ياريس زيرو....ام كورولا مستعملة....!!!

عرض للطباعة

16-10-2007, 09:30 PM
hero

ياريس زيرو....ام كورولا مستعملة....!!!

معلش يا جماعه اعذروني .....بافكر بطريقة غربية شوية ...بس برضة عايز اعرف راي الناس ...

الياريس زيرو كاملة مانيوال بتعمل حوالي 88 الف ....ودول ممكن يجيبوا كورولا مستعملة كاملة مانيوال برضة بحالة جيدة جداا (مش هاتكون فابريقة طبعا خصوصا بعد ما غلت قوي كدة)...

ايلي انا شايفة واكيد كتير شايفينة ...ان الكورولا تتفوق علي الياريس من حيث نقط كتير ...لا داعي لذكرها ....بس برضة حكاية انها مستعملة ...بيخلي الواحد يشك ...

دة ايلي محيرني .....
ياتري مين ايلي هايكون افضل ....الياريس الزيرو ....ولا الكورولا المستعملة ...

ياريت تقولوا رايكوا في الحكاية دي.... :?
16-10-2007, 09:35 PM
Dr Ahmed

كرولا تتفوق حتى لو مستعملة (بس مش قبل 2006 أو 2005 كحد أقصى)
16-10-2007, 09:35 PM
ayman_elkholy

الزيرو طبعا ما بيكنش فيه قلق المستعمل خليك فى الزيرو وعلى العموم فى كلا الحالتين انت انت بتتعامل مع تويوتا
بس الزيرو راحة بال ده رأى الشخصى ممكن يكون صائب او لا انتظر ردود الاخوه
16-10-2007, 09:51 PM
hatem_badawe

الزيرو يا ريس
16-10-2007, 10:04 PM
Sharky

اقتباس:

الزيرو طبعا ما بيكنش فيه قلق المستعمل خليك فى الزيرو وعلى العموم فى كلا الحالتين انت انت بتتعامل مع تويوتا
بس الزيرو راحة بال ده رأى الشخصى ممكن يكون صائب او لا انتظر ردود الاخوه

+1

حضرتك لو عايز تركب زيرو و عربية لسه قدامها 4 سنوات علشان الشكل يتغير يبقى هات ياريس لو مش فارق معاك إن تركب عربية مستعملة و شكلها الجديد نول خلاص يبقى هات كرولا
16-10-2007, 10:44 PM
vitara

نفس الحيرة اللى عندى !!!!!
مع انى افضل الزيرو دايما.....هل ستصمد و تنجح الياريس ام مصير الايكو ؟
الافضل كورولا استعمال نظيف..... و ربنا يستر
16-10-2007, 11:08 PM
Ahmed Hassan

A NEW CAR

In this case YARIS
17-10-2007, 05:50 AM
hazem_khidr

اقتباس:

حضرتك لو عايز تركب زيرو و عربية لسه قدامها 4 سنوات علشان الشكل يتغير يبقى هات ياريس لو مش فارق معاك إن تركب عربية مستعملة و شكلها الجديد نول خلاص يبقى هات كرولا

+1
مع الاخذ في الاعتبار ان قطع غيار الكورولا ارخص من الياريس علشان متداوله اكتر .
سواقه الكورولا اسهل من الياريس و كمان لو مش حابب العدادات اللي في النص و قاععده الياريس الغريبه شويه حتكرهها من اول يوم.
لو حتجيب كورولا استعمال مش حتخسر كتير و انت بتبيع لكن لو حتجيب ياريس زيرو و انت بتبيع حتخسر مبلغ محترم.
رايي اركب دي و اركب دي و اللي ترتاح ليها اكتر هاتها.
17-10-2007, 02:29 PM
Karim_Monir

شوف بقى
الياريس فئة اصغر بكتير من كرولا
الياريس فئة الكومباكت كار بس سيدان يعني بشنطة ومعمولة لاروبا هاتش باك
الكرولا فئة الفاميلي كار فئة اللانسر والمازدا 3 والاوكتافيا والفورد فوكاس وكدة
الكرولا اوسع وانعم في اعفشة
الموتور مش هايعجبك السحب بتاعة بس العربية ناعمة موووت
تكييف روعة وقعدة وبرستيج
لما تجيبها مستعملة مش هاتخسر كتير لان اللي خسر اللي جابها من الزيرو
قعدت الياريس وحشة قوي ومش هاتشوف الكابووووووت نهائي

انا لو في مكانك اجيب كرولا بس ما تنزلش عن 2005
وفي ناس كتير قوي بتبيعها ولسه ما عملتش 10 ولا 15 الف خاصة الاتوماتيك عشان سحبها ضعيف
دور وربنا يوفقك
17-10-2007, 02:41 PM
Sharky

اقتباس:

الكرولا اوسع وانعم في اعفشة

كريم باشا حضرتك ممكن تشوف اللينك دا حتلاقى إن الياريس أوسع من الكرولا الشكل الحالى مش الجديد
http://www.nilemotors.net/Forum/viewtopic.php?t=7750
http://www.nilemotors.net/Forum/viewtopic.php?t=8609

إقتباس من وائل عطية

من حيث الأداء فالموتور واحد ونفس القوة وأعتقد الياريس هاتتفوق على الكورولا نظراً لأنها أقل في الوزن
و من حيث الأوبشنز الياريس تتفوق وبمراحل على الكورولا الـ 1300
17-10-2007, 04:15 PM
Dr Ahmed

بخصوص الاتساع أنا ملاحظ إسراف ومبالغة فى التفضيل بين السيارات من حيث هذا المقياس..

يعنى مثلا أخ يقول دى أوسع من دى والدليل انه بيقعد فيها مستريح أو انه شاف كده .. وحتى لو أبعاد مساحة الصالون لسيارة أكتر كام مللى وللا 1-2 سنتيمتر.. مين الجبار اللى هيحس بالفرق ده؟؟
17-10-2007, 04:29 PM
معاذ الشرباصى

الميزة اللى فى الياريس و الكورولا ان الكراسى بتاعتهم عالية غير الوسع الداخلى, فده بيدى احساس بالراحة عن عربيات تانية كتير

يعنى حتى لو انت طويل مش هتضطر مثلا ترجع الكرسى للاخر, لأن اصلا الكسى مرتفع عن باقى الماركات
12-11-2007, 07:34 PM
MIMI

يا جماعه انا شهيف ان اليارس عربية جامدة جدا بالنسبة لثمنها :

1-يابانى
2- تويوتا
3- واسعة
4- ناعمة
5-استهلاك بنزين رائع

مش كده و لا ايهههههههههههههه :twisted: