عايز اركب موتور بورش فى البيتلز 63

**hanymah** · 16-07-2009 05:28 PM

السلام عليكم ..

دلوقتى يا جماعة انا عندى البيتلز موديل 63 ودلوقتى عايز اشدها شده محترمة وكمان عايز اصرف عليها واقلبها عربية رياضية وانا عرفت من الاخوه من المنتدى قسم التعديلات انى ممكن اركب ليها موتور بورش وكدا هيخلى العربية طلقة وعايز اعرف شوية حاجات عن الموتور داه يعنى مثلا اجيبوة منين وسعرو كام وهيكون كام cc وهل الهورس باور هيكون اعلى ولا نفس موتور البيتلز .. واسف على الاطالة ...............

**mynameh** · 16-07-2009 08:55 PM

بص أنا هعيدلك الكلام الي كتبتو في قسم التعديلات و طبعا ليك حرية التصرف :

بص إنت عندك حل قانوني و كويس إنك تسقط ماتور 1800 الي هو بتاع المكروباصات الفولكس القديمة

و ممكن تسقط بردو 1600 و 1500 بس ال 1800 جامد و أنا أعرف واحد مسقطة كان بيطلع يشد بيها مع عربيات محترمة علي الدائري و الناس كانت بتتفرج بإستغراب

لكن نصيحتي أنا بردو كنت ناوي أسقط و أظبط حاجات تانية كتير زي إني أركب تاكييف و أظبط شكلها بالفيبر و جنوط و .... و .... و طبعا كل دة لأني بحب العربية دي بس بعد حوار الإحلال دة أنا هطلع عين العربية و مش هصرف عليها غير الي يخليني أقدر أمشي بيها بس فنصيحتي إعمل زيي و مترميش فلوسك في الهوا

**ahit** · 16-07-2009 10:39 PM

هو فيه ناس فى مصر بتعمل التعديلات دى ؟؟؟ !!!

طبعاً ماتور البورش أقوى بكتير من ماتور البيتل

**MOSHAKS** · 17-07-2009 12:04 AM

فعلا موضوع الاحلال ده مخوف ناس كتير

**hanymah** · 17-07-2009 04:28 AM

شكرا على الردود يا جماعة بس هوا موتور الفولكس المكروباصات داه احسن من العادى وهل القدرة الحصانية احسن وممكن يجيب مين من العربيات الجديدة فى سرعتة مثلا ...

**mynameh** · 17-07-2009 11:27 AM

ماتور ال 1800 منزلش غير في الميكروباصات وممكن تجيبة بورسعيد

أما سرعتها بتكون سريعة بس مش جبارة و سحبها ممكن يكون زي سحب الشاهين و سرعتها الي مسقط ال 1800 كان بيشد مع الشاهين و الرينو بتاعت التسعينات و السيتروين و أحيانا الانوس بس في الغالب اللانوس بتكسب