ايه احسن الشواطىء الخاصه والمطاعم فى اسكندريه

**Yarisawy** · 16-07-2009 09:50 AM

السلام عليكم ,

ياترى محدش يعرف شواطىء خاصة فى اسكندرية تكون نظيفه وهاديه , احسن الواحد حامل هم الزحمه خصوصا ان معايا المدام وابنى ومش عايز اندم ان رحت
ياريت اعرف ايه الشواطىء الخاصه الموجوده فى اسكندريه واسعارها ايه ؟

حاجة تانيه للخبراء فى اسكندريه ايه افضل الاماكن للخروج فى الاسكندريه , وايه افضل اماكن للأكل ؟

حاجة اخيره لو الواحد عايز يروح مارينا لازم باسات ولا ايه ؟؟

كل صيف وانتوا طيبين

**eng.octooo** · 16-07-2009 10:11 AM

اولا موضوع مارينا دة عادى جدا وهاتلاقى كل العربيات هناك ومفيش مشكلة

والمطاعم
انا رحت مطعمين وهما الاحسن فى العجمى
ابو راوية (دة رهيييب فى المشويات)
ابو صابر (_دة ممتاز فى السمك وبجد تحففففففففة ومش غالى اوى بس سعرة اعلى من العادى )
دول انضف اتنين انا رحتهم
والشواطى انا دايما باروح النخيل او مارينا وفية شاطى فى العجمى خاص اسمة كازابلانكا دة سعر دخول الفرد 30 ج تقريبا وجميل ونظيف اوى (انا مش فاكر كان بكام بالظبط لانى رحتة من 5 سنين)

**Yarisawy** · 16-07-2009 10:14 AM

يعنى كل المطاعم دى والشاطىء فى العجمى صح ؟ طب الهانوفيل ولا البيطاش ؟؟

**eng.octooo** · 16-07-2009 10:16 AM

وعلى فكرة شاطى النخيل فى العجمى نظيف وحلو اوى وتمن دخولة تقريبا 10 ج وممكن تروح شواطى ميامى والمعمورة والمنتزة دول حلوين بس ك قعدة لانك بجد هاتحس بمصيف اسكندرية بس علشان تنزل البحر لا (الماية مش حلوة)
ولو عاوز تروح مارينا وامتدفعش كتيير
انت ممكن تاخد شقة فى العجمى (الاسعار السنة دى من 75 ج لليلة لحد 150 ج اصحابى راحو وسالو) وتروح لمارينا دى كلها ساعة الا ربع وتبقى هناك
وتقضى اليوم كلة فى مارينا وترجع بيتك عادى والاكل ممكن تجيبة من جوة (بس غالى اضرب السعر فى 3)
وممكن تجيبة من برة واى سؤال انا تحت امرك

**eng.octooo** · 16-07-2009 10:18 AM

يعنى كل المطاعم دى والشاطىء فى العجمى صح ؟ طب الهانوفيل ولا البيطاش ؟؟

الشاطى النخيل فى الكيلو 21 على طول لو سالت هاتلاقى مليون مين يدلك
والمطاعم دى فى الطريق بتاع ال21 وانت نازل على اسكندرية البلد (سيدى بشر وخالد ابن الوليد وكدة ) بس انا رشحت المطاعم دى لان كل الى فيها ناس محترمة جدا وزوق ومش هاتلاقى ازعاج

**Yarisawy** · 16-07-2009 10:35 AM

شاكرين يا باشا على تعبك .. بس انت متاكد الشواطىء دى هاتبقى هاديه .. ولا هالاقى شعب هناك ... اصل 10 ج مش كتير

انت متأكد مارينا الدخول عادى ... اصلى سمعت ان لازم باسات وساعات بيرخموا .. بدل ما الواحد يدب مشوار على الفاضى

**eng.octooo** · 16-07-2009 10:52 AM

شاكرين يا باشا على تعبك .. بس انت متاكد الشواطىء دى هاتبقى هاديه .. ولا هالاقى شعب هناك ... اصل 10 ج مش كتير

انت متأكد مارينا الدخول عادى ... اصلى سمعت ان لازم باسات وساعات بيرخموا .. بدل ما الواحد يدب مشوار على الفاضى

هيا هاتبقى زحمة بس الناس هاتكون نظيفة (مش هاتلاقى دلوقتى شاطى هادى خالص حتى مارينا)
ولا عادى تدخل مارينا انا دخلتها بلانسر وبفيرنا وشروكى 98 وكان عادى بس دفعنا تمن التذكرة (على فكرة الدخول من بوابة رقم 2 تقريبا اسال عند اول بوابة هاتقابلك وهما هايقولوك لان كل مرة البوابة بتتغير)

**Yarisawy** · 16-07-2009 11:11 AM

هيا بتفرق عربيه من عربيه عشان تخش مارينا ولا ايه ؟؟؟؟ يعنى لو 128 مش هاتدخل !!!!!

طب هو مفيش خروجات تانى فى اسكندريه ومطاعم ؟؟ ايه الحاجات المشهورة ذى ايس كريم بلبع والكلام ده

**Migo123** · 16-07-2009 11:34 AM

ايس كريم بلبع

بلبع مش ايس كريم خاااالص
بلبع مشويات وفته وحركات

بصراحه انا ارشحلك لو عايز اجازه تستريح فيها ..... خد حاجه في قريه من قرى الساحل ........ هتلاقي شاطئ خاص نضيف ... حمام سباحه ... و المطاعم و السوبر ماركت موجوده على طول الطريق

اسكندريه زحمه قوي وتعب اعصاب خصوصا لو معاك أطفال ... مش هيلاقو حاجه يعملوها