الموضوع: ممكن دروس لتعليم القيادة

شوف يا أستاذ : مروان ........بالنسبه لأى مبتدى فى مجال تعلم وأتقان قيادة السيارات عامة ......حتعمل أيه أنت وتخللى بالك من أيه حفاظا على سيارتك ونفسك قبل أى شىء (لأن أنت اللى تهمنا ....أو أى واحد بيتعلم القياده ).....أما السياره .....فمهما يحصلها ففى ستين ألف سلامه .....واللى يهمنا الأنسان ....لأنه بالبلدى كده هو اللى بيجيب السياره ......يبقى كل شىء بيتعوض الا الأنسان .......نرجع بقه للى عاوز أقولهولك ........

- قبل أن تتحرك بالسياره حدد مايلى ......بينك وبين نفسك وخد قرار......

1- أين أنت ذاهب بالسياره ومن ستقابل ورايح فين وحاول ترسم خريطه فى مخيلتك عن الطريق اللى حتمشى فيه بالسياره ..........يعنى حدد هدفك......

2- أختار الطريق السهل الخالى .....وأبعد عن أماكن المنحنيات وأصلاحات الطرق والأماكن المزدحمه بقدر الأمكان ..........

3- أجلس جلسه صحيحه وتحكم فى الدركسيون وأضبط المرايا أمامك (مراية الصالون ) والمرايات الجانبيه .....4- أضبط الكرسى فى وضع مريح بحيث تتحكم فى آلات القياده (الدركسيون يكون فى وضع كويس بالنسبه لجسمك ) وتكون الدواسات فى متناول قدمك تماما ....على أساس تكون حركة رجلك على الدواسات مناسبه ومتمكنه .........

5-

أمسك عجلة القياده بطريقه سليمه فى وضع الساعه العاشره وعشر دقائق لأحكام السيطره على الدركسيون ......

6- لا تسند كوعك على باب السياره .....لأن القياده بيد واحده ....قد تسبب وقوعك فى مشاكل .....وبالذات وأنت لسه جديد ....وبينى وبينك ...هو ده الصح ....الدركسيون يتمسك بالأيدين......بس فيه اللى بيتفزلك كتير .....وممكن ينام على الشباك وهو سايق وساند بايده وكتفه الشمال على الشباك اللى جنبه ......

7- لا تجعل تركيزك يسرح فى أى شىء وأنت سايق .....عن نفسى ....لو حد بيكلمنى وأنا سايق .....بقله أسكت على طول ....ودايما عين الواحد تكون بتتعرف على أيه اللى بيعمله السواقين اللى معاه على الطريق ....لحد ما تتأكد أن هيسبلك مكان آمن تعدى منه .......

8- متخدش قرار ...ألا أما تلاقى اللى قدامك خد القرار ونفذه فعلا .....يعنى متعديش من شمال واحد مدى أشاره يمين ....ألا أما تلاقيه فعلا دخل فى اليمين .....أصل فيه منهم كتير مبيعرفش الشمال من اليمين للأسف ..........وبيوقع اللى وراه فى مشاكل فى بعض الأحيان .......

- دايما فى البدايه ....أبعد عن الجانب اليمين من الطريق .....وخليك جنب الجزر اللى فى الشمال.....بسبب بتوع الميكروباص والتاكسى.......ممكن تلاقى واحد من دول واقف يمين وأنت ماشى جنبه وتلاقيه راح طالع مره واحده قدامك ومتلحقش نفسك بالفرامل لاقدر الله .......

9- لا تسافر الى أماكن بعيده الا حينما تتقن القياده جيدا ......تبقى معلم يعنى .....

10- تحلى بالصبر والثقه أيضا .....ودائما كن واثقا من نفسك ......ولا تقل ....أنا حبقى زى دول فى يوم من الأيام ...على رأى عبلد الحليم.....أى (السواقين اللى بيلعبوا أكروبات بالعربيه ).....بالعكس حط فى دماغك أن مفيش حد أفضل من حد .....ولست أقل منهم فى شىء .......

11- دايما سيب مسافة أمان كافيه بينك وبين اللى قدامك فى البدايه ......على ماتتعود على التحكم جيدا فى الفرامل .......

12- يستحسن فى البدايه أن يتدرب المبتدىء على تحريك عصاية الفتيس فى أوضاع النقل المختلفه وهو واقف بالعربيه والعربيه مش دايره ومتموره فى مكانها ......علشان يتعود على عدم النظر الى العصايه أو الدواسات وهو بينقل بين السرعات ( أى والسياره واقفه من 4 الى 6 ساعات ) ......وبعد ذلك يتوكل على الله .........وبالتوفيق

والعربيه مش دايره ومتموره فى مكانها

سورى حنشيل كلمة متموره دى من الموضوع .....لزيادتها بالموضوع بدون داعى ...........لأن اللى بيدرب مش حيدور أساسا .....وأما يتدرب يبقى حيدور وهو ممور ..............

شكرا يا باشمهندس والاستاذاحمد سعد علىالمعلومات الجيدة والمفيد ولكنى اريد المزيد عن كييفية الغيارات من الاول الى الثانى ومن الثانى الى الثالث وهكذا وعندما تكون السيارة على سرعة واريد ان اهدى السيارة ما هو الغيار المناسب وما هو الغيار العكسى وكيفية المحافظة على الديسك والاسطوانة من الغيارات الخطا وخصوصا انى مبتداء وكيفية تلين السيارة وخصوصا ان السيارة زيرو وشكرا لكم واسف على الاطالة

أخى الفاضل يوجد برنامج لتعليم القيادة ثلاثى الأبعاد لتعلم الاشارات و المنحنيات و كل شئ فى السواقة

طريقة التشغيل

1- قم بفتح ملف setup
2- باسورد التشغيل هى Clutch مع مراعاة الحروف الكبيرة
3- قم بتشغيل ملف الكراك

باسورد فك الضغط هى 3absi.com


الرابط

http://soft.3absi.com/download-file-28.html


أرجو لك التوفيق

المشاركة الأصلية كتبت بواسطة mahmoudbadr

أخى الفاضل يوجد برنامج لتعليم القيادة ثلاثى الأبعاد لتعلم الاشارات و المنحنيات و كل شئ فى السواقة

طريقة التشغيل

1- قم بفتح ملف setup
2- باسورد التشغيل هى Clutch مع مراعاة الحروف الكبيرة
3- قم بتشغيل ملف الكراك

باسورد فك الضغط هى 3absi.com


الرابط

http://soft.3absi.com/download-file-28.html


أرجو لك التوفيق

مش عارفة اشغله

ممكن ياجماعة نبدأ من الاول انا كمان لسة بتعلم يعنى مثلا كل واحد بيتعلم سواقة جديد يقول هو اتعلم ايه والاعضاء الخبرة يصححولنا المعلومات لو فى حاجة غلط