يا جماعة توضيح بسيط أيمن مش زعلان عشان موضوع الفلوس ما هو ياما دبس نفسه عشاننا و بمبالغ أكبرمن كده و ما زعلش ما تنسوش العروض و اللى كان بيروح يدفع فلوسها بنفسه لحد ما يسلمنا و ياخد منا الفلوس فى الآخر.المشكلة الحقيقية و اللى مزعلة أيمن بجد إن المقابلة دى كان جايب فيها ناس من التوكيل و خدمة و ما بعد البيع عشان يبقى فى استفادة حقيقية من القابلة لملاك بروتون القدامى و الجدد اللى عايزين يعرفوا بجد عن الصيانات و يتعرفوا على الناس اللى هيتعاملوا معاهم قدام و يسألوا على اللى نفسهم فيه فى مقابلة ودية جميلة بعيد عن زحمة التوكيل و الناس اللى فيه.فكل الناس اللى ماجوش مع كامل احترامى ليهم و كامل تقديرى لأسبابهم أحرجوا أيمن قدام ناس كبيرة سنا و مقاما جايين المقابلة عشان يقعدوا معانا بناءا على دعوة أيمن ليهم و لما ييجوا يلاقوا 3 أو 4 اللى جم كل اللى هيحصل هيحسوا إن الموضوع مش جاد و مش هييجوا مقابلات مرة تانية لنفس المجموعة و مش هيثقوا فى كلام أيمن اللى هو فى الصورة و اللى كمان مبدئيا برده عامل المقابلة لاستفادتنا احنا يعنى هو ماشاء الله فاهم فى عربيته كويس و علاقته بالناس دى زى الفل مش محتاج المقابلة دى زينا.هو ده اللى مزعله بجدو على فكرة أنا عندى فرح يوم الخميس فى اسكندرية و عيد ميلاد يوم الجمعة و لغيت أكتر من خروجة مع ناس أصحابى و أهلى يمكن ما يقدروش يسافروا يوحوا الفرح عشان عربية والدى اتعطلت و طبعا عشان ارتباطى ما رضيوش يطلبوا منى العربية بتاعتى إيمانا منهم بأهمية وجودها معايا فى المقابلة عشان أستفيد بشكل عملى.أنا بس بشرح بالمثال ده لكل الناس اللى اعتذروا إن مش كل اللى رايحين هيفوتوا حصة نوم عشان يروحوا و إن فيه ناس عندها ظروف برده تنمعهم بس فى اختلاف فى تقدير الظروف دى مقارنة بالمقابلة و أنا مرة تانية عشان ماحدش يفهم كلامى غلكط مش بلوم حد و لا بتهم حد مش جاى بأى حاجة لأن كل واحد أدرى بظروفه و يعرف يقدرها كويس بس ده للتوضيح و للناس اللى اعتذرت بدون عذر قوى