة على كدة
وبعدين تعليق صغير :
مالبنات المحجبات دلوقتى ماشيين فى الشارع لابسين لبس لايمكن اى واحدة محجبة وبتعمل بالحجاب دة تلبسة ,يبقى زعلانين عشان قالوا هاينزلوا البحر بالبكينى ,مش فارقة كتير والله(للاسف بقت الاغلبية العظمى)
انا مثلا مش زعلان على موضوع الحجاب ولا غير الحجاب انا الى زعلان منه حاجه انت قولت عليها ظاهره بيع الشواطىء ازاى ابيع او حتى لو ايجار فى حاجه بتاعت شعب بحاله غير كمان زى ما انت بتقول انه هيتم بيع او ايجار الباقى وده مش شىء مفرح ده شىء يحزن الى مزعلنى حاجه وحده بس الامهات والزوجات الى كان بيجلهم ظابط بعربيه بتاعت جيش يسلمهم الاشياء الى كانت معاه وزعلان اكتر على الناس الى عايشه لغيه النهرده وعندهم عجز دول الى انا زعلان عليهم وزعلان على كل نقطه دم نزلت منهم فى يوم من الايام كل دول عملو كده على شان تكون الارض المصريه حره مش على شان ياخدوها وبعد كده يبيعوها واهى تبقى على الاقل اتباعت بفلوس بدل ما كانت مغتصبه ببلاش.
واخيرا انا بس عاوز اعرف حاجه واحده ازاى تحرمنى من انى ادخول ارضى وهى ملك لى طول ما انا مصرى ومين وافق على تخصيص او بيع الشواطىء دى بس كده نفسى اعرف الحل بتاع السؤال ده :T_thum1[1]:
والله الكلام مش الفكره فيه انى انا غيران على دينى وبس لا انا غيران على دينى وبلدى كلها والكلام الى حصل ده لا يرضى مسلم ولا مسيحى وعلى فكرا الموضوع مش الفكره فيه التعدى على المسلمين بس ده على كله فيه برضه مسيحين مش بيلبسو البيكينى زى ما فيه مسلمين مش بيلبسوه والعكس برده زى ما فيه مسلمين بيلبسو البكينى برده فيه مسيحين بيلبسو البكينى الموضوع مش موضوع فئات وان الشاطىء ده سياحى او غيره الموضوع ليه بتحرمنى من ارضى الى حارب على شانها اولادها مسلمين ومسيحين وبدمهم رجعت تانى لينا انا عاوز اعرف ليه مش اكتر عرفت ليه فيه ناس زعلانه؟؟؟
هم مش بيشترطوا البيكيني يعني يا جماعة هما بيقولوا ممنوع المحجبات بس و النزول بملابس السباحة .
المايوه الشرعي ده إفتكاسة يعني مينفعش واحدة تشترك بيه في بطولة سباحة مثلاَ .. لازم تلبس مايوه عادي .. زيه زي الشواطئ الخاصة دي .. بس !
الموضوع سهل يعني ..
اللهم هيئ لنا أمر رشد يعز فيه أهل طاعتك و يذل فيه أهل معصيتك ويؤمر فيه بالمعروف و ينهى فيه عن المنكر و يسود شرعك الذي ترضاه لنا
تعليق بسيط : فرنسا ليست بلد مسيحى، فرنسا بلد علمانى ذو اغلبية بسيطة من المسيحيين(54% مسيحيين منهم 51%كاثوليك و3% بروتستانت)، لكن هذا لا يمنع ان فيها نسبة عاليه جدا من العلمانيين(41% منهم 31% ملحدين وحوالى 10% لادينيين) ونسب اقل من المسلمين 4% واليهود1% والبوذيين1%، والحظر الذى وقعته فرنسا لم يكن ضد الحجاب فقط وانما ضد كل الرموز الدينية فى المدارس مثل ارتداء الصلبان او الطاقية اليهودية او الحجاب ، وارجوا الا يفهم من كلامى اننى مع هذا الاجراءات او ضدها او اننى مع فرنسا او ضدها، انا فقط اوضح بعض الحقائق دون ابداء اى رأى من اى نوع
اتفضل ياباشا
ده اللي انا قصدي عليه
http://www.sfdprojects.org.eg/upload...e/1_1345_L.JPG
شكراَ أستاذ سبعاوي عالرد .. إسمحلي أعقب عليه بأن رد العضو اللي رديت عليه -مقصدش أي حاجة أو إساءة و الله- بيوضح إننا عندنا في الفكر المصري إن الإنسان إن لم يكن مسلماَ فهو بالضرورة مسيحي ! إن لم تكن أهلاوياَ فأنت زملكاوياَ بالتأكيد !
إحنا مش منفتحين علي الفكر الأخر و كتير من محيط الناس اللي أعرفهم ميعرفوش مثلاَ الفرق بين الملحد و اللاديني .. لذلك هناك دائماَ صدمة عند التعامل مع الأخر، لأن فيه جزء من "الأخر" نكاد نكون منعرفش إنه موجود أصلاَ !