اللى عنده معلومات عن الدراجات العادية
بعد إذنكم يا جماعة اللى يعرف فى الدراجات العادية يا ريت يشارك بالمعلومة ، أنا نويت أشترى دراجة (عجلة) على سبيل الرياضة
وعايز أعرف هل فيه أنواع معينة ، وهلى فيه أى صناعة محترمة أوروبى ولا أمريكى ولا كورى مثلاً بعيداً عن الصينى ؟ وفين ممكن ألاقيها ؟
ناوى على حاجة بنقلات قدام وورا ، وقرات إنها بتوصل ل 18 نقلة ، فيا ترى إيه أنسب عدد نقلات ؟
وهل فيه أنواع بيجى معاها زى عدة بسيطة ليها زى مفاتيح أو منفاخ ؟ وهل فيه حاجة ليها علاقة بالإضاءة زى كشاف قدام مثلاً أو عاكس خلفى
معلش أنا بسأل كتير بس عايز أقولكم كل اللى فى دماغى من أسئلة واللى يعرف أى حاجة فيها يا ريت يفيدنى
حاجة تانية هل فيه كاوتش أنسب من كاوتش ، أنا بشوف كاوش خشن كدة وبارز تقريباً جبلى ، هل ده كويس ولا فيها نقشات أنسب علماً إن المشى كله هيكون على أسفلت
معلش حاجة أخيرة طولت عليكم هل فيه كراسى بشكل معين أو مقاسات مثلاً أو كدة لأنى عايز كرسى مريح يناسب مشى فترة طويلة
والنقطة بقا بعد الأخيرة مقاس العجلة نفسها للكبار هو ال 26 ولا 28 ولا أصغر ؟ علماً بإنى 170 سم
والف شكر مقدماً