فتحة السقف

**waleedseng** · 16-07-2009 03:21 PM

أنا عمري ماركبت عربية بفتحة سقف قبل كدة وعايز أعرف هل فعلاً بتديك شعور حلو و أنت بتسوق. و هل تستحق أدفع فلوس زيادة علشان أركب عربية فيها فتحة السقف

**Samah AbdAllah** · 16-07-2009 03:30 PM

هو وجهات نظر واراء ومش كل الناس بتحبها
انا شخصيا مش بحبها لان ببساطة فى الصيف والحر هتشتغل التكييف مش فتحة سقف

**أبو إياد** · 16-07-2009 03:57 PM

على فكره كان عندى بى ام فيها فتحه سقف بصراحه جامده جدا جدا وملهاش حل يكفى اى لما افتحها عكسى (لفوق) لو فى حد بيدخن عمرك ماتشم رائحة الدخان منك للسما علاطول
واغلب الوقت بتغنى عن التكييف (الليل فقط ) وبالذات فى السفر
ودلوقتى فى ناس متخصصه فى تصليحها غير الاول
بس لو عندك اطفال مانصحكش بيها مش علشان حاجه بس المشكله لما يبقفوا فيها بيبهدلوا الصالون

**E30power** · 16-07-2009 06:37 PM

دة سؤال اكيد طبعااااااا تستاهل وزيادة كمان.....
اانا اعرف واحد معاة ريتمووو حاجة كهنة صندوق على اربع عجل مفهاش حاجة سليمة ابدا بس فيها فتحة السقف دية والله لو قلتلك انى بحب قعدتها عن عربيتى مش هتصدق.......ةبتكون ملهاش حل فى الصيف بليل

**M.FOUAD** · 16-07-2009 06:44 PM

حلوة لكن مشاكلها كثير في العربيات القديمة زي 504 بتلم بارومة و بتبوظ السقف لان طبيعي المية بتركن فيها في الشتاء

**m000dy** · 16-07-2009 07:51 PM

ياباشا
من المتعارف عليه دوليا فى قانون المرافعات ودواوين الشعر الرقمى زكمان فى ملحق ماتزوقينى ياماما ( اكيد سمعت عنه )
فان الاراء استقرت على ان مهما كان نوع العربيه وبغض النظر عن التكييف فان فتحة السقف بتحسس اللى راكب بوسع وبتنور الصالون خصوصا لو دواخل العربيه فاتحه بتبقى تحفه