كلام مش بطال ( إزاي تخلي عربيتك تحبك )

يابنت الأيه ..... إنتي تاني .... كل شويه عطلانه وقارفاني في عيشتي وخاربه بيتي .... معلش ماهو كله من الشوارع الزفت بتاعتنا دي ومطباتها وبلاعتها ( يا إما البلاعه تبقى فوق وعمله مطب ياإما تبقى واطيه وعامله حفره تبهدل العربيه ) وأدي أخرة التجميع المصري رايحه جايه ع الميكانيكي .... طب أعمل أيه بس ياربي ...أووووووووووف .

كل ده كلام كلنا سمعناه وسمعنا أكتر منه كمان من قرايبنا وأصحابنا وإحنا كمان ساعات بنقوله من غير مانسأل نفسنا عن الأسباب الحقيقيه ( واللي طبعا اللي ذكرته فوق ده جزء منها ) لسرعة إهلاك العربيه وكيفية المحافظه عليها لأطول وقت ممكن .

لو فكرت شويه هتعرف إزاي تخلي عربيتك تحبك , إزاي تخليها تعيش معاك وتمتعك أطول وقت ممكن ..... طب إزاي .

قولتولي إزاي ( مين اللي قال بالضبط :F_eyeb1[1]:) ماعلينا ... المهم أول حاجه طريقة سواقتك للعربيه لازم تكون هاديه وناعمه من غير إفترى ولازم كمان تقدر ظروف عربيتك يعني ماتبقاش محمل فيها 5 ركاب وشنط و.... إلخ وعايز سحبها كأنها فاضيه أو عمال تقرس عليها وتحملها أكتر من طاقتها وبعدين تيجي تشتكي منها .
كمان لازم نعرف أن العربيه دي جهاز مصمم لغرض معين وهو أنها تكون وسيلة مواصلات مش وسيله للإستعراض وتعريض حياتك وحياة غيرك للخطر زي الخمسات والأمركه والحركات دي كلها اللي برضه بتأثر بالسلب على عفشة ومقصات العربيه وموتورها وبعدين برضه تيجي تشتكي منها ... طب مأنت اللي بتبهدلها وعامل فيها كده .الله ماتوحد الله ياعم أمال .
الصيانه الدوريه ... إوعى تفتكر أنك بتخسر فيها لا بالعكس دي بتحميك من مشاكل كتير ممكن تجنبها في المستقبل لو بتشيك على عربيتك بإستمرا ر ومش بتهملها وشغال معاها بحواسك كل لما تبقى تسمع صوت تحت توديها للعفشجي ولما تشم ريحه كده ولا كده توديها للميكانيكي .... دي مش طبيخ ياعم الحج الله يكرمك .. دي عربيه ... وبرضه ترجع تشتكي منها بعد كده ... طب ما أنت اللي أهملتها وإهمالك لها هو اللي وصلها لكده ( البنت أنحرفت يارجاله ) .
قطعة الغيار ... مهما كانت قطعة الغيار الأصلي غاليه برضه جيبها لإنها هيا اللي هتحافظ على إستمرا عربيتك لإطول وقت ممكن على حالتها مافيش حاجه إسمها تقليد بس نظيف ( يعني أيه نظيف المساعد مثلا مغسول مرتين ..حاجه غريبه ) الأصلي أصلي وما تعتمدش على غيره ومن البدايه كلنا بنسأل على أسعار قطع غيار العربيات قبل مانشتري ... يعني بتبقى عارف ان العربيه ماركة كذا دي قطع غيارها غاليه يبقى من الأول ياتشتريها وتجيبلها قطع أصليه ياتدور على غيرها تكون مناسباك أكتر .
وأخيرا ... إحساسك بعربيتك نقطه نحول مهمه في خلال الفتره اللي هتقعدها عربيتك معاك ... يعني لو أشتريت عربيتك دي وأنت حاببها ومقتنع بيها تماما مش علشان على قد فلوسك أو علشان بابا كان رأيه أن هيا دي الأحسن وخلافه من الأسباب لأ ... لأ أنا أشتريت العربيه دي علشان انا مقتنع بيها وحاببها وعايزه هتلاقي نفسك مش ممكن تقدر تستحمل تسمع فيها صوت ... تجنن لو أتحكت بس حكه بسيطه ... تزعل أوي لو راحت للميكانيكي وهتقعد عنده يومين وهيا بعيد عنك ... وده شيء طبيعي في كل أمور حياتنا لو بتحب عملك هتخلص فيه وهتجتهد ولو مش بتحبه هتهمل فيه وتتكاسل ده وضع طبيعي في عدة أمور في حياتنا وليس في العربيات بس .

تفتكر بقى لو أنت بتعامل عربيتك معامله أدميه مش بتهينها ... وبتحرص على الصيانه الدوريه بتاعتها ... وبتجيبلها قطع الغيار الأصليه ... وقلبك حاسس بيها وواكلك عليها ( الحفره اللي مابخدش بالي منها بحس بيها بتوجعني في قلبي ) ممكن العربيه تعمل معاك بقى دقة نقص ولا تعطل على غفله وتخليك تقول الكلام اللي مكتوب في الأول فوق ده وأكتر منه كمان؟؟؟
بنسبة 99 % مش ممكن يحصل ( إلا ماشاء الله ) بالعكس هتتحول عربيتك من مصيبه واكله دماغك كل شويه وعمال تفكر تبيعها أو تجيب غيرها أو .. أو .. أو إلى سبب يجعل البسمه مرسومه على شفايفك بإستمرار ... سلام .
وعلى لقاء في الجزء الثالث إن شاء الله من ( كلام مش بطال ) (عربيتي ... مش زي أي عربيه تانيه ) .

كلام مظبوط جدا جدا

اقتباس:

---

المشاركة الأصلية كتبت بواسطة kliken

كلام مظبوط جدا جدا

---

111111111111111111111111111111111+

اقتباس:

---

لو أشتريت عربيتك دي وأنت حاببها ومقتنع بيها تماما مش علشان على قد فلوسك أو علشان بابا كان رأيه أن هيا دي الأحسن وخلافه من الأسباب لأ ... لأ أنا أشتريت العربيه دي علشان انا مقتنع بيها وحاببها وعايزه هتلاقي نفسك مش ممكن تقدر تستحمل تسمع فيها صوت ... تجنن لو أتحكت بس حكه بسيطه ... تزعل أوي لو راحت للميكانيكي وهتقعد عنده يومين وهيا بعيد عنك ... وده شيء طبيعي في كل أمور حياتنا لو بتحب عملك هتخلص فيه وهتجتهد ولو مش بتحبه هتهمل فيه وتتكاسل ده وضع طبيعي في عدة أمور في حياتنا وليس في العربيات بس .

---

الكلام ده انا اكتر واحد حاسس بيه ومقدره

كلامك فعلا صح الصح انا لما جيت اشترى عربيتى لاقيت معارضه من القريب والغريب من اللى بيفهم فى العربيات واللى مش بيفهم بس بعد كده اكتشفت وهما كمان اكتشفوا معايا ان كل اللى قال لا طلع مش بيفهم انا اسف ليكو جمعيا بس اعمل ايه انتوا اللى حطيطوا نفسكوا فى الموقف ده
المهم دلوقتى انا معايا عربيتى وفعلا حتى لو هى مش احسن عربيه ومش حلوه بس انا حاسس بيها وحابيبها اوى اوى

الواحد مينفعش يتمتع بالعربية الا اذا كان انسان محافظ عليها وبيحبها وبيصونها ومش بيسترخص فيها .. هتفضل زيرو دايما
لو قرف منها او عاملها بزهق او قرف هيشوفها بعدين دايما وحشه ويادوب مايصدق توصله مشوار ويسيبها
لو حاببها وعن تجربة .. هيكسل ينزل منها او يفارقها هههههههه
مستنيين الجزء التالت وشكرا يا باسم

شكرا ليك ولكلامك المنسق وفعلا عندك حق فى اللى انت قولتة كل كلامك واقعى وصحيح 100*100

برافو برافو

كلا معاقل جدا

كلام مظبوط
وأنا وعربيتي بقينا كويسين مع بعض
لما فهمت طباعي
وعرفت إني قلبي عليها

كلام جميل جداً و واقعي جداً
نفسي أبويا يقراً الكلام ده و خصوصاً مسألة قطع الغيار الأصلية
شكراً ليك يا باشا

العشره بتخلى فى تفاهم وعلشان كده انا وعربيتى متفاهمين دايما ..اه انا والعربيه بس

انا لما جيبت الافيو الناس كانت بتخوفني و يقولولي اوعي تجيبها
ألي يقولي دي عربيه زباله و ألي يقولي انا لما راركابها بحس اناه 131
بس جبتها و مسمعتش كلام حد و الحمد لله ماشيه معا يا تمام و مفيش سرعه اعلي من 120 - 140 في السفر كحد اقصي علي الخامس طبعا مش الرابع زي ما اخوانا في الطرق ما بيعملو و بيقرصو علي التالت لغايت ما يجيب 120 و بعد كده ينقلوا و كأنهم فكرين نفسهم بيلعبو under cover

أشكر جميع من ردوا على الموضوع .... وجميع من أعطاني جزء من وقته لقرأة ماكتبت وأن لم يضع رد بس أنا أتمنى اننا نستفيد من الكلام ده لإنه هيفتح معانا أبواب تانيه هتغير من سلوكياتنا في القياده عموما وبالتالي خريطة الطرق في مصر هتتغير .... يعني لو عربيتك محافظ عليها عمرها ماهتعطل مثلا وتسبب زحمه وبالتالي هيوجد أنسيابيه في حركة المرور ولما تشتري قطعة الغيار الأصلي القطع المغشوشه دي هتقل جدا في السوق لأن التاجر الغشاش هيلاقي الإقبال عليها ضعيف نظرا لوعيي ووعيك كمستهلكين فهيبطل يجيبها ... يعني الموضوع له أبعاد كتير أوي خفيه هتظهر (لمصلحتنا جميعا ) لو حاولنا نستفيد من الكلام ده ... وزي ماأتفقنا الأسبوع الجاي إن شاء الله الجزء التالت من ( كلام مش بطال ) عربيتي .... مش زي أي عربيه تانيه .... سلام.

تسلم اديك الله عليك ياحبيب والديك

كلام جميل جدا

انا احيانا بيوصل التفاهم بينى وبين عربيتى انى لما اكون متضايق منها فى حاجة-احيانا تكون حاجة بسيطة جدا بس مغلبانى لأنى بحب الأدء يكون 100%- اشخط فيها واقول لها، لو ماتلميتيش هانزل ابيعك فى السوق وانتى ونصيبك بأه تقعى فى ايد حد يهنك ويبهدلك وتتحولى من ملكة متوجة الى جارية ذليلة، والغريبة انها بتتلم وتتعدل والمشكلة بتروح، والله العظيم ده بيحصل كتير جدا

جامده جدا

اقتباس:

---

المشاركة الأصلية كتبت بواسطة sab3aawy

انا احيانا بيوصل التفاهم بينى وبين عربيتى انى لما اكون متضايق منها فى حاجة-احيانا تكون حاجة بسيطة جدا بس مغلبانى لأنى بحب الأدء يكون 100%- اشخط فيها واقول لها، لو ماتلميتيش هانزل ابيعك فى السوق وانتى ونصيبك بأه تقعى فى ايد حد يهنك ويبهدلك وتتحولى من ملكة متوجة الى جارية ذليلة، والغريبة انها بتتلم وتتعدل والمشكلة بتروح، والله العظيم ده بيحصل كتير جدا

---

كلام في الجووون

اعرف واحد اسمه أحمد عنده عربية شاهين
السيارة اسمها حاليا: شاهين أحمد
تخيلوا درجة التوافق و الحب و الحرص و........

كلام جميل و أنا بقراه بقيت حاسس إنى أنا الى كاتبه أنا بعمل كدا بالظبط و لما باخد مطب غلط بزعل و تلاقينى بقولها معلش يا فيكى

انا مسمي الافيو بتاعتي (((( الدبابه)))))))

باشمهندس سبعاوي كلامك تحفه وأنا كان حصل معانا موقف كده كان والدي عنده عربيه بيجو 504 1981 وقعدت معاه سنين كان بيحبها أوي ومحافظ عليها وصارف عليها كتير وكانت ماشيه زي الفل مافيهاش أي حاجه وأقسم بالله يوم ماروحنا نبيعها في السوق عد بقى مايلي :
1 ) الأبواب مش عايزه تفتح كل ماحد يجي عايز يتفرج عليها الأبواب تعصلج.
2 ) الموتور تشغله تسخن !!!! مع أنها عمرها ماسخنت .
3 ) كانت أستيشن الكنبه اللي ورا مش عايزه تتني .
بقى والدي واقف يضحك ويقولها ( والله لو تكاكي هتتبعاي يعني هتتباعي يابنت ال ..... . هههههه والله العظيم ده حصل فعلا .

Vielen dankeeeee

_________$$$$$$$$$$$$$$_____ __ ___
$$___________$$$$$$_________ ___$$
$$___________$$$$$$_________ ___$$
$$___________$$$$$$_________ ___$$
$$___________$$$$$$_________ ___$$
$$___________$$$$$$_________ ___$$
$$___________$$$$$$_________ ___$$
$$___________$$$$$$_________ ___$$
$$___________$$$$$$_________ ___$$
$$___________$$$$$$_________ ___$$
$$_________$$$$$$$$$$_______ ___$$
$$__________________________ ___$$
$$__________________________ ___$$
$$______$$$$$_______$$$$$___ ___$$
$$____$$$$$$$$$___$$$$$$$$$_ ___$$
$$___$$$$$$$$$$$_$$$$$$$$$$$ ___$$
$$___$$$$$$$$$$$$$$$$$$$$$$$ ___$$
$$____$$$$$$$$$$$$$$$$$$$$$_ ___$$
$$______$$$$$$$$$$$$$$$$$___ ___$$
$$________$$$$$$$$$$$$$_____ ___$$
$$__________$$$$$$$$$_______ ___$$
$$___________$$$$$$$________ ___$$
$$____________$$$$$_________ ___$$
$$_____________$$$__________ ___$$
$$______________$___________ ___$$
$$__________________________ ___$$
$$__________________________ ___$$
$$___$$$$$$$$$_____$$$$$$$$$ ___$$
$$_____$$$$$_________$$$$$__ ___$$
$$_____$$$$$_________$$$$$__ ___$$
$$_____$$$$$_________$$$$$__ ___$$
$$_____$$$$$_________$$$$$__ ___$$
$$_____$$$$$_________$$$$$__ ___$$
$$_____$$$$$_________$$$$$__ ___$$
$$_____$$$$$_________$$$$$__ ___$$
$$_____$$$$$$_______$$$$$$__ ___$$
$$______$$$$$$_____$$$$$$___ ___$$
$$________$$$$$$$$$$$$$_____ ___$$
$$__________$$$$$$$$$_______ ___$$
$$__________________________ ___$$
$$__________________________ ___$$

الأخ bunsh هيا الترجمه هتنزل أمتى ؟ :120146b:120146b