كنت عايز اعرف هل من الممكن تحويل الفتيس فى النوبيرا الاوتوماتيك لاى فتيس عادة
وشكرا
عرض للطباعة
كنت عايز اعرف هل من الممكن تحويل الفتيس فى النوبيرا الاوتوماتيك لاى فتيس عادة
وشكرا
ممكن طبعا تركبلها فتيس نوبيرا مانيوال
يا راجل حد يسيب الأتوماتيك فى الزحمه ديه ويركب مانوال ، ظبط الفتيس بتاعك ومش هيتكلف كتير بإذن الله وأوعى الكلام اللى يتقلك انه ما بيتصلحش وبيتشال وبيترمى ويجى غيره كل ده هجس الفتيس بيتعمر وبيبقى ذى الفل.
ينفع وكل حاجة بس انت تعبك في ايه
ينفع طبعا
بس حتغير فتيس وكبالن وريداتير وكنسولة الفتيس والعصاية طبعا
وطقم بدلات وماستر دبرياج
شغلانة من الاخر بس عاوزة صنايعى مجربها قبل كده
حاول الاول تصلح الفتيس بتاعك
او تجيب واحد استيراد
الف شكر لكل الاعضاء الى شاركوا برأيهم بصراحه المنتدى دا ممتاز
بص فى ميكانيكى أسمه مجدى أتوماتيك فى شارع أحمد سعيد بالعباسيه أمام السنترال روح وشوف وبالتوفيق يا أستاذ مينا
في واحد بتاع فتيس عند مركز شباب عين الصيرة بس راجل من الاخر هايصلحلك ابوه لو في حاجة و بيرجع زي الاول و مش هاتحتاج تغيير الفتيس و لا حاجة انا لسه عامل عنده الفتيس من حوالي شهرين بس راجل حكاية
الفتيس الاستيراد كله ب 1400 جنيه انا لسه شايفه من اسبوعين يبقى ايه لزمه التحويل لمانيوال
كل اللى عندهم فتيس مانيوال فى مصر يتمنوا يغيروا ل اوتوماتيك
جرب كده تسوق عربيه مانيوال فى الزحمه والأشارات وحتعرف النعمه اللى انت فيها
يأخونا أنا بأكد الناس اللى ركبه مانوال برضه عندها مشاكل أسطونه وديسك وبليه وقاعدة فتيس وعصا قتيس ، الأتوماتيك أفضل من المانوال ولو بتعمله الصيانه وبتغير الزيت والفتيس هيعيش معاك العمر كله ده غير أنه بيريح موتور العربيه وبيريح اللى السايق ، ومفيش بقى فيه شغل المانوال الأمركه والشد والنطر والحرق ، لما كنت فى السعوديه 90 % من العربيات أتوماتيك أفرح بعربيتك وأعتنى بيها وخليك نزيه معاها يعنى مثلا أنا بغير زيت الفتيس ( 3 علب كل علبه 24 جنيه) + فلتر الفتيس الـ جى أم الأصلى بـ 65 جنيه + جوان كارتيره تفصيل بـ 15 جنيه + أنبوبة سليكون حرارى 15 جنيه + مصنعية ميكانيكى بـ 25 جنيه يبقى الأجمالى كله 200 جنيه بعمل الموضوع ده كل 10 ألالاف كم والحمدلله أنا متأكد أن الفتيس هيقعد معايا نص مليون أنشاءالله.