أخطاء يقع فيها مبتديء القيادة

**tabeb** · 16-07-2009 02:06 PM

كتير مننا خصوصا في بداية تعلم القيادة كنا بنرتكب اخطاء معينة
ممكن كنا نعديها من غير ما ناخد بالنا بس كانت ممكن تسبب للناس نوع من اللخبطة ولا قدر الله ممكن يحصل بسببها حوادث
الجميل بقي ان نفس الاخطاء اللي كنا ممكن نرتكبها زمان ممكن لو حد عملها ادامنا ممكن نتريق او نبص له بصة مش اللي هيا.
في الموضوع ده يا ريت كل واحد يقول بصراحة ايه الاخطاء اللي كان بيرتكبها وهو مبتديء واللي ممكن اي حد بيتعلم جديد يتجنبها عشان سلامته وسلامة اللي حواليه
هبتدي بنفسي:
الطريق
قبل ما تروح اي مشوار خصوصا لو جديد وما تعرفش الطريق اوي لازم تسأل كويس قبل ما تروح عشان ما تقفش في نص الطريق وتسأل او تبقي متردد تدخل يمين ولا شمال وتحير اللي وراك
لازم تحدد وجهتك بالظبط وتدي اشاراتك علي الاساس ده
ان كان ولا بد يبقي تاخد يمينك في حته مش زحمة وتسأل براحتك
بس ما توقفش السكة عشان تسأل
هحاول افتكر بعض المواقف التانية ومنتظر مشاركات الاعضاء

**mhkash** · 16-07-2009 02:20 PM

الخوف المبالغ فيه على العربيه - كنت على طول اجري على التوكيل او اي مركز خدمه و اكتشفت ان فيه منهم كتير - اول ما يعرفو اني جديد فى موضوع السواقه - يشتغلوني على طول ويقولولى حاجات غريبه و انا كنت بأصدقهم - بسهوله بس خلاص الواحد جمد قلبه

**M.FOUAD** · 16-07-2009 02:27 PM

و انت بتسوق لو حد كسر عليك تقف مش تكسر انت على اللي جانبك بحركة تلقائية عشان تفادي اللي قدامك

**abzoabzo** · 16-07-2009 02:37 PM

والله العظيم اللى هيلمس عربيتى لخليه يدفع ثمنها انا قرفة من استهتار الناس فى الشارع وهاخد حقى بدراعى

**Samah AbdAllah** · 16-07-2009 02:49 PM

حلو الموضوع ده جدا واكتر حاجة بيعانى منها اى مبتدئ هى الرهبة من السواقة

**CryptonX** · 16-07-2009 03:01 PM

1. مش معنى انك مدي اشارة يمين وانت في اقصى الشمال . انك ليك الحق تكسر علي شعب مصر كله الي علي اليمين و كمان تتنرفز و تقول انك مدي اشارة .

2. الركنة عند مدخل الشوارع تعرضك للحادثة او للشتيمة .

3. دائما يا اخوانا انت لما تيجي تلف U-turn في اغلب الاحيان بيبقى في فتحتين , دايما فتحتك تاني واحدة مش اول واحدة ! و متستهلش !

5. لو عايز تركن في شارع بيتكم و في ناس وراك من حقك لو مدي انتظار .. انما مش ماشي كدة عادي و مرة واحدى تلاقي مكان تقون مفرمل و عايز الناس تستناك !

6. دائما قبل المشاورة الطويلة شيك علي العربية ( مستوى ماء التبريد - البنزين - حالة الكاوتش - ماء المساحات ) .

دول الي في بالي حاليا .

**Bob2009** · 16-07-2009 03:33 PM

انا الخطاء الى كنت دايما اقع فيه الفرامل مره واحده على شان كنت لسه بخاف ومش مظبط ولا بعرف اقدر المسافه الى بينى وبين الى قدامى فكنت بقف مره واحده ومره دخل عندى تحت العربيه موتوسيكل بس الحمد لله الراجل ما حصلش ليه حاجه غير شويه خربيش