ايه احسن الشواطىء الخاصه والمطاعم فى اسكندريه

**aliabutaleb** · 16-07-2009 12:59 PM

المشاركة الأصلية كتبت بواسطة Yarisawy

انا حجزت فى فندق ميركير "ولا اعرف هو فين لحد دلوقتى

" معنى كلامك كده ان مفيش غير شاطىء النخيل والمنتزه اللى ممكن ادخلهم ونضاف وهادين فى نفس الوقت

بالنسبه للأكل الواحد زهقان من ماكدونالدز وكنتاكى والحاجات دى مهى مرميه فى مصر فى كل حته ... الواحد عايز ياكل حاجة مختلف ومميزه بيها الاسكندريه

ميركيور قريب أوي من كوبري ستانلي

هنا على الخريطة

إجازة سعيدة ان شاء الله :)

**Yarisawy** · 16-07-2009 01:13 PM

المشاركة الأصلية كتبت بواسطة أبو حمزة

ميركيور قريب أوي من كوبري ستانلي

هنا على الخريطة

إجازة سعيدة ان شاء الله :)

جامده الخريطه دى ... دا انا لسه كنت عايز اشوف خريطه للإسكندريه عشان الواحد اعرف اسامى المناطق فيها لكن معرفش مين فين والكلام ده

شكرا ابو حمزة على الخريطه

**احمدعبدالعزيز** · 19-07-2009 09:07 AM

المشاركة الأصلية كتبت بواسطة yarisawy

انا حجزت فى فندق ميركير "ولا اعرف هو فين لحد دلوقتى

" معنى كلامك كده ان مفيش غير شاطىء النخيل والمنتزه اللى ممكن ادخلهم ونضاف وهادين فى نفس الوقت

بالنسبه للأكل الواحد زهقان من ماكدونالدز وكنتاكى والحاجات دى مهى مرميه فى مصر فى كل حته ... الواحد عايز ياكل حاجة مختلف ومميزه بيها الاسكندريه

فعلا للاسف معظم الشواطى الخاصه فى اسكندريه لازم يكون معاك باص للدخول ولكن ممكن تروح شاطى فى ميامى اسمه البوريفاج ودى ليه رسم دخول او المعموره وبالنسبه للمطاعم المميزه فى اسكندريه قريه بلبع فى سيدى بشر وليه فرع تانى فى داون تاون امام كارفور دى بالنسبه للمشويات واما الاسماك فى زفير فى المكس دى اسعاره كويسه والاكل تحفه وان شاء الله يكون مصيف جميل .

على فاكره فندق ميركير فى سابا باشا على البحر .

**melkholy** · 19-07-2009 10:19 AM

انا ليه تعليق على فندق ميركير, انا السنة اللى فاتت كنت حاجز تلات ليالى هناك بس للأسف هى ليلة واحدة و مشييت, الأود ضيقة جدا و مفيش بلاكونات الا فى الدور الأول اللى محجوز على طول, هو المنظر تحفة بس انا اتخنئت و مشيت

**adhamsabry51** · 19-07-2009 10:35 AM

بص يا باشا انت ممكن تروح المعمورة بس ما تروحش يوم الجمعة ابدا لأنك اكيد مش هتتبسط وفي شاطىء خاص امام شيراتون المنتزه ده برسم دخول بس مش عارف كام بس هو حلو قوي و اقرب واحد للفندق بالترتيب البوريفاج و بعدين لنتزه و بعدين المعمورة و في جوه المنتزه شواطيء زي فينيسيا بس ده زحمه جدا و في كمان شاطيء فلسطين تكلفة دخول الفرد كانت 150 جنيه بس زي ماقولتلك ما تروحش المعموره او البوريفاج يوم الجمعه علشان غزو رحلات اليوم الواحد

**احمدعبدالعزيز** · 19-07-2009 10:46 AM

المشاركة الأصلية كتبت بواسطة yarisawy

شكرا يا احمد باشا ... انا ناس قالتلى شاطىء النخيل بقى مش حلو كان زمان كويس دلوقتى لأ .. ياترى عندك فكرة !!!

دلوقتى الشواطىء هيا المنتزه و بوريفاج والمعمورة اللى حضرتك قلت عليه .... معلش سؤال مين اقرب واحد منهم للفندق ؟

بس يا باشا اقربهم ليك البوريفاج وبعدين المنتزه وبعدين المعموره وبالنسبه للنخيل ابعد عنه حاليا حتى ينتهى المحافظ من التجديدات لانه فعلا مش حلو حاليا وان استفسار انا تحت امرك .

**Ahmed Selim** · 19-07-2009 11:33 AM

كان فيه شاطئ خاص ( قريب من خالد بن الوليد ) بتاع فندق.....مش فاكر أسمه أيه.....بس كان فاضى و نضيف ( الميه مش قوى بس شغال يعنى )
كان الدخول للفرد 50 جم الصيف اللى قبل اللى فات......معرفش أيه نظامه دلوقتى.

ميزته الوحيدة أنه ينفع عائلى بدون مناظر مستفزة .

**Ahmed Selim** · 19-07-2009 11:49 AM

أعتقد والله أعلم أن هو اللى فى منتصف الخريطة هنا

تقريباً بتاع فندق رامادا سابقاً ( رينيسانس حالياً ) شكراً محمد بك على الأفادة

عبد الوهاب مكانه فى منطقة أسمها السيوف على ما أتذكر
و بلبع له فرعين واحد منهم فى الداون تاون.....لو روحت هناك و أنت كييف جمبرى أبقى أطلب جمبرى مشوى بالزبدة ( هتدفع كتير خللى بالك ) بس هتدعيلى :)

-

-

الموضوع: ايه احسن الشواطىء الخاصه والمطاعم فى اسكندريه

LinkBack

أدوات الموضوع

عرض

-

-

-

-

-

-

-

المواضيع المتشابهه

مساعده من اهل اسكندريه عن اماكن البيع في اسكندريه

للاسكندرانيه ايه احسن مكان تشترى منه سمك حى فى اسكندريه

الكلمات الدلالية لهذا الموضوع

المفضلات

المفضلات

ضوابط المشاركة