«بلدوزر التطوير» يدهس مواطناً أثناء جولة وزير الإسكان ومحافظ الجيزة بالمريوطية

**mahfouz1983** · 16-07-2009 01:51 PM

شهدت منطقة المريوطية أمس الأول حادثاً مؤسفاً أثناء جولة وزير الإسكان ومحافظ الجيزة لتفقد أعمال التطوير فى كوبرى المريوطية قبل افتتاحه بأيام، حيث لقى أحد العاملين التابعين لشركة حسن علام للمقاولات، مصرعه تحت عجلات البلدوزر أثناء التجهيزات لزيارة الوزير والمحافظ لتفقد أعمال الكوبرى
وقالت مديحة حسين - شاهد عيان - إن السكان فوجئوا بمقتل أحد العمال التابعين لشركة المقاولات خلال أعمال الحفر أمام منطقة أبراج المشربية بطريق فلفلة المريوطية،
مشيرة إلى أن عددًا كبيرًا من المواطنين تجمهروا، واتضح أن البلدوزر الذى يساعد العمال فى عمليات الحفر دهس العامل فلقى مصرعه على الفور.
وأضافت أن مسؤولى الشركة تجاهلوا الحادث تماماً فى حين ظلت جثة القتيل ملقاة على الأرض ومغطاة بـ«بطانية» من جانبه، أكد سامى عبدالفتاح، رئيس حى الهرم، أنه لا يعلم شيئاً عن الواقعة، مشيرا إلى أن جولة وزير الإسكان ومحافظ الجيزة تمت أعلى كوبرى المريوطية ولم يمرا خلال الجولة بأى شوارع أسفله.
وأضاف أنه فى حالة وقوع هذا الحادث سيكون فرديًا وليست له علاقة بالزيارة

قلبتوا الدنيا على مروة الشربينى واللى يتبنى طفلها واللى يطلق اسمها على الشوارع واللى واللى..... وماحدش بص للعامل البسيط اللى راح تحت البلدوزر أه يابلد منافقة وبوشين

**أبو إياد** · 16-07-2009 02:09 PM

لاحول ولا قوة الا بالله ربنا يصبر اهله

**mostafabakry** · 16-07-2009 02:24 PM

يبقي انت اكيد في مصر

و لا اللي يغيظك بيقولك سابو الراجل مرمي عالأرض و غطوه ببطانيه عشان سيادة الوزير ما يشوفش المنظر و يشوهر و لا حاجة
طيب لموا الراجل و اطلعوا بيه علي مستشفي و لا مشرحة و لا كلموا الوزير يتوسط لكوا في البلد اللي الكوسة مغرقاها دي يمكن يعجل باجراءات الدفن و يمكن يحن عالمسكين دا وولادة المساكين الللي هيتتموا بسبب موته و يصرف لهم اعانات و لا يعمل لهم حاجة في المصيبة الللي حصلت لهم

نفااااااااااااااااق و رياااااااااااااااااااء منتشر في الشعب الغبي دا و علي حساب مين علي حساب نفسه شفتوا غباء اكتر من كدا

حسبي الله و نعم الوكيل

خلااااااااااااااااااااااا ااص مش قادر يا جدعان

والله هاين عليا اروح الصحرا و الاقالي عشة ولا كهف و كمل اللي باقي من حياتي فيها عشان اريح دماغي و اعصابي من التخلف دا

**Mzeid** · 16-07-2009 04:01 PM

إنا لله و إنا إليه راجعون

**Abo_Lina** · 16-07-2009 04:11 PM

الناس غطوه ببطانية أهو يا جماعة

يعني عداهم العيب و أزح

**KarimAbulEla** · 16-07-2009 09:32 PM

انا لله و انا اليه راجعون

يا رب احسن ختامنا

يا رب ارحمنا برحمتك

مسلسل الاهمال لن ينتهى طالما الحال هو الحال

**Akram** · 16-07-2009 10:10 PM

ربنا يرحمة و يصبر أهله و يعينهم ,
سبحان الله الواحد ملوش اي تمن في البلد دي ,
و الغلبان ملوش اي لازمة .

**نور القمر** · 17-07-2009 12:49 AM

الحادث اكيد قضاء وقدر وده نصيب الرجل واكيد سواق البلدوزر مليون في الميه مكنش قصده يدهسه الله يرحمه ويحسن مثواه ويحسبه من الشهداء
لكن رميته في الشارع واهانته وهو ميت مش قضاء وقدر
بردوة اعصابهم ودماءهم مش قضاء وقدر
حسبي الله ونعم الوكيل

**medo55** · 17-07-2009 02:43 AM

دا جندي بريطاني من الي ماتو في افغانستان في الحرب

شوفتو الفرق !!!!!!!!!!!!!!!!!! مواطن مصري يغطى ببطانيه ويهمل ومواطن بريطاني يحمل من شرق الارض لغربها على طائره عسكريه خاصه في استقبال عسكري

وعجبي عليكي يا بلد