أولا ربنا يباركلك فى الاوبيرا
ثانيا هتعمل ايه فى صيانتها
انت لازم تنزل القاهرة علشان تعمل الصيانه فرأت ايه؟
عرض للطباعة
أولا ربنا يباركلك فى الاوبيرا
ثانيا هتعمل ايه فى صيانتها
انت لازم تنزل القاهرة علشان تعمل الصيانه فرأت ايه؟
+1اقتباس:
انت لازم تنزل القاهرة علشان تعمل الصيانه فرأت ايه؟
اقتباس:
المشاركة الأصلية كتبت بواسطة Ahmed Hassan
الحمد لله قررت البدل وأخذت الفرق بما يوازى 85 الف ثمن الاوبترا و97 الف ثمن الميجان وبذلك اكون خسرت 14 الف من ال 111 الف التى دفعنها فى الميجان ولكن الحمد لله الآن يمكن ان انام مرتاح البال ..... الميجان عندما اشتريتها شطبت كل ما ورائى وقدامى نظرا لعشقى لها وبعد زوال فرحة الاقتناء بدأت أتوجس من أى مكروه يحصل لها فلن أقدر على تصليحه مثل الزجاج والاكصدامات ... وأضف الى ذلك بعد مراكز الصيانة وكذلك وجود استبن تالف عندى ( ثمنه 1000 ج ) وكذلك بدأت ألاحظ كركبة فى الدركسيون فى المطبات ( حديثا ) سألت المجربين قالوا لى دى العلبة وبتتغير بعد ما يبعتوا يجيبوها من برة ( شهرين ) ثم تجد نفس الدبدبة فيقولوا لك العامود بتاع الدركسيون( 9 الاف جنيه ) - الدبدبة دى كانت سبب فى هروب زبون منى ما قدرتش اضحك عليه قلتله نعم بها دبدبة فى الدركسيون عند المطبات - فلذا اتخذت قرار البدل بعد ماركبت الاوبترا , عربية عادية جدا بها امكانيات معقولة ثابته هادية لا تحدف ابدا ( مثل الميجان ) وقطع غيارها رخيصة وسهلة التصليح فى اى مكان ومستوردة بالكامل وذهبت بها اليوم للصيانة 20 الف عند منصور ودخلت رأيت مثيلاتها وهى مفكوك وبيتصلح باسعار مقبولة
ولكن......................
:(
قلبى ينفطر ألما على الميجان .. فما زالت عينى تذهب لمنتصف التابلوه لرؤية الحرارة والكاسيت .... مازالت يدى تذهب دائما لمكان الكارت .... صوت صفارة حزام الامان بيزن فى ودانى دائما ..... يدى ما زالت تتذكر الملمس الجلدى الممزوج مع القماش .... شنطة الاوبترا عند قفلها بدبها جامد معتقدا انها مبجان ( لاحظ نظام مفصلات شنطة الميجان لن تجده فى عربيات كتيرة )
0000000000000
من يريد امتلاك ميجان او ما شاكلها مثل اوكتافيا او باسات يجب ان يكون معه 40 % من ثمن العربية كمدخر لها ولازم يكون مأمن عليها ويكون من سكان القاهرة , مارايكم فى صاحب الاوبل فيكترا ال 2007 وهى عاملة حادث نصف الهيئة الامامية متدمر بس المصورة لم تصب بأذى والايرباج اتفتح ؟ تكاليف تصليحها تفوق الوصف
نصيحة لمن يتعظ .. عربيتك لازم تكون متوافقة مع مصر وشعبها - رخيصة - حدادى - بدون رفاهية - منتشرة لها سوق بغض النظر عن كفائتها
للعلم .... أغلب الذين كلمونى لا يعرفون شيئا عن الميجان لا مواصفات ولا امكانيات ولا أسعار كله كان سماع واشاعات
كنت اكاد ان أقرر أن أعتزلكم حزنا على الميجان وحتى لا اتذكر ما كتبته عنها ولكن كما قال الشاعر
أدر ذكر من أهوى ولو بملامى .. فإن أحاديث الحبيب مدامى
:cry: :cry: :cry: :cry: :cry: :cry: على الميجان
:| :| :| :| :| :| :| :| :| للاوبترا
مبروك يا أستاذ محمود وعموما متزعلش كتيير ربنا يبارك لك فى الاوبترا ولا تبكى على الميجان لأن زى مبتقول سوقها وقع قوى وبص لقدام بعد سنتين تلاتة تلاقى ان الاوبترا هتبقى معاك احسن من الميجان من ناحية الصيانة وقطع الغيار وكمان سعر اعادة البيع :-)
هو حضرتك مش شايف ان 85 الف كتير على عربية ماشية 20 الف؟
ماتحسبهاش بالأرقام و لا الأمكانيات، المهم تكون مرتاح نفسيا.
الف مبروك يا محمود و ربنا يبارك لك فيها
الف مبروك يا محمود بس انت قطعت قلب الواحد من حزنك على الميجان بجد و الله الواحد انفعل مع كلامك انت حسستنى انك بتتكلم على فرد فى العائلة
إن شاء الله ربنا يكون عوضك بأفضل منها و يبارك لك فيها