أنا فى حيره .......طلب مشوره و أستفسار عن دخول الجامعه

السلام عليكم ورحمه الله و بركاته
انا الحمد لله خلصت ثانويه عامه بمجمع 97.4 وخلصت المحنه الصغر و فاضل المحنه الكبرى (التنسيق)
المشكله أنى ناوى على هندسه و بما أنى ساكن فى إسماعيليه يبقى حسب التوزيع الجغرافى أنا مجبر على أنى أخش هندسه قناه السويس
وهنا المشكله
حسب معلوماتى هندسه قناة السويس دى كانت عباره عن فصول والسنه دى أول سنه ليها تبقى جامعه
وكل ما أسأل حد فيها يحذرنى من أنى أدخلها بسب -حسب كلام الناس- ان الدكاتره مش كويسين و التعليم أى كلام


فأنا أولا عايز أعرف هل من الممكن أنى أفلت من حكايه التوزيع الجغرافى دى عن طريق تغير محل الإقامه؟

ثانيا طب لو ممكن أنا محتار هل أدخل أسماعيليه و أفضل عايش فى بيتى معزز مكرم بدون سفر وتحت مراقبه أهلى:36_7_7[1]:

ولا أسافر القاهره و أسكن هناك
وهل لو سكنت لوحدى أو مع أصحابى ممكن أجيب تقدير و لا حضيع؟:stink[1]:


وشكرا مقدما

انا كنت في نفس وضعك دة من سنين ... بس انا غيرت عنوان البطاقة على الجامعة اللي عايز اروحها و بعدين حولت ( بواسطة ) ... اما موضوع السفر دة حسب ما ترتاح انت ... يعني انا ساكن في العاشر من رمضان و كنت في جامعة عين شمس .. بس عمري ما قعدت في القاهرة عشان الجامعة ... لاني مش بستريح و انا بعيد عن بيتي .... اما بالنسبة للجامعة اللي ارشحهالك ... هندسة يعني عين شمس ثم القاهرة ثم حلوان و الاسكندرية ... متخرجش عن دول

اولا الف مبروك ياباشا
وفعلا حكاية السفر دة زي ماتحب ان كنت هترتاح او لا
بقلك اية انا واحد قريبي جاايب 90 في المية وكاااان نفسة يخش هندسة
ممكن يلحقهاا ولا لا

الوقت و المجهود اللى هيضيعو فى السفر كل يوم
هيفرقو معاك كتير لو استغلتهم فى الراحه فضلا عن
المذاكره
اما لو هتسكن هتلاقى نفسك قدام مشكله الاكل
هتاكل من اكل المدينه ولا هتاخد شقه طلبه وتاكل بره
فى الحالتين الاكل هيسبب ازعاج وصاريف الاقامه و الانتقالات

انا شايف ان الحل الامثل انك تفضل فى اسماعيليه
نايم على سريرك و فى وسط اهلك
وبخصوص موضوع التقدير
صحابك اللى هتسكن معاهم لازم يكون ليهم نفس دماغك
يعنى مينفعش اكون غاوى مذاكره و اسكن مع ناس غاويه خروج وسهر لانهم اكيد هيعطلوك والمرء على دين خليله
واستخير وبالتوفيق ان شاء الله

خليك فى بيتك وسط اهللك لانى سكنت برة وضعت كنت ممتاز دلوقتى شايل مادتين

ايه رايك فى هندسه بترول هايله..وبرضه جنبك فى السويس وكده اتحلت المشكله

رأيى الشخصى حضرتك تشوف طموحك ايه وليه اخترت هندسة وايه القسم اللى تحب العمل به وبناء عليه تختار الجامعة الانسب بالنسبة لكليات الهندسة فى التخصص اللى هتختاره ومعلش تضحى شوية بالبعد عن البيت والاسرة ولكن الاهم ان تكون شايف فى نفسك القدرة على تحمل الحياة باعباءها ومسؤلياتها بعيدا عن الاسرة

هندسة يعنى بهدلة فى المذاكرة ده غير الامراض المستعصية اللى هاتجيلك بعدها زى ضغط الدم والتشنج الفكرى والانفلات العصبى والاكتئاب المدمن وسماع اغنية واحدة ليل ونهار وهى الاغنية اللى فيها مقطع"طريقك مسدود مسدود ياولدى"، فطبعا سفر ومدينة جامعية واصحاب الله اعلم بيهم = ضياع وبالتالى فالرأى انك تفضل فى بلدك وتحاول تتفوق فى كليتك ويمكن تتفوق وتطلع من الاوائل وتتعين فى الكلية. وبينى وبينك موضوع هندسة عين شمس والقاهرة واسكندرية وحلوان وشبرا كان زمان موضة قديمة يعنى اللى بيشتغل دلوقتى اللى متخرج فى ثانوى من الامريكية ولا راجاك ولا مودرن اكاديمى ولا... حتى لو متخرج من معهد العاشر او الشروق او العبور او معهد الرقص الشرقى وكله هندسة ماهى كلمة هندسة معناها فن تطبيق العلوم. اه نسيت الف مبروك على المجموع الحلو ده.

ألف مبروك يا مان عالمجموع الجميل دا...
انا مقدرش افيدك بخصوص الجامعات لكن طبعاً افضل انك تفضل في بيتك و تركز و خليك فاكر ان مفيش حاجة بالساهل...
ربنا يعينك و يعيننا :)

ممم بص ياباشا انا ليا ناس اصحابي كانوا في هندسة قناة السويس
الكلية كويسه وسيبك من كلام الناس ولو هتمشي ورا كلام الناس ولا هتقدم ولا هتأخر ومن الاخر مافيش كلية هندسة في مصر كاملة ... يعني تلاقي دكتور كويس والباقي تعبان .. انا بقالي 4 سنين في هندسة وهو ده حال كل الكليات في مصر

فخليك جنب بيتك لانها كلها محصلة بعض

وان شاء الله ربنا يكرمك وتدخل بترول

انا كنت فنفس مشكلتك دي من 4 سنين

انا اصلا من بنها وقدامي حاسبات ومعلومات بنها وحاسبات ومعلومات عين شمس

خدت الاصعب ودخلت عين شمس.. اول سنه دبلرت.. تاني سنه نجحت بمقبول

حولت بنها والحمدلله طلعت ب جيد اول سنه

منصحكش تبعد عن بيتك خصوصا في الكليه... خصوصا لانك حتكون محتاج كل دقيقه ومجهودك خصوصا في هندسه لانها صعبه ومحتاجه مجهود

خاليك في قناة السويس
والله كله محصل بعضه
والعبرة مبقتش بالشهادة
العبرة بقت بالدورات والكورسات الإضافية
إللي بتنمي فيها نفسك مع الشهادة
ربنا يوفقك
وألف مبروووك

اقتباس:

---

المشاركة الأصلية كتبت بواسطة freeefair

الوقت و المجهود اللى هيضيعو فى السفر كل يوم
هيفرقو معاك كتير لو استغلتهم فى الراحه فضلا عن
المذاكره
اما لو هتسكن هتلاقى نفسك قدام مشكله الاكل
هتاكل من اكل المدينه ولا هتاخد شقه طلبه وتاكل بره
فى الحالتين الاكل هيسبب ازعاج وصاريف الاقامه و الانتقالات

انا شايف ان الحل الامثل انك تفضل فى اسماعيليه
نايم على سريرك و فى وسط اهلك
وبخصوص موضوع التقدير
صحابك اللى هتسكن معاهم لازم يكون ليهم نفس دماغك
يعنى مينفعش اكون غاوى مذاكره و اسكن مع ناس غاويه خروج وسهر لانهم اكيد هيعطلوك والمرء على دين خليله
واستخير وبالتوفيق ان شاء الله

---

شكرا لرأيك بالنسبه لحكايه السكن انا عندى شقه هناك ف مش حتبقى مشكله
بس فعلا المشكله فى الحيسكن معايا اصل مش معقول اسكن لوحدى

اقتباس:

---

المشاركة الأصلية كتبت بواسطة eng.octooo

خليك فى بيتك وسط اهللك لانى سكنت برة وضعت كنت ممتاز دلوقتى شايل مادتين

---

هو ده ال أنا خايف منه

اقتباس:

---

المشاركة الأصلية كتبت بواسطة seaman

ايه رايك فى هندسه بترول هايله..وبرضه جنبك فى السويس وكده اتحلت المشكله

---

أولا مجموعى غالبا ميجبش بترول
ثانيا انا مش حابب بترول خالص

اقتباس:

---

المشاركة الأصلية كتبت بواسطة magyver

اولا الف مبروك ياباشا
وفعلا حكاية السفر دة زي ماتحب ان كنت هترتاح او لا
بقلك اية انا واحد قريبي جاايب 90 في المية وكاااان نفسة يخش هندسة
ممكن يلحقهاا ولا لا

---

الله يبارك فيك
و إنشاء الله قريبك حيلحق هندسه و لو ملحقش ربنا يكرمه ب حاسبات إنشاء الله

اقتباس:

---

المشاركة الأصلية كتبت بواسطة the_fox_arab

انا كنت في نفس وضعك دة من سنين ... بس انا غيرت عنوان البطاقة على الجامعة اللي عايز اروحها و بعدين حولت ( بواسطة ) ... اما موضوع السفر دة حسب ما ترتاح انت ... يعني انا ساكن في العاشر من رمضان و كنت في جامعة عين شمس .. بس عمري ما قعدت في القاهرة عشان الجامعة ... لاني مش بستريح و انا بعيد عن بيتي .... اما بالنسبة للجامعة اللي ارشحهالك ... هندسة يعني عين شمس ثم القاهرة ثم حلوان و الاسكندرية ... متخرجش عن دول

---

أنا اخر جمله هى دى المخوفانى

اقتباس:

---

المشاركة الأصلية كتبت بواسطة baskota

رأيى الشخصى حضرتك تشوف طموحك ايه وليه اخترت هندسة وايه القسم اللى تحب العمل به وبناء عليه تختار الجامعة الانسب بالنسبة لكليات الهندسة فى التخصص اللى هتختاره ومعلش تضحى شوية بالبعد عن البيت والاسرة ولكن الاهم ان تكون شايف فى نفسك القدرة على تحمل الحياة باعباءها ومسؤلياتها بعيدا عن الاسرة

---

المشكله انى مجربتش أسكن لوحدى مدد كبيره قبل كده و خايف أجرب و أفشل

اقتباس:

---

المشاركة الأصلية كتبت بواسطة freeefair

الوقت و المجهود اللى هيضيعو فى السفر كل يوم
هيفرقو معاك كتير لو استغلتهم فى الراحه فضلا عن
المذاكره
اما لو هتسكن هتلاقى نفسك قدام مشكله الاكل
هتاكل من اكل المدينه ولا هتاخد شقه طلبه وتاكل بره
فى الحالتين الاكل هيسبب ازعاج وصاريف الاقامه و الانتقالات

انا شايف ان الحل الامثل انك تفضل فى اسماعيليه
نايم على سريرك و فى وسط اهلك
وبخصوص موضوع التقدير
صحابك اللى هتسكن معاهم لازم يكون ليهم نفس دماغك
يعنى مينفعش اكون غاوى مذاكره و اسكن مع ناس غاويه خروج وسهر لانهم اكيد هيعطلوك والمرء على دين خليله
واستخير وبالتوفيق ان شاء الله

---

دا افضل راي بصراحة لانك هتعاني في الغربه كتير والسفر والاكل وعدم الراحه في المكان الي انت هتسكن فيه ويمكن مترتحش في المزاكرة

اقتباس:

---

المشاركة الأصلية كتبت بواسطة Mahmoud Saloum

هندسة يعنى بهدلة فى المذاكرة ده غير الامراض المستعصية اللى هاتجيلك بعدها زى ضغط الدم والتشنج الفكرى والانفلات العصبى والاكتئاب المدمن وسماع اغنية واحدة ليل ونهار وهى الاغنية اللى فيها مقطع"طريقك مسدود مسدود ياولدى"، فطبعا سفر ومدينة جامعية واصحاب الله اعلم بيهم = ضياع وبالتالى فالرأى انك تفضل فى بلدك وتحاول تتفوق فى كليتك ويمكن تتفوق وتطلع من الاوائل وتتعين فى الكلية. وبينى وبينك موضوع هندسة عين شمس والقاهرة واسكندرية وحلوان وشبرا كان زمان موضة قديمة يعنى اللى بيشتغل دلوقتى اللى متخرج فى ثانوى من الامريكية ولا راجاك ولا مودرن اكاديمى ولا... حتى لو متخرج من معهد العاشر او الشروق او العبور او معهد الرقص الشرقى وكله هندسة ماهى كلمة هندسة معناها فن تطبيق العلوم. اه نسيت الف مبروك على المجموع الحلو ده.

---

الله يبارك فيك
بس
انت حتخوفنى من أولها :ask:ربنا يستر

اقتباس:

---

المشاركة الأصلية كتبت بواسطة SuccessCre8or

ألف مبروك يا مان عالمجموع الجميل دا...
انا مقدرش افيدك بخصوص الجامعات لكن طبعاً افضل انك تفضل في بيتك و تركز و خليك فاكر ان مفيش حاجة بالساهل...
ربنا يعينك و يعيننا :)

---

الله يبارك فيك
و ألف شكر عل النصيحه

اقتباس:

---

المشاركة الأصلية كتبت بواسطة kemo0o

ممم بص ياباشا انا ليا ناس اصحابي كانوا في هندسة قناة السويس
الكلية كويسه وسيبك من كلام الناس ولو هتمشي ورا كلام الناس ولا هتقدم ولا هتأخر ومن الاخر مافيش كلية هندسة في مصر كاملة ... يعني تلاقي دكتور كويس والباقي تعبان .. انا بقالي 4 سنين في هندسة وهو ده حال كل الكليات في مصر

فخليك جنب بيتك لانها كلها محصلة بعض

وان شاء الله ربنا يكرمك وتدخل بترول

---

نفس كلام بابا سبحان الله
و بالنسبه لحكاية بترول فأنا مش حاببها
مش كفايه ضغطه الثانويه ...........كمان أتكبس فى الجامعه ده يبقى حرام

اقتباس:

---

المشاركة الأصلية كتبت بواسطة M.Osama

انا كنت فنفس مشكلتك دي من 4 سنين

انا اصلا من بنها وقدامي حاسبات ومعلومات بنها وحاسبات ومعلومات عين شمس

خدت الاصعب ودخلت عين شمس.. اول سنه دبلرت.. تاني سنه نجحت بمقبول

حولت بنها والحمدلله طلعت ب جيد اول سنه

منصحكش تبعد عن بيتك خصوصا في الكليه... خصوصا لانك حتكون محتاج كل دقيقه ومجهودك خصوصا في هندسه لانها صعبه ومحتاجه مجهود

---

شكرا على النصيحه
بس هى هندسه صعبه للدرجه دى ؟:36_7_4[1]:
انا كده قلقت

اقتباس:

---

المشاركة الأصلية كتبت بواسطة نور العمر

خاليك في قناة السويس
والله كله محصل بعضه
والعبرة مبقتش بالشهادة
العبرة بقت بالدورات والكورسات الإضافية
إللي بتنمي فيها نفسك مع الشهادة
ربنا يوفقك
وألف مبروووك

---

الله يبارك فيكى
وفعلا الكلام ده بسمعه من كل معظم المتخرجين

الف مبروك علي المجموع الكبير
ونصيحه مني انا من طنطا وصممت ادخل هندسه اسكندريه والله بعاني هناك ومش عارف انجح ومحبتش قعدت المدينه ولا حتي الشقق بره كفايه انك بتبقي في الكليه ومشغول هتروح تاكل ايه وفي معرفش ايه عاوز يتغسل وهم ما يتلم خليك في بيتك احسن مهما كانت الكليه او الجامعه وظبط نفسك كورسات وكله هيبقي تمام ان شاء الله

اقتباس:

---

المشاركة الأصلية كتبت بواسطة ahmed elsherif

الف مبروك علي المجموع الكبير
ونصيحه مني انا من طنطا وصممت ادخل هندسه اسكندريه والله بعاني هناك ومش عارف انجح ومحبتش قعدت المدينه ولا حتي الشقق بره كفايه انك بتبقي في الكليه ومشغول هتروح تاكل ايه وفي معرفش ايه عاوز يتغسل وهم ما يتلم خليك في بيتك احسن مهما كانت الكليه او الجامعه وظبط نفسك كورسات وكله هيبقي تمام ان شاء الله

---

الله يبارك فيك
وشكرا على النصيحه وربنا يقويك عى الغربه
وفعلا انا إنشاء الله قررت أدخل جامعه قناه السويس وربنا ستر

أولاً ألف مبروك على النجاح بتقدير
ثانياً كلام أحمد الشريف مضبوط جداً واسال مجرب انا جربت الغربة دى فى شغلى خلال السنة الماضية فقط ( الاسماعيلية - بور سعيد - الاسكندرية - برج العرب - المنصورة ) لغاية ما رجعت القاهرة تانى والحمد للة.
هتلاقى نفسك بتفكر فى :
1- هاجيب لأكل جاهز " ودة مكلف بالاضافة انك ما ينفعش يبقى اغلب اكلك من الشارع ( كلويستلور اقل حاجة )
2- هاتعمل اكل فى البيت " يبقى تتعلم تعمل الاكل ودة هياخذ وقت فى عمايلة بعد ما ترجع من الكلية "
3- هاتزههههق من القعدة لوحدك
4- غسيل ملابس وكيها ودة مصاريف أو وقت

اعتقد ان المصاريف و الوقت تقريبا عامل مشترك , يبقى زى ما قررت تقعد وسط اهلك و الوقت اللى وفرتة هايفيدك فى المذاكرة , والفلوس اللى وفرتها تبقى للكورسات.
وبعدين ما شاء الله مجموعك كويس يعنى مجتهد و غالباً مش كل مدرسينك فى ثانوى كانو كويسيين ( جزء مدرسين كويسيين + جزء اجتهادك )
وان شاء اللة نفس المعادلة تبقى فى الكلية , وربنا يوفقك بإذن الله.