أنا عمري ماركبت عربية بفتحة سقف قبل كدة وعايز أعرف هل فعلاً بتديك شعور حلو و أنت بتسوق. و هل تستحق أدفع فلوس زيادة علشان أركب عربية فيها فتحة السقف :auto:
عرض للطباعة
أنا عمري ماركبت عربية بفتحة سقف قبل كدة وعايز أعرف هل فعلاً بتديك شعور حلو و أنت بتسوق. و هل تستحق أدفع فلوس زيادة علشان أركب عربية فيها فتحة السقف :auto:
هو وجهات نظر واراء ومش كل الناس بتحبها
انا شخصيا مش بحبها لان ببساطة فى الصيف والحر هتشتغل التكييف مش فتحة سقف
على فكره كان عندى بى ام فيها فتحه سقف بصراحه جامده جدا جدا وملهاش حل يكفى اى لما افتحها عكسى (لفوق) لو فى حد بيدخن عمرك ماتشم رائحة الدخان منك للسما علاطول
واغلب الوقت بتغنى عن التكييف (الليل فقط ) وبالذات فى السفر
ودلوقتى فى ناس متخصصه فى تصليحها غير الاول
بس لو عندك اطفال مانصحكش بيها مش علشان حاجه بس المشكله لما يبقفوا فيها بيبهدلوا الصالون
فتحه السقف تستاهل بصراحه
كفايه تفتح فتحه السقف بتحس ان العربيه كلها منوره من جوه -احساس تانى خالص-
بصراحة انا شايف انها من اجمال وسائل الرفاهية البتبقى فى العربية ,,
دة سؤال اكيد طبعااااااا تستاهل وزيادة كمان.....
اانا اعرف واحد معاة ريتمووو حاجة كهنة صندوق على اربع عجل مفهاش حاجة سليمة ابدا بس فيها فتحة السقف دية والله لو قلتلك انى بحب قعدتها عن عربيتى مش هتصدق.......ةبتكون ملهاش حل فى الصيف بليل
حلوة لكن مشاكلها كثير في العربيات القديمة زي 504 بتلم بارومة و بتبوظ السقف لان طبيعي المية بتركن فيها في الشتاء
ياباشا
من المتعارف عليه دوليا فى قانون المرافعات ودواوين الشعر الرقمى زكمان فى ملحق ماتزوقينى ياماما ( اكيد سمعت عنه )
فان الاراء استقرت على ان مهما كان نوع العربيه وبغض النظر عن التكييف فان فتحة السقف بتحسس اللى راكب بوسع وبتنور الصالون خصوصا لو دواخل العربيه فاتحه بتبقى تحفه
بصراحة انا بحب فتحة السقف وبتدي شعور جميل جدا اثناء القيادة
جميله طبعا :36_9_4:
ربنا يوفق
طبعا فوايدها كتير زى الاخوة ما وضحم
بس لها مشاكلها كمان خصوصا مع التراب فى مصر و المطر فى الاسكندرية
انا كان عندى بيجو 305 فيها فتحة سقف كهرباء , كانت جميلة فى الاول وخصوصا بالليل لكن مع الوقت ظهرت مشاكلها من عدم احكام القفل و التقل على موتور الكهرباء بتاعها مع التراب والتحميل على البطارية الخ
اه
ايوووووووه
نعم
yes
فتحه السقف بتنور الصالون و بتدى شكل فظيييييييع للعربيه من برا .......
انا بستخدم فتحه السقف دائما و بخاصه خاصيه الفتح المائل (tilt opening )
فى الركن لتخفيض الحراره داخل العربيه
فى اول السير بالعربيه مع تشغيل التكيف حيث انه تسمح بخروج الهواء الساخن بسرعه (الهواء الساخن اقل كثافه من البارد)
عند التدخين داخل العربيه بدل من فتح الزجاج اللى بيعمل صوت عالى
لتجديد الهواء داخل العربيه من وقت لاخر فى المشاوير الطويله
لكن الفتح الكامل لفتحه السقف تقريبا لا أستخدمه
انا كان عندنا زمان بيجو 504 فيها فتحة سقف
و انا الوالد جابلي ال e21 فيها فتحة برضه
وبعدين ركبت البولو و اللانسر بدون فتحات سقف
و كانت فترة مظلمة و الحمد لله أشرقت الحياة من جديد بالسيراتو أم فتحة ...
من الأن لن أخوض ظلام السقف الحديد ...يا بفتحة ...يا بلاش
وتستاهل كل مليم
كفاية انك تفتحها المغربية و انت ماشي على سرعة خفيفة في طريق طويل
كراي شخصي وليس فني انا بعتبرها نقطة ضعف اضافية في اي سيارة
وبفضل الاسقف الصلبة المتينة
الكالم ده فى حاله لو انت الى عامل فتحه السقف فى العربيهاقتباس:
كراي شخصي وليس فني انا بعتبرها نقطة ضعف اضافية في اي سيارة
وبفضل الاسقف الصلبة المتينة
يعنى مش فبريكه بتاعه المصنع
اكيد لما بيعملوها بيكون فى حد امان اكتر عن العربيه العاديه
لا استخدمها كثيرا بس لو فرق السعر في عربية جديدة اكثر من 3 الاف جنية هجيب اللى من غير فتحة
باعتبارى كائن احب الظلام والاماكن الضيقة واكره النور واشعر ان ضوء الشمس الساطعة دبابيس تخترق حدقتى عينى حتى اننى افكر جديا فى البحث فى شجرة عائلتى بحثا عن وطواط او مصاص دماء بين اجدادى
لذا فبناء على ما سبق انا اكره فتحات السقف بشدة لانها تجعل صالون السيارة مضاء بشكل مؤلم، وحتى لو كانت مزودة ببطانة فما فائدة ان اشتريها وادفع فيها مبلغا طائلا واحصل على سقف قابل للكسر عند اول زلطة-وما اكثرها فى بلدنا-فى مقابل ميزة لن استخدمها
لذلك ان كنت محبا للضوء والهواء ففتحة السقف ستكون ميزة لك فى مقابل مشاكلها وثمنها، اما ان كنت مثلى فستكون الفتحة وبالا عليك
ده مش زجاج وبس ده بقا بانوراما كمان
لا بس لو العربيه نزلت بزجاج بيكون بابين باب زجاج وباب فير ومكسى بنفس فرش السقف وغالبا بتكون مانيوال والزجاج كهرباء
طبعا جامد جدا وشبابية جدا وبتدى روح للعربية ومنظرها بيبقى خرافى ,دة غير مساعدتها كتير فى حاجات زى مثلا خروج الهواء الساخن بسرعة ,عند تشغيل التكيف ,ولو فابريكة مافيش منها اى قلق
جميلة جدا و بتعمل منظر رائع