الموضوع: المواصفات الفنية للسيارة كليو سيمبول

سؤال كده للرجالة الكويسة اللي في المنتدي ده و انا متاكد ان الاجابة هاتكون بحيادية ,,,, دلوقتي السيمبول ب 79 و الياريس ب 86 ترشحولي مين بمنتهي الامانة ,,,,,,,,,, ارجو الرد وانا عارف اني تقلت اوي عليكم بس الاختيار كان صعب اوي عليا و اعتقد ان كلنا بيكون كده وخاصة لو مكنش عنده سابق تجربة للعربيات اللي بيقارنها ببعض

المشاركة الأصلية كتبت بواسطة ahmed a.maksoud

بص يا مُتعب ( بهزر معاك......مفيناش من زعل )
أنت عاوز أيه فى الحاجات دى......هتضحى بحاجة فى سبيل حاجة......هى الدنيا كده.......محدش بياخد كل حاجة :)

انا عارف اني مُتعب شوية فعلاً لاني متردد في موضوع الشراء ده حتي ان اغلب الناس اللي كانت متابعة شكلها زهقت خلاص ,,, ماعدا حضرتك اهو لسه في امل في حد ,,,,
النقطة التانية انا عارف ان محدش بياخد كل حاجة لكني عايز علي قد اللي هادفعه اخد علي قد ماقدر وده سؤالي بالنسبة للياريس و السيمبول
يعني الياريس فيها 2 ايرباج
لكن السيمبول فيها كماليات اكتر و اعتقد ان صاجها اقوي شوية لكن تتبقي مشكلة قطع الغيار و دي اتكلمنا فيها و يتبقي مشكلة الانتشار و سعر إعادة البيع و اعتقد ان ال3 نقاط دول تتفوق فيهم الياريس لكن خد سؤال مباشر سيمبول ب 79 و لا ياريس ب 86 انت شخصيا تفضل مين

معلومة صغيرة للوحوش الكليو مقترنة بأسم سيمبول من قبل ماتنزل السيمبول الحالية ولو عملتو سرررش على اليو تيوب هتلاقو الكليو 2004 نازلة فعلآ فى بعض الاسواق بأسم كليو سيمبول وخاصة الاسيوية والمقصود طبعآ الكلاسك مش الهاتش باك وسلامى للوحوش

احمد باشا تشكر علي المجهود ,, هو فعلاً محدش دلوقتي بقي بيفكر يشتري و يبيع و انا عن نفسي مش بفكر في البيع حتي بعد ال5 سنين بس محدش ضامن الظروف علي العموم لم يتبقي إلا الاستخارة مرة اخري و التوكل علي الله و اتخاذ قرار الشراء النهائي لإحداهما و شكراً لمجهوداتكم ,,,,, وبجدد الطلب للإدارة لتثبيت الموضوع لعدم وجود موضوع مماثل او اي موضوع عن مواصفات العربية السيمبول و طلبي ده علشان محدش يتعب لما يحب يدور علي بيانات للعربية و خصوصاٌ انها مش متاحة علي موقع شركة رينو نفسها و شكراً ليكم