ساويرس يهدي ابوتريكة مليون جنيه.. واللاعب يتبرع بالمبلغ للجمعيات الخيرية

**mostafabakry** · 17-07-2009 12:34 AM

7/16/2009 11:25:00 PM
أهدى رجل الأعمال نجيب ساويرس رئيس مجلس ادارة اوراسكوم تليكوم شيكاً بمليون جنيه لمحمد أبوتريكة لاعب النادي الأهلي تقديراً لوفائه لناديه وتنازله عن عرض مغري للاحتراف بأهلي دبي الاماراتي.
وقال حازم الحديدي مدير اعمال ابوتريكة في تصريحات خاصة لـ Yallakora.com "القصة بدأت بإتصال هاتفي من سمير زاهر رئيس اتحاد الكرة طلب فيه من ابوتريكة الحضور بمكتبه بالجبلاية".
وتابع "بعد وصول ابوتريكة لمكتب زاهر وجد ساويرس الذي أهداه شيكاً بمليون جنيه تقديراً لبقائه مع الأهلي ورفضه فكرة الاحتراف، بالإضافة لدوره الفعال مع فريقه والمنتخب المصري".
ورفض ابوتريكة مؤخراً عرضاً قياسياً للاحتراف بفريق اهلي دبي الاماراتي على سبيل الاعارة لمدة عام مقابل 3.5 مليون يورو (25 مليون جنيه تقريباً).
من جانبه، أعلن ابوتريكة تبرعه بالمبلغ كاملاً لصالح الجمعيات الخيرية ومستشفى سرطان الأطفال.
وينتمي ساويرس لمشجعي فريق النادي الأهلي، وكان قد صرح في وقت سابق انه سيسعى لشراء النادي الأهلي في حال تم خصخصته.

و الله يا ابو تريكة انت راجل في زمن قلما تجد فيه الرجال

**نور القمر** · 17-07-2009 12:44 AM

بجد رجل في زمن قل فيه الرجال
قاوم اغراء الفلوس ومش اي انسان يقدر على الاغراء ده مع انها حلال

**Haitham10** · 17-07-2009 12:48 AM

شكرا يامصطفي علي الخبر الجميل
انا تخيلت انه هيروح بصراحة لان من حقه يأمن مستقبله ويبص لنفسه شوية لان باقيله سنة ولا اتنين
بس الحمدلله ان لسه في ناس عندها انتماء

**AhmedGen2** · 17-07-2009 12:48 AM

lol ماهو معاه ملايين غيرها مش موضوع مقاومة ولا حاجة.

**AhmedGen2** · 17-07-2009 12:54 AM

وبعدين مليون ايه دة بتاع ساويرس ، دة المليون جنيه عند ساويرس حاجة زى الجنيه كدة.

**نور القمر** · 17-07-2009 01:15 AM

دول 25 مليووووووووووووون يا ناس

**Ahmed Samy** · 17-07-2009 01:43 AM

ابو تريكة من أغنى 100 لاعب كرة على مستوى العالم
و الخبر كان في الأهرام أو الأخبار و أنا قريته بنفسي ..وهو رفض التعليق عليه

المهم يعني ..بغض الظر

ولد فعلا ...

باحب الناس الشبعانة دي حتى لو مش غني ..

بس فيناس تانية بعيد عنكو

طفسه

**medo55** · 17-07-2009 01:56 AM

المشاركة الأصلية كتبت بواسطة ahmedgen2

وبعدين مليون ايه دة بتاع ساويرس ، دة المليون جنيه عند ساويرس حاجة زى الجنيه كدة.

ياباشا هو المليون جنيه بئى حاجه ؟؟؟ دا مرتب شهر لمعالي رئيس هيئة قناة السويس

فلربما نكون عايشين زي احمد راتب في فيلم صايع بحر تحت الارض ومش عارفين نطلع نشوف نور الشمس ولا حتى نور النجوم في عز الضهر

**medo55** · 17-07-2009 01:58 AM

ابوتريكه راجل محترم , ربنا يباركله سواء معاه فلوس او لا فاعتقد تبرعه بالمبلغ المهدي له وان كان مش كتير زي ما قلت قبل كدا :d فان شاء الله يدل على داخله الكويس

**seaman** · 17-07-2009 02:32 AM

ابو تريكه قدوه لشباب مصر اللى قلما يجدوا من يستحق الاقتداء به وتريكه مصرى اصيل زى وزيك بس هو ربنا يحفظه ثابت وعارف ان المليون اللى اتبرع بيه كسب اكتر منه بكتير فى الدنيا والاخره