ok
MMamdouh
عرض للطباعة
ok
MMamdouh
نتيجه الاستطلاع فظيعه اوى ههههههههه
انا بصراحة شايف موضوع التاكس الجديد دة...حاجة كويسه وعربيات جديدة كلها...مش احسن متلاقى عربية 128 موديل السبعينات ماشية ومطلعه دخان اسود يلوث الدنيا...
التجديد مطلوب ولازم نغير ونتوافق مع الدنياااااااااااا
الدنيا سلف و دين يا درش
يعنى زمان كان التكسجى بيتبطر على المشاوير و يبيع و يشترى فى الزبون و يتخانق معاه على الاجرة و يمشى فى الشارع اللى يعجبة و اللى ميعجبوش ميمشيش فيه ولا اكنة اشترى الناس...
النهارة اتقلبت الاية و بقى فيه منافس محترم و عادل فى تكلفتة (مش حقول رخيص) و يكفى انك بتحس انك بتاخد خدمة بحد بالفلوس اللى دفعتها مش نازل تبيع نفسك للتكسجى
على فكرة انا لقيت موضوعك بتاع التاكسى
http://www.nilemotors.net/Nile/showthread.php?t=77977
ممكن توضح بالضبط ركبت منين و نزلت فين و التاكسى مشى ازاى لان على تقديرى المسافة اصغر من الفلوس دى
MMamdouh
المشوار كان من غمرة لاول شارع جسر السويس عند االبنك
الللى فاجانى بس ان المشوار ده كان اخره 7 جنيه
و على فكرة النهارده كنت فى ميدان الحجاز و كنت رايح نادى السكة و تاكسي فيرنا مرضاش يروح ..:Oc_sun1[1]:
بس ده طبعا ميمنعش ان التاكسي الجديد راحة اكتر و افضل بكتير .
عندك حق ده انا كنت بأقف بالساعتين تلاته في اشارة روكسي جسر السويس و أبوس رجله اني اركب لأول ترعة الجبل يعني يا دوب كوبري الطاهرة و بس و شاب بطولي ممعيش عيالو لا شيل أيام العزوبية و ما يوافقوش!!!!!!!!!!!!!!!!!!!!
أمال عايز تروح فين!!!!!!!!دقيقتين و هتأخدلك تلاته جنية و لا حاجة !!!!!!!!!!!
البطران سكته قطران فعلا.............
بالمناسبة في ناس مش واخدة بالها ان عداد التاكسي الابيض مش بيعد المسافة بس .. لا ... بيدخل الوقت المستغرق للمشوار في الحساب ... ايوة فعلا و ابقوا لاحظوها بنفسكم ... الساعة بـ 10 جنيه ... يعني الـ 6 دقائق بجنيه
كدة يبقى درش اما مشى 13 كيلو ياما اخد ساعتين الا تلت فى المشوار... هل دة حصل يا درش؟؟
ولا ممكن و انت ماشى بيعد عليك كيلومترات و الكيلو ب 1.25 و لما تقف يعد عليك وقت و الست دقايق بجنية و اخر المشوار يجمع الحساب؟؟؟
هو الاكيد ان الوقت يفرق لان ليا زميل فى الشغل ركب التاكسى الابيض من بيتة للشغل مرتين و فى المرتين اخد نفس الطريق بالضبط و مرة دفع 12.50 و مرة 11.75 و كمان كانت المرة اللى دفع فيها اقل مشى بتاع 30 متر زيادة عن المشوار التانى (فرق الفلوس يعمل 600 متر) و لا انا ولا هو كنا فاهمين ازاى بقى فيه فرق فى الاجرة مع ان المشوار واحد... كدة بقى الموضوع منطقى
بس مازال عايزين نعرف الوقت بيتحسب ازاى؟؟؟ يعنى مجموع وقت المشوار بيتحسب و لو طلع اكتر من حساب الكيلو تحاسب على الوقت؟؟؟ ولا لما تقف تحساب على الوقت و لما تمشى تحاسب على الكيلومترات؟؟
على الارجح ان الحسبة وقت + مسافة حسب ظروف الطريق لسبب.... على الحسبة بتاعت صاحبى لو حاسب على الوقت فقط و دفع ال 11.75 يعنى حيبقى الراجل اخد 70 دقيقة فى المشوار... و طبعا دة مش صح لانة جه الشغل فى 20 دقيقة فقط
لكن لو حسبنا الفرق بين الاجرتين اللى هو 75 قرش و حسبنا يعمل كام وقت حتلاقى الناتج 4 دقايق و نص.... ممكن اوى يكون وقف فى اشارة شويتين زيادة ولا اتعطل شوية على 15 مايو و دة اللى عمل فرق الاجرة بين المرتين
انا شابف انه برضة مش وحش لان كدة كدة انت بتستفاد و انت فى التاكسى انك قاعد و مستريح و فيه تكييف شغال... بالتالى الفلوس اللى بتدفعها فى الوقفة مش بتروح فى الارض... و الاهم من كدة ان الحسبة دى حتخللى بتوع التاكسى الابيض متفرقش معاهم المشوار زحمة ولا لا لان كدة كدة حياخد حقة سواء كان ماشى او واقف... على عكس بتوع التاكسى الاسود اللى بيختاروا المشاوير السالكة و ميرضوش يركبوا الزبون اللى رايح حتة زحمة
MMamdouh
ميدان الباشا ده اللي في المنيل؟
لو هو كده تبقى الأجره معقوله جدا بس انا ما اعتقدش انه كده ......هو حضرتك عرفت المسافه كام كيلو ازاي؟
وبخصوص تاكسي العاصمه الإختلاف في كسر البنديره فقط 3.50 جنيه بدلا من 2.50 جنيه للتاكسي الأبيض والكيلو بيتحسب بجنيه وربع زي التاكسي الأبيض بالظبط يعني الفرق حيكون جنيه واحد فقط مش 16 زي ماحضرتك بتقول