-
لعبة كومة الأحذية
العدد : تحتاج الى عدد زوجى من الأطفال ويفضل فوق ال 8 أطفال
الهدف : لعبة جرى ومنافسة
مكان اللعب : أرض نجيلة
طريقة اللعب :
قسم الأطفال الى فريقين يقفوافى صفين متقابلين على بعد مناسب 20 متر مثلا وقبل بدء اللعب يخلع الاطفال احذيتهم ويضعوها ككومة احذية فى منتصف ارض اللعب وعند البدء يتحرك طفل واحد فقط من كل فريق الى منتصف الملعب لالتقاط فردة حذاؤه ويعود ليسلم على اللاعب التالى الذى بدوره يذهب للنصف ويأخذ فردة حذاء آخر وهكذا والفريق الذى يكمل لبس جميع احذيته اولا هوالكسبان
-
لعبة العربيات الخربانة
العدد : تحتاج لعدد كبير ومساحة كبيرة من اللعب
الهدف : سباق جرى وتنافس
الطريقة : نظم الأطفال فى دائرة كبيرة واعط لكل طفل اسم من اسماء 4 سيارات مشهورة بالترتيب بحيث يتكرر اسم السيارة كل 4 اطفال بالتتابع , وعند بدء اللعبة يهتف قائد اللعبة باسم سيارة , على كل الاطفال اصحاب هذا الأسم الدوران حول الدائرة الكبيرة فى اتجاه موحد ومن يصل لمكانه الاصلى اولا هو الكسبان ,,,, يمكن عمل اعطال للسيارة لإضفاء البهجة على اللعبة مثلا : ستتحرك سيارة مساحاتها بايظة.. مرسيدس .. على الاطفال اصحاب اسم مرسيدس التحرك حول الدائرة محركين يديهم بحركات تمثل مساحات بايظة .
الشكمان بايظ .... اصدار اصوات اثناء الجرى
الكاوتش مخروم .... الجرى بقدم احدة
الفيتيس بايظ .... الجرى للوراء
تيربو ( فى الارض النجيلة فقط ) ... الجرى بالاربع اطراف .. وهكذا
-
-
-
أول مرة اشوف الموضوع المفيد ده .. جزاك الله كل خير يا دكتور .. وياريت لو فيه أفكار تانية ووقت حضرتك يسمح تزودنا بألعاب تانية .. وياريت للأعمار الصغيرة
-
جمييييييييييييييييله اوي الالعاب دي
بجد لما بيبقي في عندي في البيت اطفال كتير مش ببقي عارفه اعملهم ايه
دي احلي طريقه الواحد يلخمهم بيها:k48:
ميرسي اوي لحضرتك يا دكتور محمود
-
شكرا لكم لإحياء الموضوع مرة أخرى .. هذه الألعاب بعضها من تأليفى وبعضها مترجمها من مواقع العاب فى الانترنت تحت كلمة بحث party games والبعض الآخر تعلمته من الأطفال نفسهم على مر السنين ..
لعبة من القائد أو المايسترو أو leader :
العدد : - أى عدد
الأدوات :- لا تحتاج لمكان واسع او أدوات
الطريقة : - قم بجمع الاطفال فى دائرة ممكن وهو وقوف أو جلوس , اختر أحدهم ليخرج خارج الدائرة وبعيدا عن أعيننا , ثم اختر واحدا آخر من الدائرة ليكون القائد أو المايسترو , عن بدء اللعبة يقوم القائد بعمل حركات ( تصفيق , تلويح باليدين , الخبط على راسه او بطنه , ويغيرها من حين لآخر ) ويقوم الآخرون بتقليد هذه الحركات تماما وهنا يدخل الطفل الأول من مخبأه من خارج الى داخل الدائرة . وعليه ان يعرف من القائد الذى يقوم بعمل الحركات والآخرون يتبعونه , وله 3 فرص وهكذا
----------------------
لعبة بطة ووزة ( couples )
العدد : - يفضل فوق ال 10
الادوات : - لا تحتاج
الطريقة :- ( للصغار ) يقف الاطفال فى دائرة متماسكى الأيدى واختار احدهم ليجرى من خارج الدائرة لامسا ظهر كل طفل ويقول بطة بطة بطة وعند لمس ظهر طفل قائلا وزة ... يجرى الطفل الآخر فى اتجاه معاكس للأول ويدوروا دورة كاملة ومن يصل لمكان الطفل الثانى مكملا الفراغ الذى حدث فى الدائرة اولا سيكون الفائز ويخرج غيره وهكذا ..
( للكبار ) يقف الأطفال فى دائرة متماسكى الايدى و يخرج زوج من الاطفال متماسكى الأيدى ويدوروا خارج الدائرة وعند الضرب على مكان تماسك يدي طفلين متجاوريين يخرجا معا ( متماسكى الايدى ويدورا خارج الدائرة عكس الزوج الأول ومن يصل أولا ويغلق الدائرة المفتوحه يكون فائزا ..
-
-
موضوع ممتع فعلا
حد عنده ألعاب يضيفها ؟؟؟
-
ازيك يابشمهندس ؟ ان شاء الله ان كان لنا عم نتقابل فى مقابلة رمضان اللى جاى .. ياريت فعلا لو حد عنده اضافات ... انا لدى عشرات الألعاب غير اللى كاتبها هنا بس قلت اكتب حسب التفاعل مع الموضوع ..
Content Relevant URLs by
vBSEO 3.6.0 PL2