الموضوع: حملة لمقاطعة التاكسي الجديد

و كفاية انه فيه عداد يرحمك من بعض السائقين و خناقتهم و قلة ادبهم (أنا بأقول بعضهم).....

عادي أصلا ممكن يعمهالك حكاية و يتخانق معاك و يشتمك كمان لو الأجرة مش عجباه.......

العداد ده نعمة وراحة بال من بلطجة بعض السائقين و خصوصا لما يتشطروا عالبنات.......ويحرجوا الشاب اللي خارج مع خطيبته مثلا أو زمايله .............

لازم يبئى فيه نظام مش هبل و خلاص كل سواق حسب قناعته و أخلاقه........لأ الموضوع يبئى حقك و حقي و خلاص......

المشاركة الأصلية كتبت بواسطة mmamdouh

كدة يبقى درش اما مشى 13 كيلو ياما اخد ساعتين الا تلت فى المشوار... هل دة حصل يا درش؟؟

ولا ممكن و انت ماشى بيعد عليك كيلومترات و الكيلو ب 1.25 و لما تقف يعد عليك وقت و الست دقايق بجنية و اخر المشوار يجمع الحساب؟؟؟

هو الاكيد ان الوقت يفرق لان ليا زميل فى الشغل ركب التاكسى الابيض من بيتة للشغل مرتين و فى المرتين اخد نفس الطريق بالضبط و مرة دفع 12.50 و مرة 11.75 و كمان كانت المرة اللى دفع فيها اقل مشى بتاع 30 متر زيادة عن المشوار التانى (فرق الفلوس يعمل 600 متر) و لا انا ولا هو كنا فاهمين ازاى بقى فيه فرق فى الاجرة مع ان المشوار واحد... كدة بقى الموضوع منطقى

بس مازال عايزين نعرف الوقت بيتحسب ازاى؟؟؟ يعنى مجموع وقت المشوار بيتحسب و لو طلع اكتر من حساب الكيلو تحاسب على الوقت؟؟؟ ولا لما تقف تحساب على الوقت و لما تمشى تحاسب على الكيلومترات؟؟

على الارجح ان الحسبة وقت + مسافة حسب ظروف الطريق لسبب.... على الحسبة بتاعت صاحبى لو حاسب على الوقت فقط و دفع ال 11.75 يعنى حيبقى الراجل اخد 70 دقيقة فى المشوار... و طبعا دة مش صح لانة جه الشغل فى 20 دقيقة فقط

لكن لو حسبنا الفرق بين الاجرتين اللى هو 75 قرش و حسبنا يعمل كام وقت حتلاقى الناتج 4 دقايق و نص.... ممكن اوى يكون وقف فى اشارة شويتين زيادة ولا اتعطل شوية على 15 مايو و دة اللى عمل فرق الاجرة بين المرتين

انا شابف انه برضة مش وحش لان كدة كدة انت بتستفاد و انت فى التاكسى انك قاعد و مستريح و فيه تكييف شغال... بالتالى الفلوس اللى بتدفعها فى الوقفة مش بتروح فى الارض... و الاهم من كدة ان الحسبة دى حتخللى بتوع التاكسى الابيض متفرقش معاهم المشوار زحمة ولا لا لان كدة كدة حياخد حقة سواء كان ماشى او واقف... على عكس بتوع التاكسى الاسود اللى بيختاروا المشاوير السالكة و ميرضوش يركبوا الزبون اللى رايح حتة زحمة

mmamdouh

بصراحة انا مش عارف العملية ماشية ازاى بالظبط , انا معتقدش ان المسافة 13 كيلو و المشوار ماخدش ربع ساعة .

بص يا دوحا ان شاء الله المرة الجاية هسال السواق طريقة حساب الاجرة ماشية ازاى و اقولك