وجهة نظر عن الاوبترا و الالنترا
انا كتبت هذا الموضمع في قسم شيفروليه و لتسح لي ادارة المنتدى بوضعة هنا ايضاً
حالياً الالنترا المانيوال موديل 2010 نزلت 3000 جنيه و سعرها وصل 92900 و اقترب جداً من سعر الاوبترا 89000 و انا حاجز عربية اوبترا و لسه مستلمتهاش، و انا شايف انه سوق الالنترا افضل و مطلوبة اكتر و كمان فرق السعر الان 4000 جنيه و ده فرق بسيط، و بناءً على الكلام ده فكرت اغير فرحت المعرض و لحسن الحظ في اوبترا و النترا واقفين جنب بعض، ركبت دى و دى و اعدت اطلع من هنا و اخش هناك، دورتهم الاتنين و شغلت التكيف و طلعت بالاستتنتاجات ده و الاتنين مانيوال:-
من الداخل:
1- عصاية فيتيس الالنترا حركتها اشيك من الاوبترا
2- صالون الالنترا افخم و اشيك من الاوبترا من حيث الابواب و التابلو و شكل العدادات لكن صالون الاوبترا اوسع و مريح فى اعدته عن الالنترا خصوصاً من الخلف
3- كرسى السائق فى الاوبترا يمكن تعديل ارتفاعه لكن لا يمكن فى الالنترا
4- نفس خامة بطانة السقف تقريباً
5- درج التابلو فى الاوبترا له جزء يصله هواء التكيف و لا يوجد في الالنترا
6- يوجد فى الاوبترا درج تخزين اسفل كرسى الراكب الامامى و لا يوجد في الالنترا
من الخارج:
1- يبدو لك من النظرة الاولى ان شكل الالنترا افخم و اشيك من الاوبترا و الشكل ده وجهات نظر و ازواق لكن انا هتكلم عن الناحية العملية فى شكل تصميم السيارتين من الخارج من وجهة نظري...
أ- الالنترا جنابها منفخة مما يجعل السيارة اعرض من الاوبترا بحوالى 2 سم و هذا العرض غير مستغل فى الداخل لانه كما ذكرت صالون الاوبترا اوسع من صالون الالنترا، زي ميكون واحد لابس هدوم واسعه عليه
ب- الاجناب المنفخة فى الالنترا و البومبيهات (الانحناءات) يجعل مساحة الصاج كبيرة مما يصعب اعادة شكله للوضع الاصلى عند السمكرة و اى حكة تبان، هذا التصميم بيفكرنى باجناب الدايو لانوس و النوبيرا و كلنا طبعاً شايفين شكل العربيات ده عامل ازاى الان
ج- السوكة الجانبية المموجة فى الالنترا لا تمت الى تصميم السيارات باى صلة و تعطينى احساس انها اخذت من تصميم قطعة موبيليا و هذا من وجهة نظري
2- الاوبترا عكس ذلك:
أ- اجناب الاوبترا غير مموجة و لا يوجد بها انتفاخات و الصاج ملموم مما يجعل اعادة شكله للوضع الاصلى عند السمكرة اسهل
ب- يوجد شريط فيبر في ابواب الاوبترا لحماية الاجناب و لا يوجد فى الالنترا
ج- خطوط الاوبترا مستقيمة و حادة مما يعطى مظهراً رياضياً و اكثر هجومية للاوبترا
د- جنوط الاوبترا 14 بينما الالنترا 15 يجعل كاوتش الالنترا اغلى و هى مش ناقصة
ه- الاوبترا اعلى من الالنترا
و- اكصدمات الاوبترا تحمى وش السيارة بصورة اكبر
لذلك تتفوق الاوبترا من ناخية التصميم الخارجى
الموتور:
1- حوض الموتور فى الاوبترا اوسع من الالنترا و مساحة الرادرياتير اكبر
2- يمكن تركيب مروحة تبريد اضافية فى الاوبترا
3- نفس الفنيش في السيارتين تقريباً
4- محرك الالنترا cvvt متفوق تكنولوياً عن محرك الاوبترا، محرك الالنترا يستطيع ان يصل الى rpm 6200 و ينتج 121 حصان اما محرك الاوبترا فينتج 107 حصان و يصل الي 5800 rpm او 6000 rpm
5- محرك الاوبترا اكثر انتشاراً لانه موجود في النوبيرا منذ سنة 2000 او قبل ذلك
الالنترا مفيهاش منفاخ فى الكرسي
الالنترا مفيهاش منفاخ فى الكرسي زى الاوبترا وهى معا واحد زميلى وكمان الخليجى ... لدرجة انى استعجبت ازا ى تفوتهم حاجة زى كدة ... بس الانترا عربيه كويسه ولو تلاحظو ان مواتير الهيونداى انعم بكتير من الشيفروليه واحسن ف البنزين
ورغم ذلك انا افضل الاوبتر عن الالنترا...
والاقل ... النيو اكسنت عن الافيو
