الموضوع: ايه احسن الشواطىء الخاصه والمطاعم فى اسكندريه

هيا بتفرق عربيه من عربيه عشان تخش مارينا ولا ايه ؟؟؟؟ يعنى لو 128 مش هاتدخل !!!!!

طب هو مفيش خروجات تانى فى اسكندريه ومطاعم ؟؟ ايه الحاجات المشهورة ذى ايس كريم بلبع والكلام ده

لا طبعا موضوع العربية دة انا عمرى ماسمعت عنة ومافتكرش انة حاجة حقيقية
والخروجات كتيير ممكن تروح القلعة ومتحف الاحياء المائية دول حلوين اوى ومن هناك تجيبو جيلاتى عزة (جنب القلعة ومتحف الاحياء المائية بجد جيلاتى معمول بضمير)
وممكن تروح تتمشى على كورنيش ميامى باليل او الصبح بدرى بجد الجو بيكون خيالى
وممكن تروح مكتبة الاسكندرية وتشوف الابداع فى التصميم ( انا مش بارتاح فيها مش عارف لية بس تصميم مبانيها خيالى)
تقدر تروح المنتزة فسحة حلوة تشوف الجمال الملكى وتشوف الاشجار النادرة والمطاعم والسينما وشواطى المنتزة الهادية وفندق فلسطين الى كانت بيصوروا فية الافلام القديمة بجد احساس روعة ومختلف
ونصيحة لو هاتاخد شقة خليها على البحر حتى لو غالية شوية بس هاتفرق معاك كفاية تصحى على صوت البحر وتشرب الشاى وانت بتبص لة بجد احساس مش هاقدر اوصفة

بشمهندس هوا يقصد pass للدخول زي كارنيهات يعنى
مش يدخل بعربية نوعها باسات

لا هوة يقصد نوع العربية

هيا بتفرق عربيه من عربيه عشان تخش مارينا ولا ايه ؟؟؟؟ يعنى لو 128 مش هاتدخل !!!!!

شفت بقا

المشاركة الأصلية كتبت بواسطة migo123

بلبع مش ايس كريم خاااالص
بلبع مشويات وفته وحركات

بصراحه انا ارشحلك لو عايز اجازه تستريح فيها ..... خد حاجه في قريه من قرى الساحل ........ هتلاقي شاطئ خاص نضيف ... حمام سباحه ... و المطاعم و السوبر ماركت موجوده على طول الطريق

اسكندريه زحمه قوي وتعب اعصاب خصوصا لو معاك أطفال ... مش هيلاقو حاجه يعملوها

انا للأسف فعليا حجزت فى فندق فى الاسكندريه نفسها بس الواحد عايز يضبط نفسه اعرف اروح فين كل يوم

المشاركة الأصلية كتبت بواسطة احمدعبدالعزيز

[justify] [/justify][justify][/justify][justify]
ملحوظه هامه جدا


جميع الشواطى الخاصه فى العجمى - البيطاش الدخول بالكارنيهات وليست بالتذكره ..


اما الشواطىء اللى ممكن الدخول بالتذكره فى العجمى هو شاطى النخيل وسعر التذكره 10 جنيه للفرد وبالنسبه للمطاعم فى مطعم السورى فطائر و بيتزا واكلات سورى والاسعار معقوله مش غاليه - وكمان فى كنتاكى - وممكن تاخد الحلو عند المالكى او صابر دى بالنسبة للنخيل ...


ممكن المنتزه وسعر التذكره على الباب 5 جنيه للفرد وبعد كده تروح شاطى فينسيا وتقريبا سعر دخول الفرد 15 جنيه دى كمان شاطى خاص داخل المنتزه تقضى يومك على البحر وبعدين ممكن تاكل من ماكدونالدز فى المنتزه او تخرج تتمشى الى المندره فى شارع جمال عبد الناصر وتاكل عند حسنى مشويات او اسماك ودى حلو جدا .


كمان لو عاوز تروح المعموره اسعارها قريبه جدا من المنتزه وفى المعموره فى كل حاجه كنتاكى - مؤمن - ماكدونالذ - بيتزا هات - كل اللى انت عاوزه فى حتلاقيه .


وعموما لو احتاجت اى حاجه فى العجمى قولى وانا احاول اساعد وخصوصا البيطاش لانى ساكن هناك .
[/justify]

انا حجزت فى فندق ميركير "ولا اعرف هو فين لحد دلوقتى " معنى كلامك كده ان مفيش غير شاطىء النخيل والمنتزه اللى ممكن ادخلهم ونضاف وهادين فى نفس الوقت

بالنسبه للأكل الواحد زهقان من ماكدونالدز وكنتاكى والحاجات دى مهى مرميه فى مصر فى كل حته ... الواحد عايز ياكل حاجة مختلف ومميزه بيها الاسكندريه

المشاركة الأصلية كتبت بواسطة eng.octooo

لا هوة يقصد نوع العربية

شفت بقا

معلش انا اقصد Pass مش نوع باسات العربيه ... بس انت يا باشا اللى لقيتك بتقول انك دخلت بلانسر وشيروكى

معلش انا اقصد pass مش نوع باسات العربيه ... بس انت يا باشا اللى لقيتك بتقول انك دخلت بلانسر وشيروكى

اووووووو انا اسف بجد فهمتك غلط لان كان عندى واحد صاحبى بيقولى كدة دايما
هههههههههههههه دة انا طلعت ذكى بشكل ههههههه

وانا بجد اسف وبخصوص الباس لا عادى مش محتاج حاجة
وياريت تقولنا اسعار الفندق ونظام الحجز والخدمة وشكرا .

طيب طالما حجزت في اسكندريه .... اسكندريه مفيهش أحلى من الاكل

احلى مطاعم سمك ....
- زفريون في ابو قير ........ مشوار بعيد شويه بس مش هتقدر تغمض عينيك
- زفير في الماكس .... حلو جدا وارخص حاجه بسيطه من زفريون
- ابو أشرف في بحري .. كويس وقريب


المشويات

طبعا لازم زياره لبلبع
و عبد الوهاب تحفه ......... يمكن احلى من بلبع كمان


وطبعا ما يفوتك أكلة فول وطعميه من عند محمد أحمد

واتوصى في الخروب والسوبيا في واحد في الدور الارضي في جرين بلازا حكايه ......... قؤيب من الملاهي

وبالهنا والشفا .......

المشاركة الأصلية كتبت بواسطة eng.octooo

اووووووو انا اسف بجد فهمتك غلط لان كان عندى واحد صاحبى بيقولى كدة دايما
هههههههههههههه دة انا طلعت ذكى بشكل ههههههه

وانا بجد اسف وبخصوص الباس لا عادى مش محتاج حاجة
وياريت تقولنا اسعار الفندق ونظام الحجز والخدمة وشكرا .

يا باشا ولا يهمك كفايه روحك الحلوة وحب المساعده , انا حجزت عن طريق شركة سياحه www.intoegypt.com
اول مرة اتعامل معاهم بس ممكن تشترك فى الموقع بتاعم وكل فترة هايبعتلولك عروض واسعار غالبيه الفنادق فى مصر وخارج مصر كمان