اخبار هامة لموضوع احلال العربيات الملاكى

قعدت امبارح اتكلم مع شخص مهم مش مهم مهم ازاى عشان الرقابة
-------------------------------------------------------------------------------

سالته ياباشا ايه موضوع احلال العربيات ده الملاكى قالى يابنى ما ينفعش حد يعمل كده فى الملاكى ديه ملكيه خاصة غير االجرة الاجرة بتتعامل مع ناس متخصكش و لازم الدوله تحافظ عليهم و تركبهم عربيات ماتعملهمش مشاكل و تكون امنة عليهم اما الملاكى ديه حاجة خاصة و انت المسئول عنها بس بشرط هايديقوا الخناق جدا على الامن و المتانة و هاتجيب شهادة من التوكيل ان العربية صالحة للعمل و كفحص كل 6 شهور حسب موديل السيارة و كمائن الامن و المتانة و حضرتك هاتزهق من المخالافات بتاعت المتانة و هاتعمل احلال لانه هايبقى اختيارى برة مصر ليه ما فيش عربيات قديمة مش عشان ممنوع عشان العربيات رخيصة-------------------------
------------------------------------------------------------------------------------------------------------------------

والكلام ده مش هايكون قبل 5 سنوات-------------------

انا غير مسئول عن صحة الكلام دردشة فى قاعدة و قلت اعرفكم و الله اعلم

كده كلام جميل اوى انما لو كانو هيعملو معانا زى التاكسى كانت هتبقى مصيبه كبيره اوى بس فى مشكله فى الكلام بتاع حضرتك ازاى الناس هتجيب شهاده من التوكيل والمشكله ان اغلب العربيات القديمه ملهاش توكيل الناس دى تعمل ايه عموما هو الكلام مش واضح الى الان بس الى ظاهر انهم هيعملو زى ما عملو فى التاكسى على شان الكلام ده فعلان هيتناقش بين وزاره النقل ووزاره الماليه زى ما الاخبار بتقول واكيد هيتنفذ فى الاخر هو فيه حاجه هنا اسمها ملكيه شخصيه اصلا
ربنا يرحمنا جميعا

و الله لو كان موضوع الإحلال بيوفر عربيات كويسة بقسط معقول فاكل الناس مش هاتمانع طبعاً لأننا لو حسبنا تكاليف صيانة القديم فهى هاتغطى القسط و مصاريف العربية الجديدة تقريبا مع الفارق إنها هاتكون زيرو.
لكن المشكلة إن قسط التاكسى بيساهم فيه شركات الدعاية و الإعلان بنسبة كبيرة و هو ده اللى بيقلل القسط لكن فى الملاكى صعب إلا إذا كان ممكن نركب إعلان على عربياتنا الملاكى إحنا كمان !!!

ده الكلام الى دار امبارح معايا و الى يعرف اخبار يبقا يعرفنا

من رابع المستحيل ان البنوك ورجال الاعمال تمول سيارات بالقسط لاصحاب السيارات القديمة خصوصا اذا كانوا غير قادرين على دفع الاقساط وضامنين 1000% انك تستطيع دفع الاقساط

الموضوع كله جر رجل ممكن يخفض القسط شوية يطول المدة شوية .... بس فى الآخر هاتدفع هاتدفع

وعلى ما يخلصوا من موضوع السيارات الاجرة .... تكون الازمة المالية خلصت ... ويرجعوا يفكروا فى حاجة تانية ... بعيد عنا

عندك مثلا
اقل سيارة قسط فى السوق اعتقد "سوزوكى ماروتى" ... شوف قسطها الحالى كام ... من 500 الى 600 جنيه
وسعرها كاش تقريبا 35 الف جنيه ... يعنى سيارة 3 سلندر ... ثمنها ينفع مقدم شقة لابنك ... هاتقطع من اكل عيشك عشان سيارة جديدة ولا هاتفكر فى اسرتك واولادك

حتى لو كان القسط 400 جنيه
كام اسرة تستطيع دفع 400 جنيه شهريا
خصوصا اذا كانت سيارته الحالية تؤدى الغرض وتشكر جدا على مجهودها الرائع بعيد عن موضوع الاقساط

ربنا يهدى
مع اطيب التمنيات
اخوكم حسين غزالة

المهم نلاقى قطع الغيار المستعملة والجديدة للعربيات القديمة..

السلام عليكم ورحمة الله وبركاته
من الواضح كده ان الكلام ده هيتنفز فعلا وفى اقرب فرصه
لان الكلام كتر سواء فى التليفزيون او الجرائد او النت
وانا سمعت ان الموضوع ده هيكون اختيارى ومش اجبارى
بس فى حاجه مهمه جدا
ان العربيات الجديده هى مجموعة انواع محدوده
يعنى مش اى ماركة سياره عاوزها هتلاقيها
يعنى المتاح تقريبا (اسبرانزا وشيفورليه وهيونداى ولادا وبيجو)
وفى حاجه كمان
فى مشروع التاكسيات فى شرط متحكم شويه
انك لازم تعمل جميع انواع الصيانه وتغيير الزيوت والفلاتر فى التوكيل
حتى نفاذ الاقساط