حملة لمقاطعة التاكسي الجديد

**MMamdouh** · 20-07-2009 04:09 PM

ok

MMamdouh

**MMamdouh** · 20-07-2009 04:26 PM

المشاركة الأصلية كتبت بواسطة Terrible_DaRsH

+انكم كده هتقطعوا رزق التاكسي القديم عقبال ما يجدد

الدنيا سلف و دين يا درش

يعنى زمان كان التكسجى بيتبطر على المشاوير و يبيع و يشترى فى الزبون و يتخانق معاه على الاجرة و يمشى فى الشارع اللى يعجبة و اللى ميعجبوش ميمشيش فيه ولا اكنة اشترى الناس...

النهارة اتقلبت الاية و بقى فيه منافس محترم و عادل فى تكلفتة (مش حقول رخيص) و يكفى انك بتحس انك بتاخد خدمة بحد بالفلوس اللى دفعتها مش نازل تبيع نفسك للتكسجى

على فكرة انا لقيت موضوعك بتاع التاكسى

http://www.nilemotors.net/Nile/showthread.php?t=77977

ممكن توضح بالضبط ركبت منين و نزلت فين و التاكسى مشى ازاى لان على تقديرى المسافة اصغر من الفلوس دى

MMamdouh

**ashraf229** · 20-07-2009 04:49 PM

عندك حق ده انا كنت بأقف بالساعتين تلاته في اشارة روكسي جسر السويس و أبوس رجله اني اركب لأول ترعة الجبل يعني يا دوب كوبري الطاهرة و بس و شاب بطولي ممعيش عيالو لا شيل أيام العزوبية و ما يوافقوش!!!!!!!!!!!!!!!!!!!!

أمال عايز تروح فين!!!!!!!!دقيقتين و هتأخدلك تلاته جنية و لا حاجة !!!!!!!!!!!

البطران سكته قطران فعلا.............

**Lord_Fouad** · 20-07-2009 07:20 PM

بالمناسبة في ناس مش واخدة بالها ان عداد التاكسي الابيض مش بيعد المسافة بس .. لا ... بيدخل الوقت المستغرق للمشوار في الحساب ... ايوة فعلا و ابقوا لاحظوها بنفسكم ... الساعة بـ 10 جنيه ... يعني الـ 6 دقائق بجنيه

**Terrible_DaRsH** · 20-07-2009 08:01 PM

المشاركة الأصلية كتبت بواسطة The_Fox_Arab

بالمناسبة في ناس مش واخدة بالها ان عداد التاكسي الابيض مش بيعد المسافة بس .. لا ... بيدخل الوقت المستغرق للمشوار في الحساب ... ايوة فعلا و ابقوا لاحظوها بنفسكم ... الساعة بـ 10 جنيه ... يعني الـ 6 دقائق بجنيه

يعنى لو الطريق زحمة وواقف الاجرة تزيد

**Lord_Fouad** · 20-07-2009 08:39 PM

المشاركة الأصلية كتبت بواسطة terrible_darsh

يعنى لو الطريق زحمة وواقف الاجرة تزيد

و حتى لو مش واقف .. الوقت كله بيدخل في الحساب

**MMamdouh** · 21-07-2009 11:32 AM

المشاركة الأصلية كتبت بواسطة The_Fox_Arab

و حتى لو مش واقف .. الوقت كله بيدخل في الحساب

كدة يبقى درش اما مشى 13 كيلو ياما اخد ساعتين الا تلت فى المشوار... هل دة حصل يا درش؟؟

ولا ممكن و انت ماشى بيعد عليك كيلومترات و الكيلو ب 1.25 و لما تقف يعد عليك وقت و الست دقايق بجنية و اخر المشوار يجمع الحساب؟؟؟

هو الاكيد ان الوقت يفرق لان ليا زميل فى الشغل ركب التاكسى الابيض من بيتة للشغل مرتين و فى المرتين اخد نفس الطريق بالضبط و مرة دفع 12.50 و مرة 11.75 و كمان كانت المرة اللى دفع فيها اقل مشى بتاع 30 متر زيادة عن المشوار التانى (فرق الفلوس يعمل 600 متر) و لا انا ولا هو كنا فاهمين ازاى بقى فيه فرق فى الاجرة مع ان المشوار واحد... كدة بقى الموضوع منطقى

بس مازال عايزين نعرف الوقت بيتحسب ازاى؟؟؟ يعنى مجموع وقت المشوار بيتحسب و لو طلع اكتر من حساب الكيلو تحاسب على الوقت؟؟؟ ولا لما تقف تحساب على الوقت و لما تمشى تحاسب على الكيلومترات؟؟

على الارجح ان الحسبة وقت + مسافة حسب ظروف الطريق لسبب.... على الحسبة بتاعت صاحبى لو حاسب على الوقت فقط و دفع ال 11.75 يعنى حيبقى الراجل اخد 70 دقيقة فى المشوار... و طبعا دة مش صح لانة جه الشغل فى 20 دقيقة فقط

لكن لو حسبنا الفرق بين الاجرتين اللى هو 75 قرش و حسبنا يعمل كام وقت حتلاقى الناتج 4 دقايق و نص.... ممكن اوى يكون وقف فى اشارة شويتين زيادة ولا اتعطل شوية على 15 مايو و دة اللى عمل فرق الاجرة بين المرتين

انا شابف انه برضة مش وحش لان كدة كدة انت بتستفاد و انت فى التاكسى انك قاعد و مستريح و فيه تكييف شغال... بالتالى الفلوس اللى بتدفعها فى الوقفة مش بتروح فى الارض... و الاهم من كدة ان الحسبة دى حتخللى بتوع التاكسى الابيض متفرقش معاهم المشوار زحمة ولا لا لان كدة كدة حياخد حقة سواء كان ماشى او واقف... على عكس بتوع التاكسى الاسود اللى بيختاروا المشاوير السالكة و ميرضوش يركبوا الزبون اللى رايح حتة زحمة

MMamdouh

**sara2001** · 21-07-2009 11:39 AM

المشاركة الأصلية كتبت بواسطة mmamdouh

بصى يا سارة

المسافة من ميدان الباشا لحد محطة البنزين اللى على ناصية عباس العقاد هى 16.25 كيلو و دول يعملوا (2.5 اول كيلو + 1.25 للكيلو x مسافة 15.25 كيلو) 21.50 جنية... يعنى ازيد من التاكسى الاسود ب جنية و نص

انا معرفش تاكسى العاصمة بيحاسب ازاى بس واضح انة مكلف جدا جدا... بس بحسبة صغيرة حنلاقى ان الجنية الزيادة فى البنديرة اللى قلتى عليه فى 16 كيلو يطلع 16 جنية... لوحطناهم على ال 21.50 يطلعوا 37.50 جنية اللى هى تقريبا نفس الفلوس اللى بتدفعيها لتاكسى العاصمة بالفعل...

اذا التاكسى الابيض اوفر من تاكسى العاصمة و دة فى مقابل انك مش حتقدرى تتصلى فى التليفون و يجيلك لحد عندك لكن مفيش فرق بين الاتنين من اول ما تركبى التاكسى لحد ما تنزلى

mmamdouh

ميدان الباشا ده اللي في المنيل؟
لو هو كده تبقى الأجره معقوله جدا بس انا ما اعتقدش انه كده ......هو حضرتك عرفت المسافه كام كيلو ازاي؟
وبخصوص تاكسي العاصمه الإختلاف في كسر البنديره فقط 3.50 جنيه بدلا من 2.50 جنيه للتاكسي الأبيض والكيلو بيتحسب بجنيه وربع زي التاكسي الأبيض بالظبط يعني الفرق حيكون جنيه واحد فقط مش 16 زي ماحضرتك بتقول

-

مشاهدة نتائج الإستطلاع: أيه رأيك في مقاطعة التاكسي الجديد ؟؟؟

الموضوع: حملة لمقاطعة التاكسي الجديد

LinkBack

أدوات الموضوع

عرض

-

-

-

-

-

المواضيع المتشابهه

حملة لمقاطعة ( وإزالة إن أمكن ) لوجو play boy

حملة لمقاطعة توكيل فيات

خـــلوهـــــــا تصــــــــــــــــدى - حملة لمقاطعة وكلاء السيارات

حملة لمقاطعة نوكيا فى المانيا

الكلمات الدلالية لهذا الموضوع

المفضلات

المفضلات

ضوابط المشاركة