أخطاء يقع فيها مبتديء القيادة

**abzoabzo** · 30-07-2009 12:16 PM

اترك مسافة كويسة بينك وبين اللى قدامك

استخدم الانتظار لما الطريق يوقف فجاة او بتعدى مطب صناعى لتحذير من خلفك

دائما وابد عنيك على المرايات علشان متتفجاش بحد

لما تبقى نازل الشارع ومش مستعجل او نازل تتفسح امسك يمين

حذار تحدف على اى حد لو ظهر اى موقف امامك استسلم لقضاء الله لوحدك

ركز فى طريقك وماتمشيش فى وسط حارتين

خالى عندك احساس بالشارع انت مش مستعجل فى ناس مستعجلة

توقع خطاء الاخرين التصليح مش ببلاش والوقت بفلوس

حذار وابدا ابدا تقفل طريق لو انت فى تقاطع واتجاهك وقف متتحركش
don`t block intersection

الطريق ملك للجميع وانت حر اذا لم تضر

اوعى توقف عربيتك لتغير الكاوتش فى منتصف او شمال الطريق او منزل كوبرى حاول تاخد يمين
وتختار مكان محترم يعنى الطريق يظل حارتين على الاقل

ومتركنش فى ملف ومتركنش عربيتك فى مكان تتحدى فيه البشر وتختبارهم انهم ميخبطوش عربيتك

ده اللى فاكره دلوقتى
انتظروا المزيد

**eldod** · 27-03-2011 02:22 PM

السلام عليكم.
والله يا جماعة أنا إشتركت مخصوص بس عشان أقول شكراً..
النهاردة تالت حصة لي.. ما عنديش أي مشاكل في الطلعة والعربية ولله الحمد مش بتبطل مني.. بس الدبرياج دا طلع مصيبة.. روشني. :) بس خير إن شاء الله..
عارف إن الموضوع قديم.. بس مازال مهم

**amrseba** · 27-03-2011 02:28 PM

انا الحمد لله بسوق من وقت مش طويل بس الحمدلله مكنش عندى احساس الخوف على العربيه عشان بجد الى بيخاف على العربيه اوى هيلبس و فيه فرق بين الخوف و المحافظه على العربيه غير كده انا الحمدلله عندى سرعه رد فعل و مش بعمل اى حاجه و خلاص انا حصلى مواقف الحمدلله و عرفت اتصرف كويس

**HANTER** · 27-03-2011 02:34 PM

اهم حاجة فى السواقة المرايات لو استخدمتها صح مع تقدير المسافات . تبقى تمام

**Nistelrooy** · 27-03-2011 06:45 PM

1.اكتر حاجة بتستفزني .. لما اكون ماشي في طريق واصلا الطريق ياخد حارتيين علشان مش نمشي مزنقيين في مرايات بعض ..
الاقي واحد عايز يطلع فوق الرمل او برا الطريق ويجي علي يميني يعدي ..

2.لما اخد يو تيرن او لما اعدي علي يوتيرن تلاقي العريبات عمالة تطلع فوق بعضها ويفضلوا ياخدوا في الواسع لحد ما يقفلو الشارع الناحيتيين

3. انا سايب مسافة قدامي علشان الامان الاقي كل العربية ما بتصدق مكان فاضي وتيجي قدامي .. وطبعا الي ورايا هايتجنن سايب كل الناس تعدي من قدامي فبضطر الزق وانا مش بحب كدا نهائي

دي مش اخطاء مبتدئيين دي اخطاء مستفزيين ... وبصراحة مش بدييهم فرصة وبقفل عليه ..

**mnomno** · 27-03-2011 08:11 PM

متابعه باهتمام للتعلم

**A.Saad** · 27-03-2011 11:38 PM

بص فى المراية ، وخد بالك من الترزى اللى جاى من ورا عمال ياخد غرز

بلاش عند - يارب ابطل انا كدة -

لا تمور الفتيس فى المنازل ولو هتقف كتير فى منزل ممكن تشد فرامل اليد وتشيل رجلك من الفرامل العادية بس خد بالك انك تنزلها للاخر علشان ما تنسهاش

وانت بتركن ادى فلاشر

**nonetta** · 28-03-2011 12:05 AM

انا حاليا في مرحلة الرهبة
لسة ما نزلتش الشارع بتقلي
مشكلتي لما باتمرن عالوقوف في المطالع
لازم العربية تطفي مني وبابقى مشدودة جدا وبردو بتطفي
بتفلح معايا مرة اه ومرة لأ
مش عاوزة اي عربية تقرب مني جنبي او ورايا
بابقى مشدودة جدا ومرعوبة جدا
المشكلة اني باخد تدريب مرة واحدة بس في الاسبوع عشان كدة التقدم بطئ

**mahmoudselim** · 28-03-2011 12:07 AM

والله المشكلة الاكبر مش في المبتدئين .. في ال فاكر نافسة شوماخر عصرة يا ولداة
يعني مثلا عمرك ما هتلاقي واحد مبتدئ راجع بضهرة بعد ما عدي نص نفق الثورة تقريبا وافتكر انة كان المفروض يكمل صلاح سالم ..
ولا هتلاقي مبتدأ برضوا عمل نفس الحركة بس علي كوبري ال علي كورنيش المعادي .. ومفيش مبتدئ برضوا هيمشي علي الدائري علي 160 ولا في مبتدئ بيرمي بوز عربيتة وتتحرق عربيتك.. ولا في مبتدأ أيداة علقت غي الكلاكس وصدعك علي الصبح وانتا رايح شغلك. ولا هتلاقي مبتدأ ماشي في نص الليل وقافل كل انوار عربيتة وعامل فيها مخبر. هما ليهم اخطاء بس مش مؤثرة مش زي الاخطاء الاخري..كل ما الخطئ يكبر كل ما هيحتاج قلب اجمد زاقوي..والمبتدأ في بداية سواقتة مهما كان قلبة خفيف

بص يا صاحبي المبتدأ في بلدك هو الوحيد ال بيطبق اكبر قدر من قوانين المرور.. اول ما يفتكر نفسة خلاص بقي محترف ومن بكرة هياخد ال اوتو كروس بيقلب لمواطن مصري محترف سواقة اصلي

-

الموضوع: أخطاء يقع فيها مبتديء القيادة

LinkBack

أدوات الموضوع

عرض

-

-

-

-

-

المواضيع المتشابهه

أخطاء اثناء القيادة للمبتدئين

أخطاء يقع فيها الكثيرون عند الوضوء؟؟؟؟؟؟؟؟؟؟؟؟؟؟؟؟؟؟؟؟؟؟

الحالات التى تلغى فيها رخصة القيادة

ما هي اكثر أخطاء القيادة التي تستفزك في الشارع المصري

الكلمات الدلالية لهذا الموضوع

المفضلات

المفضلات

ضوابط المشاركة