من فضلكم دلونى إزاى أروح قرية شاطئ النخيل بالعجمى من القاهرة الطريق الصحراوى بالسيارة
ولكم جزيل الشكر
عرض للطباعة
من فضلكم دلونى إزاى أروح قرية شاطئ النخيل بالعجمى من القاهرة الطريق الصحراوى بالسيارة
ولكم جزيل الشكر
1-هتمشي طريق مصر الأسكندريه الصحراوي عادي......
2- وهتعدي كارته أسكندريه بعد كده هتمشي شويه في طريقك علي طول هتلاقي كوبري هتطلعو وتنزل تفضل ماشي في طريقك برضو شويه كمان ....
3- هتلاقي علي شمالك ماكدونالدز وهتلاقي في الحته دي بالظبط يوترن سيبك منو ... وكمل هتلاقي يوترن تاني بعديه علي طول ده تلف منو هتلاقي عندو برضو مطبعه الاهرام أول ما تطلع من اليوترن وبقيت علي الطريق الناحيه التانيه تاخد بالك كويس عشان هتدخل أول (يمين) هتلاقيه علي طول ( عشان لو مادخلتش اليمين ده هتلاقي نفسك داخل من عند ماكدونالدز الدخله دي هطلعك في طريق الساحل هتبقي لفه كبيره عليك) بس كده تفضل ماشي بقي في الطريق ده وعشان تضمن انك دخلت الفتحه الصح أول ما تدخل في الطريق ده هتلاقي زي كوبري صغير كده بعرض الطريق يعني اجباري هتطلعو تفضل ماشي علي طول ولا شمال ولا يمين هتلاقي قدامك في الاخر حاجه كده زي برج دي منظقه الكيلو 21 يبقي انت كده وصلت هتلاقي الطريق بيلف بيك في الحته دي يمين تاخد وهتلاقي نفسك وسط محلات وميكروباصات وكده تاخد اول يوترن وتلف تدخل اول شارع يمين هي دي شاطي النخيل وحمد لله علي سلامتك :> لو في حاجه عايزني اوضحهالك قولي انا خايف تكون توهت في الرغي بتاعي ده كلو
انا الطريق اللي اعرفه انك حتفضل ماشي عالصحراوي لحد متلاقي الطريق الدولي قاطع عليك الطريق
حتلف من تحته وتطلعه وتفضل ماشي وحتلاقي اتجاهين يمين وشمال تاخد اليمين
لحد ما تلاقي منزل الكيلو 21 حتنزل وطوالي حتلاقي برج كدا او مسله هوا دا مدخل قرية النخيل
شكرا جدا يا جماعه انتوا ساعدتوني كتير قوي ادعولي اوصل بالسلامه
ان شاء الله توصل بالسلامه ولو تهت في الطريق ولا حاجه اسال وحتلاقي الف مين يدلك.. حتسال علي 6 اكتوبر او شاطئ النخيل او الكيلو 21 طريق مطروح
توصل بالسلامه ان شاء الله
طيب ولو ماشي زراعي اوصل ازاي ؟؟؟؟؟
أول ما توصل أسكندرية أمسك طريق المطار لغلية كوبري محرم بيك و بعدين خد الكوبري و انزل نزلة كارفور(الصحراوي) وكمل لغاية مدخل الواحد و عشريين ذي الوصفه الأولانيه بالضبط