ازيكو يا اوبلاويز
اخوكم بقى فى امتحانات ويومين الامتحنات دول بزاكر طحن ودماغى عماله تروح وتيجي علشان عايز اظبط الاسترا الى اتركنت علشان مش عايز جنان فى الفتره دى( ادعولى انا بتفعص
- اولا عايز اجيب نوع كاوتشات نضيف وعرفت ان الاستندر بتاعها 70/165/14
- عايز اجيب فلتر هوا نضيف
- وعايز اجيب فلتر بنزين لانى اكتشفت ان الفلتر الى كان راكب فيها بتاع دايو وكان مكتوم فعلا بشكل ينرفز ومنه لله الى اشتريت منه العربيه
- والعربيه عندى فيها حاجه كانت مشجعانى انى اسيبها فى الشارع من غير غطا علشان اتخنقت منها ان العربيه لما عداد الحراره بعد ما يعدى ال90 الاقى ان لمبه الزيت ترعش وانا مش دايس على البنزين ميكانيكي قالى دى الساعه بتاعه الزيت ولقيتها ب25 جنيه بس قولت مش اجيبها الا لما اتاكد
- وفيه صوت طقطقه اول ما اطلع من الشارع عندى وانا فى بدايه يوم للعربيه والشارع عندى مش مرصوف بس يعنى فيه شويه زغاليل من الطوب وهكذا ( شوارع الشرقيه بقى ) والصوت دا من العجل الى قدام وساعات بحس انه جاى من الى ورا ( ودا غالبا لما بيبقى من قدام بتبقى الاسكترا عايزه تتحشى )
- والاكصدامات عندى من غباء الاخرين بدات تدخل لجوه وتطق من جنابها , افكها واستعدل الشاسيه واركبها تانى وادهن ولا فيه طريقه استعدل بيها من غير الفك
- والمرايه الى ناحيتي كنت واقف مستنى مزلقان يعدى العربيات جت عربيه سكانيا بقطوره وكانت بعيده عنى مسافه 40 سم ولان كانت العربيه الى ادامى عطلت والعربيات وريا بالكوم ففضلت واقف ومره واحده لقيت العربيه الاسكانيا بدات تقرب مع كل صف عجل يعدى من جنبي لحد ما جيت على العجله القبل الاخيره ولقيتها بتحتك بالمرايا قولت لو مديت ايدي ايدي هتتقطع قولت اسد ودانى وخلاص على الى هيجرا من اللدغه الاخيره
طبعا شايفها قصاد عيني وهي بتتفرتك وبيطلع تيت امها والحمد لله الى حصل ان وش المرايه الى بيبقى فى الواجهه الى بلون العربيه هو الى اتفشفش قولت الحمد لله
افيدوووووووووووونىىىىى