السلام عليكم
اخوانى ارجو افادتى بالمعلومات التاليه
ارجو افاتى بسرعه يا اخوانى
- ماهى اسعار الجين 2 موديل 2009 الاوتوماتك؟
- ماهى الفروق بين موديل 2009 والموديلات السابقه ؟
- هل يوجد مثبت سرعه بموديل 2009 ؟
- من اين احجز السياره وهل يوجد فصال فى الاسعار ؟
- ما هى العييوب الشائعه فى الجين 2 وخاصه موديل 2009 وهل لها حلول ؟
- هل لكم نصائح عند استلام السياره ؟
- ما هى مده الحجز والاستلام ؟
وارجو مداخله من الاخ توت لانه بصراحه له تاثير كبير على قرارى بشراء الجين 2 من خلال ارائه
وعليكم السلام ورحمة الله وبركاته
-------------------------
1-اسعار الجين 2009
اوتو 90900
مانيوال 84900
---
2-الفروق .. شوف التوبيك دا
---
3-لايوجد مثبت سرعه فى 2009
---
4-الافضل انك تحجز من التوكيل او موزع معتمد .... والفصال ممكن تنزل لحد 3000
---
5-عيوب تقفيل وكلها بتتصلح فى صيانه الالف ... وكمان منذ شهر بدا التوكيل بتفعيل مركز الـpdi والحمد لله دلوقتى عيوب التقفيل قلت جدا جدا.
---
6-تراجع عليها كويس ... تبص عالضمان والعده وكل حاجه معاها.
---
7-دلوقتى ... الموضوع صعب شويه وخصوصا فى الجين ... لان عدد العربيات قليل جدا...
بس ممكن لو هتخلص كاش (ممكن) تستلم على طول.
---
تحيــــــــــــــــــــــ ـــــــــــاتــــــــــــ ــــــــــى
السلام عليكم ورحمة الله وبركاته
الف مبرووك ياباشا و مش هتندم وكأنك اشتريت bmw في الثبات و في السحب و الأوبشن بسم الله ماشاء الله
+1000000000000000000000000 :S_thum1[1]:اقتباس:
المشاركة الأصلية كتبت بواسطة mangere90
ربنا يوفق
:C_laugh[1]:اقتباس:
المشاركة الأصلية كتبت بواسطة mangere90
انا بحب الجين 2 عشان الاسباب دى...
1- شكلها شبابى جدا وشيك...ومن الاخر تشرفك فى اى مكان
2-موتورها كويس جدا جدا وسحبه حلو (انا سوقتها قبل كدة نص ساعة...كانت موديل 2008)
3-الثبات تحفة ومكلبشه فى الارض
4-موضوع الخامات السيئة دة...انا ملاحظتش دة خالص وحسيت ان العربيه حديد من جوة والماتيريل جمدة
5-الصاج بتاع العربية شديد جدا وانا بحب العربيات اللى من النوع دة
6-عربية متخوفش لانها منتشرة ومش هتغلب لو حصل حاجة وحشة لاقدر الله
7-التوكيل بتاعها بيذل مجهود كويس وبيتحسن
8-موديلات بروتون الجديدة تقريبا عيوب التقفيل صفر
9-التكييف والباور وخلافه والعفشة تمام..
10-عربية اثبتت كفائة فى سنتين 3 بشكل مذهل
اما بالنسبة للحجات اللى مش بحبها فى الجين..
1 سعر اعادة البيع تعبان...
2 العربية ضيفة جدا من ورا
3 نور العربية مش قوى..بس ممكن طبعا بالزنون واللمض يتعدل..
4 حوضها صغير من جوة
5 الارقام بتاعت العداد صغيرة :)
6 بيقولو بتاكل بنزين
بس فى النهاية توكل على الله ...العربيه شغاله مع ناس كتير
يا رجاله الـ pdi دا يعني ايه بقالي اسبوع مستني حد يسأل عشان افهم :(
الــpdi .... هو المراجعه النهائيه اللى بيتم عالعربيه قبل تسلميها للعميلاقتباس:
المشاركة الأصلية كتبت بواسطة TheEgyption
وكانت قبل كده مش مفعله بالشكل المطلوب ... يعنى تستلم العربيه وتطعلك مشاكل تقفيل وانت بتستلم:whtauwant:
انما لما بدوا فعلا يهتموا بالموضوع دا ... الموضوع قل كتير جدا جدا عن الاولي:S_thum1[1]:
تحيــــــــــــــــــــات ــــــــــى
الف شكر يا استاذ ايمن على ردك الكافى الشاملاقتباس:
المشاركة الأصلية كتبت بواسطة ayman_52
بس لى اسئله اخرى معلش بتقل عليك
- اى هى عيوب التقفيل التى يجب ان اخذ بالى منها عند الاستلام ؟
- هل مبلغ الخصم ممكن يزيد فى حاله الدفع كاش ؟
- على فكره زوجتى كانت معى امس وشاهدت البيرسونا واعجبتها اكثر من الجين 2 هل هناك فرق وايهما افضل لان بائع المعرض بالمصريه لم يفيدنا بشى ؟
- هل حقا البيرسونا اوسع داخليا ام هو خداع بصرى ؟
- هل هناك شخص معين تنصحنى بالتوجه اليه عند الشراء من الوكيل ؟
والف الف شكر لكل من ساهم فى المشاركه
اخوكم احمد
اقتباس:
المشاركة الأصلية كتبت بواسطة zee
ياباشـــا اســـأل براحتـــك ..... انا تحت امرك
عند الاستلام .... بتراجع على (السنتر - ماكينات الازاز - الكاسيت والسماعات - المرايات - تجيب معاك اسطوانه mp3 وتجرب الكاسيت .... )
ولو انى شايف الان ان الحمد لله ... بقى مافيش الكلام دا بعد تفعيلهم لمركز الــpdi
بس الاحتياط واجــب:3mla:
---
للاسف مبلغ الخصم ثابت على القسط والكاش ... بس حضرتك باردوا حاول (ولو جبيت دييل احسن قولى عشان نجيبه لبقيه الاعضاء)http://s122.photobucket.com/albums/o...esssmileyf.gif
---
البيرسونا اخت الجين الكبيـــره .... الفرق الجوهرى هى الشبطه
البيرسونا اينعم نزلت بمشاكل مختلفه عن الجين ... بس دلوقتى الحمد لله مابقيتش اسمع مشاكل عنها..... واللى كان عنده مشاكل اتحلت الحمد لله
بس الصالون نفس الحجم ... بس هو فى البيرسونا سقفها اعلى من عند الكنبه ورا... ودا بيفرق وبيديك احساس بالوسع.
والعيب الوحيد اللى مش بستلطفه فى البيرسونا ... هو اللون الرمادى اللى فيها سواء فى التابلوه او الفرش ... غير كده فهى عربيه مناسبه كتيره للعائله .
وحضرتك تقدر تشوف التوبيك دا ... فيه مواصفات الجين والبيرسونا ... اتفضـــل
ولما هتركب الاتنين ... هتقدر تحسم قرارك ان شاء الله.
---
للحصول عالتخفيض لازم يتم التعاقد مع ا/محسن صالح ... عز العرب فرع الصحراوى -ابو رواش-
وتقوله انك من طرف -ايــمــن-
---
ملحوظه : لو نويت عالبيرسونا تقدر ان شاء الله تحجز وتستلم على طول... انما الجين صعبه شويا حاليا ...
---
لو واجهت اى مشكله عند الحجز او عند الحصول عالتخفيض ... ياريت تبلغنى
---
وربنا يوفقك وتحجز وتستلم على خير ان شاء الله
تحيــــــــــــــــــــــ ـــــــاتـــــــــــــــىhttp://s122.photobucket.com/albums/o.../th_eclown.gif
طبعا انا عايز اضيف حاجة اطمنك بيها بعد رائ الاعضاء الكرام السابقة
الان تم التدقيق من قبل مهندسى التوكيل فى فحص السيارات قبل تسليمها للعملاء pdi
وده اكدهولى بنفسه المهندس امر مسئول خدمة العملاء ما بعد البيع الراجل ده محترم وفعلا بعد اسبوع واحد من كلامه وانا بشوف العربيات الجديدة وهى بتتسلم لقيتها ماشاء الله تكاد تكون خالية من كل العيوب
وطبعا الكمال لله بس واضح فعلا ان المهندس الكبير الجديد مسئول الفحص pdi على درجة عالية من الخبرة والاتقان فتحياتى ليه وتحياتى للمهندس امر الكوفى على اهتماماته وحبه لبروتون وان شاء الله بالتوفيق فى شراء الجين الجميلة
السلام عليكم ورحمة الله وبركاته
ياريت يا ايمن لو تعمل لنا موضوع خاص ب pdi تعرفنا تفاصيل اللى بيحصل فيه وياريت تحكيلنا تجربه حصلت ادامك للناس اللى شاريين ويا سلام باه لو شوية صور تبقى حاجه عشرة على عشرة . اكيد دى حاجه ايجابيه كويسه جدا تحسب للتوكيل فياريت زى ما السلبيات بتاعتهم بتذكر هنا بالتفصيل الممل برضه الايجابيات تذكر بالتفصيل الممل عشان نعطى كل ذى حق حقه وبرضه نستفيد وكل الناس تبقى مطمنه انها شاريه منتج محترم مش سمك فى ميه انا عارف انى هتعبك بس انت مرشحنا البروتونى واكتر واحد بيزور التوكيل .مستنين موضوعك يا باشا وشكرا مقدما ( ربنا ينجحك يا رب يا ايمن )
سلامى للجميع