الموضوع: الى كل من يبيع اوبل "امسك ف السعر الى على مزاجك"

بالظبط... طالما انت واثق فسعرك قول ولا يهمك واصبر وان شاء الله حيجيلها زبونها اللي يقدرها وياخدها بالسعر اللي انت عاوزه

بسم الله الرحمن الرحيم
والله يا شباب انتو فعلا بتتكلمو مضبوط زخاصة اننا واقع في المشكلة دي وهيا اانا بابيع عربيتي الاوبل اللي عمري ماشوفت في جمالها ولا سحبها لحد دلوقتي وعلى الرغم من انها عايزة حبة شغل الا انها ماشاء الله مازالت بتلبي احتياجاتي
المهم انا عرضتها للبيع برضو امبارح وجالى تاجر في اسكندرية واتفرج عليها وقاللي انها فابريكه من جوة وعايزة حبة شغل من برة وانا ماسك في 35 وقع يفاصل معايا لحد ما قولتله اخرها 32 الف وجابلي اللي هايشتريها مني لانه كان وسيط زتخيلو الوسيط ده قاللي كام بعد اما شافها تاني فعلا قمة البخس قاللي اخرها 28 الف وللاسف تاجر قطع غيار اوبل في اسكندرية يعني عايز يبخس الحاجه ويصرف عليها ويكون بكده كسب البيعه كلها ببلاش
وعموما لحد مايجيلها زبونها اللي ربنا كاتبهولها انا مازلت مصر على زماسك على 32 وربنا يكرم الكل انشاء الله واشكركم على تعاونكم وحسن توضيحكم للمواضيع وشرحها

اهم حاجة وانت بتبيع
- عارف انت راكب اية
- عارف حالة عربيتك كويس
- عارف سوقها كويس
- سيبك من كلام الناس والتجار

العربية لو حالتها نضيفة هتتباع هتتباع حتى لو بعد شهور متقلقش
مرة كنت ببيع عربية فضلت حوالى 3 شهور , العربية كانت بحالتها متفكش فيها مسمار من يوم ماجت وكنت طالب فيها سعر اعلى من سعر السوق لأن ببساطة مشوفتش حالتها ولا حتى حالة قريبة
ولما نزلت بيها السوق كان فى مجاولات مستميتة من التجار انهم ياخدوها ويحاولو ينزلو السعر لدرجة كانو بيجيبو ناس تبعهم يتفرجو كأنهم بيشتروا ويقعدو يحاورو على السعر والسوق ولازم تبيع حسب سعر السوق والكلام الفاضى دة واللى يقعد يطلع القطط الفاطسة ويقولك اصلها راشة اصلها مش عارف اية وانا بالنسبالى مش فارقة حتى لو قعدت سنة وحتى لو مابعتش اصلا هى مش مضايقانى ولا حاجة بش مش هبيع بالهبل اللى بيتكلموا فية
فى الاخر جة واحد وكان بيدور على الموديل دة واتفرج عليها وعجبتة وحاول ينزل فى السعر مرضيتش فى الاخر مشى شاف عربية تانية كانت واقفة قريب وبعدين رجع تانى قالى هخلص فيها بس تنزل قلتلة انا قلت السعر اللى ببيع بية اتباعت بية ماتباعتش هى ونصيبها بقى
قالى خلاص موافق بس نكشف عليها ونرفعها قلتلة براحتك اكشف فى المكان اللى انت عايزة وهات اللى انت عايزة يكشفلك عليها .. المهم اتحركنا على اساس انة هيكشف عليها ويرفعها فى بنزينة وكان هو اللى سايق على اساس انة يجرب ..
واللة نزل من العربية بيديلى عربون من غير مايكشف ولا يبص على مسمار فيها وحتى من غير اى ورق ولا اى حاجة (بالرغم من ان الورق مكانش هيتعمل فى نفس اليوم) ولما رفضت اخد اى فلوس ولا حتى عربون غير مع تخليص الورق وقلتلة مادام اتفقت معاك انها عربيتك يبقى خلاص هى عربيتك من غير اى فلوس كان شايلها جميلة واتمسك بالعربية اكتر وفضلت العلاقة حتى بعد ماشترى العربية

الخلاصة
- سيبك من كلام التجار العربية النضيفة هتتباع هتتباع حتى لو بعد سنة ومادام مش مزنوق متفرطش فى حقك
- اللى يقولك دة فى زيها ونفس الحالة وارخص قلة مبروك عليك الارخص انا لو مكان اجرى الحقها علشان دى لقطة
- اللى يقولك اصل فيها وفيها (يكون بيستعبط وخلاص) قلة واية اللى زنقك عليها متروح تشوف واحدة سليمة
- متسمعش اللى يقولك اصل سوقها واقع وسوقها نايم والكلام دة قلة خليها معايا لما السوق يصحى من النوم انا مش مستعجل
- تعامل الناس مع بعضهم هو الاساس بغض النظر عن الحديد اللى بنتكلم فية وزى مابتعامل هتتعامل

انا فعلا مستغرب عربيات كتير جدا اقل من الفكترا فى كل حاجة بمراحل وتقريبا بتبقى نفس الموديل علشان محدش يقول فرق موديل وبتتباع اغلى من الفكترا !!! والناس تيجى على الاوبل وتقولك اصل السوق نايم وواقع طيب واشمعنى باقى العربيات ولا هو واقع على الاوبل بس .. يقولك اصل قطع الغيار والصيانة والمشاكل واللى بيتكلم تلاقية مساقهاش اصلا ولا عندة واحدة ومبهدلها .. انا بشوف عربيات فكترا واللى حرام على اللى ركب الناس دى العربيات دى !!!
الظريف ان المشكلة فى الاوبل بتبقى حالة عامة وكل العربيات كدة ولكن انواع تانية تبقى حالة فردية ومفيش غير العربية دى!!!
مين يقول فكترا a تتباع فى التلاتينات !! زيها زى الاكسل والشاهين والاكسنت !!! دة حتى ال 128 بتتباع فى العشرينات!!! طب ازاى!!
مين يقول فكترا b فى ناس بتبيع فى الاربعينات !!!
العربيات دى بالاسعار دى عربيات تعبانة محدش معاة عربية اوبل نضيفة فعلا وبيرميها بالاسعار دى حتى لو ماتباعتش

والله يا جماعه انا متباع قدامي عربية فيكترا موديل 97 بحاله نضيفه جدآآآآآآآ والله متباعه قدامي 47 الف جنيه بقيت مستغرب علي صاحبها وحاسس ان بيبيع حاحجة بتوكو وعاوز يبيع باي شكل بساله ليه بيقولي اصل سعرها بينزل كل يوم وبعد مباع راح اشتر لانسر انا بقيت مستغرب بقي ينزل كم اوبل الي لانسر مع العلم ان الكترا كانت 2000 سي سي حاحجة غريبة ولانسر 1300 سي سي

المشاركة الأصلية كتبت بواسطة nahas

بسم الله الرحمن الرحيم
والله يا شباب انتو فعلا بتتكلمو مضبوط زخاصة اننا واقع في المشكلة دي وهيا اانا بابيع عربيتي الاوبل اللي عمري ماشوفت في جمالها ولا سحبها لحد دلوقتي وعلى الرغم من انها عايزة حبة شغل الا انها ماشاء الله مازالت بتلبي احتياجاتي
المهم انا عرضتها للبيع برضو امبارح وجالى تاجر في اسكندرية واتفرج عليها وقاللي انها فابريكه من جوة وعايزة حبة شغل من برة وانا ماسك في 35 وقع يفاصل معايا لحد ما قولتله اخرها 32 الف وجابلي اللي هايشتريها مني لانه كان وسيط زتخيلو الوسيط ده قاللي كام بعد اما شافها تاني فعلا قمة البخس قاللي اخرها 28 الف وللاسف تاجر قطع غيار اوبل في اسكندرية يعني عايز يبخس الحاجه ويصرف عليها ويكون بكده كسب البيعه كلها ببلاش
وعموما لحد مايجيلها زبونها اللي ربنا كاتبهولها انا مازلت مصر على زماسك على 32 وربنا يكرم الكل انشاء الله واشكركم على تعاونكم وحسن توضيحكم للمواضيع وشرحها

باشا انت عربيتك نوعها ايه بالظبط