فين مكان بيك السلانسية في ال127 وياريت لو امكن بالصور وطريقة فكة وتنظيفة
عرض للطباعة
فين مكان بيك السلانسية في ال127 وياريت لو امكن بالصور وطريقة فكة وتنظيفة
بيك السلانسيه فى العربيات الكربوراتير زى عربيتك (والريجاتا ومعظم العربيات التقليديه ) حتلاقيه لما تشيل العمه بجوار باب الكربوراتير .....شبه فونية البوتجاز (بس أطول شويه ).....حتحله بمفك عادى .....وبشعره سلك رفيعه وسلكه وأنفخ فيه وركبه مكانه تانى .........وكده أنت عملت اللى عليك والباقى على الله ..................
بيك السلانسية فى الفيورا على الشمال يعنى اقف ناحية العجلة اللى تحت السواق وفك العمة و
هتلاقى مسمارين واحد راسه كبيرة وهو ده بيك السلانسية
وطريقة التنظيف زى ما قال سمير باشا
لو سمحتم محدش يعرف اماكن بتبيع بيكات السلانسية عربيتى 132 و بيكها ضاع
أى واحد بتاع قطع غيار فيات حيدلك
وممكن تلاقى البيك عنده
وأسأل فى كذا مكان
لو لقيت جديد .....يبقى خير وبركه
لو ملقيتش
هاتلك واحد أستيراد
ولو مرداش بتاع قطع الغيار الأستيراد يفكلك واحد من على كربوراتير
دور على كربوراتير أستيراد وأشتريه
وتكون حالته كويسه وركبه ( مكان اللى راكب )
وخللى القديم أحتياطى
تعوز منه حاجه فيما بعد
الكربوراتير الأستيراد مش حيعدى 200 ج
ويمكن أأقل من كده
أنا كان معايا أوبل كربوراتير
وكان عندى لها 3 كربوراتير أستيراد أحتياطى
ليه .........مش عارف
مكان كفايه واحد
الف شكر يا بشمهندس :vctry:
انا لى استفسار تانى : متعرفش ورش بتصلح كربراتير بس
انا اعرف ان فيه وحدا فى شبرا بس المشوار بعيد جدا
للأسف
أنا مقيم بالأسماعيليه
فمش حقدر أفيد فى النقطه دى
عموما الزملاء فيهم البركه
بشمهندس سمير مع إحترامي طبعا و حضرتك أستاذنا بس بلاش تنضيف البكات بأسلاك أو بأي حاجة صلبة تدخل جوة البك لأني بعد كدة البك بيبقي لا يصلح و التنضيف يكون بالنفخ في البك أو بأي طريقة ما عدا دخول أي شئ صلب إلي البك.