حملة لمقاطعة التاكسي الجديد

**Samir Elshahawy** · 16-07-2009 04:45 PM

بصراحة قانون أحلال التاكسي انا مش بالعه و حاسس أن القانون تم تفصيله لتصريف منتجات السادة الوكلاء و المصنعيين المحليين من سيارات راكدة و من الاخر هما اللي أستفادوا من القانون ده مش أي حد تاني , و بعد كده بيفكروا يعملوها في الملاكي

لذا بأنادي بمقاطعة ركوب التاكسي الجديد (الابيض) كي يتوقف هذا المشروع و كي تعيد الحكومة ووكلائها النظر في القانون و يتم تنفيذه بشكل أكثر انصافا و كي تحترم عقول و مشاعر الناس البسطاء

خلوها تصدي و موديلها يعدي
و التاكسي الابيض يقف و يصدي
و غبور و غيره ييجي يترجي و يبوس يدي

**Lord_Fouad** · 16-07-2009 04:55 PM

بص يا باشا ... انا معاك انها حركة من الحركات التيت اللي بتعملها الحكومة فينا كل يوم ... بس خلاص الناس اشترت .. و انا بفضل اركب التاكسي الابيض لسببين ... الاول : انه جديد و مريح ... السبب التاني : اني مش هحس اني اضحك عليا في الاجرة .. يعني اللي بدفعه في مشوار هو هو اللي غيري هيدفعه في نفس المشوار حتى لو غالي شوية ... انما اللي في ايدينا نعمله لمواجهة جشع بعض الوكلاء و التجار هو مقاطعة شراء السيارات الجديدة و اذا كان في حد فاهم كويس في القانون و يعرف يطلع اي مصيبة للجماعة دول يرفع عليهم قضية و يبوظ سمعتهم و لو حد عنده عربية جديدة و التوكيل عمل فيها اي غلطة يروح بسرعة على جهاز حماية المستهلك و يعملهم دوشة ... هو دة اللي في ايدينا ان تبقى المعاملة بالمثل ... و لو حد عنده اقتراحات تانية ياريت يفيدنا بيها

**HAMZAWY** · 16-07-2009 05:00 PM

طب والناس اصحاب التاكسيات ذنبهم ايه الناس دى عليها اقساط ووراها مصاريف

**madoo** · 16-07-2009 05:04 PM

المشاركة الأصلية كتبت بواسطة The_Fox_Arab

بص يا باشا ... انا معاك انها حركة من الحركات التيت اللي بتعملها الحكومة فينا كل يوم ... بس خلاص الناس اشترت .. و انا بفضل اركب التاكسي الابيض لسببين ... الاول : انه جديد و مريح ... السبب التاني : اني مش هحس اني اضحك عليا في الاجرة .. يعني اللي بدفعه في مشوار هو هو اللي غيري هيدفعه في نفس المشوار حتى لو غالي شوية ... انما اللي في ايدينا نعمله لمواجهة جشع بعض الوكلاء و التجار هو مقاطعة شراء السيارات الجديدة و اذا كان في حد فاهم كويس في القانون و يعرف يطلع اي مصيبة للجماعة دول يرفع عليهم قضية و يبوظ سمعتهم و لو حد عنده عربية جديدة و التوكيل عمل فيها اي غلطة يروح بسرعة على جهاز حماية المستهلك و يعملهم دوشة ... هو دة اللي في ايدينا ان تبقى المعاملة بالمثل ... و لو حد عنده اقتراحات تانية ياريت يفيدنا بيها

كلامك فعلا صح

**Ahmed Samy** · 16-07-2009 05:04 PM

يعني علشان أقاطع تلاتة أخرب بيت ألف ؟؟؟

مش معاك في الحكاية دي

و بعدين أنا هاقاطع مين ولا مين ؟؟؟؟

انا مش مقاطع حد

أنا زهقت

**kareemhisham** · 16-07-2009 05:06 PM

انا غير موافق تماما ,,
التاكسى دة بيدى للبلد منظر متحضر اكتر من التاكسيات القديمة المخلعة ,,
دة غير ان الاكسيات القديمة دى فى منتهى الخطورة ,,
و التاكسى الجديد مريح جدا و بذات فى الصيف ,,
و الاجرة محددة و معروفة ,,

مش اى حاجة نعملها حملة مقاطعة ,, لاز شوف بنستفيد اية و بنضر بايه

**النوبي** · 16-07-2009 05:11 PM

والناس اللي عليها اقساط تروح تموت علشان الحكومه تزغرد وتديلك وسام المقاطع الذهبي
مش موافق
لو كان مفيهاش ضرر كنت وافقت بس بجد بجد هو احنا بنقاطع كام حاجه بالضبط علشان مغلطش واشتري

**Migo123** · 16-07-2009 05:15 PM

المشاركة الأصلية كتبت بواسطة Ahmed Samy

يعني علشان أقاطع تلاتة أخرب بيت ألف ؟؟؟

مش معاك في الحكاية دي

و بعدين أنا هاقاطع مين ولا مين ؟؟؟؟

انا مش مقاطع حد

أنا زهقت

+ 1000000000000000000000000

**kareemhisham** · 16-07-2009 05:17 PM

المشاركة الأصلية كتبت بواسطة النوبي

والناس اللي عليها اقساط تروح تموت علشان الحكومه تزغرد وتديلك وسام المقاطع الذهبي
مش موافق
لو كان مفيهاش ضرر كنت وافقت بس بجد بجد هو احنا بنقاطع كام حاجه بالضبط علشان مغلطش واشتري

يا راجل متعدش ,,
احنا بنقاطع المنتجات الامريكية و الكندية و الاسرائيلية و ادينا هنقاطع الالمانية (عشان مشكلة مروة) و بنقاطع العربيات الجديدة كلها ,, و انشاء الله بعد العيد هنقاطع المنتجات الصينية عشان تبقى كملت

لأ و فى الاخر بنيجى نقول هو اقتصادنا واقع كدة ليه ؟؟ ,,

و مشاء الله اول مرة اشوف شعب نفسه الركود يزيد ,,

ربنا معانا

-

مشاهدة نتائج الإستطلاع: أيه رأيك في مقاطعة التاكسي الجديد ؟؟؟

الموضوع: حملة لمقاطعة التاكسي الجديد

LinkBack

أدوات الموضوع

عرض

حملة لمقاطعة التاكسي الجديد - انشر الموضوع فى :

-

-

-

-

-

-

المواضيع المتشابهه

حملة لمقاطعة ( وإزالة إن أمكن ) لوجو play boy

حملة لمقاطعة توكيل فيات

خـــلوهـــــــا تصــــــــــــــــدى - حملة لمقاطعة وكلاء السيارات

حملة لمقاطعة نوكيا فى المانيا

الكلمات الدلالية لهذا الموضوع

المفضلات

المفضلات

ضوابط المشاركة