الموضوع: كل محلات قطع غيار الفيات وخصوصا البونتو

السلام عليكم
اولا انا سعيد بانضمامى اليكم جدا لانة منتدى رائع جدا

انا الحمد لله ربنا كرمني وجبت البونتو موديل 2000 وده بعد حوالى 6 شهور لف ودوران عن كل أنواع العربيات الكويسة والمناسبة لإمكانياتى وكان للمنتدى العظيم ده دور كبير فى اختيارى للعربية ديه، ومن ضمن الحاجات اللى كنت مهتم بيها هى هل قطع الغيار متوفره وكمان سعرها مش هقول رخيص بس على الأقل معقول، وعملت فيها المفتش كرمبو وعملت تحريات عن كل محلات قطع الغيار اللى ممكن الواحد يرجع ليها وقت الحاجة لاقدر الله ومصادرى كانت من مقترحات الأعضاء هنا ومن خلال البحث على الإنترنت ومن السؤال طبعا لأهل الخبرة والصنايعية والميكانيكية وجمعتها ليكم هنا علشان أسهل عليكم الطريق والمشوار الاليم ده وهى كالأتى :

شركة أوماترا
19 شارع وزارة الزراعة - الدقى - الجيزة
ت/ 33374061
الصيانة
26630733 – 26630734 – 26630735 فى جسر السويس

محلات قطع الغيار

اوماترا شوب - امام سيتي سنتر في طريق النصر ( محل صغير كدة )

الكيلاني : 21شارع شامبليون
ت : 25758439 - 25751747 - 25799069 – المخزن 25781901- 0123316961

فيات 2000: 107 شارع رمسيس بالقرب من نقابة المنهدسين ت : 25792302

الموجى فى الحرفيين ت : 226974394

عمرو الأبيض فى الحرفيين ت : 0127361620

الحاج مصطفى الإسكندرانى فى الحرفيين ت : 0101274692

يوسف محمد يوسف : 115شارع التحرير أمام محطة مترو الدقى 37487123 - وليه فرع فى شارع فيصل قدام شارع العريش

شركة النيل الهندسية : الكليو 28 طريق مصر اسكندراية الصحراوى – المنطقة الصناعية ت : 35391273
فرع المهندسين : 19 – 20 سور نادى الزمالك - المهندسين ت : 330311365

شركة الشرق فى شارع دمشق بمصر الجديدة ت : 22588146

والحمد الله أنا جبت العربية يوم 24 / 5 / 2009 والحمد الله وبفضله العربية أنا حاسس أنها كويسة ومش فيها مشاكل تذكر يعنى ده رأيى وديه أول عربية أركبها فى حياتى وكان بردو رأيى الناس الخبرة فى العربيات.

بس أنا عندى مشكلة بسيطة جداااااا وهى أن فى حاجة فى العربية أنا مش لاقيها خالص أسمها حساس الماتور والمسئول عن تقليل استهلاك البنزين وكمان الدخنة السوداء بتاعت الشمكان. بس العربية والحمد الله شغاله كويس ومش فيها مشاكل بس على ما اعتقد أنه على المدى البعيد هيكون فيها مشكلة فياريت أى حد يعرف أى حد يبيع الحساس ده يدلنى عليه لأنه برغم لفى ودورانى فى المحلات ديه إلا هو للاسف غير موجود.

وأنا اسف للإطالة عليكم بس ديه أول رسالة ابعتها على المنتدى وفرحان شوية بكده

مستنى ردودكم إن شاء الله على خير.