meeting drift في سوق السيارات

**PoweRPassioN** · 21-07-2009 10:56 AM

طب لو ينفع تطلعوا تصاريح بحاجه زي كدا
تبقى جامده حتى لو في تذاكر دخول

**Mohamed.Fawzy** · 21-07-2009 11:02 AM

المشاركة الأصلية كتبت بواسطة s m a r t m a n

طب لو ينفع تطلعوا تصاريح بحاجه زي كدا
تبقى جامده حتى لو في تذاكر دخول

علشان يبقى فيه تصاريح لازم يكون التنظيم صحيح يعنى مثلا :

- يبقى فيه اكتر من عربيه اسعاف متواجده
- تواجد مسعفين
- سياره اطفاء
- يصمم التراك بطريقه امنه حيث يتم وضع وسائل حمايه و امان على جانبيى التراك

وحاجات تانيه كتير

وعلشان كل ده يتعمل لازم جهه كبيره ترعى الموضوع ده و تصرف عليه علشان تطلع التراخيص و هتصرف فلوس كتير علشان يبقى الموضوع منظم و امن

**أحمد كمال** · 21-07-2009 11:50 AM

المشاركة الأصلية كتبت بواسطة mohamedfawzyhassan

علشان يبقى فيه تصاريح لازم يكون التنظيم صحيح يعنى مثلا :

- يبقى فيه اكتر من عربيه اسعاف متواجده
- تواجد مسعفين
- سياره اطفاء
- يصمم التراك بطريقه امنه حيث يتم وضع وسائل حمايه و امان على جانبيى التراك

وحاجات تانيه كتير

وعلشان كل ده يتعمل لازم جهه كبيره ترعى الموضوع ده و تصرف عليه علشان تطلع التراخيص و هتصرف فلوس كتير علشان يبقى الموضوع منظم و امن

موافقك 100%

حريتك تنتهي عند حرية الاخرين

ما تعملش حاجة و تقول انا حر في عربيتي و هي ممكن تؤذي ناس او عربيات تانية

**E30power** · 21-07-2009 12:58 PM

المشاركة الأصلية كتبت بواسطة mohamedfawzyhassan

مهوا ده يا باشا اللى بحاول اوضحه من الصبح واوضح مدى خطورته

شكرا لتفهمك

اللى مستغنى عن عمره و عن عربيته يروح الصحراء او اى حته خلاء مفيهاش بشر و يولع فيها و فى نفسه لو عايز هوا حر ...

لكن تتعمل وسط تجمع سكنى و يقولك بندعوا الناس على الفيس بوك و معرفش ايه !!!

فاكر يا باشا موضوع السباقات اللى كانت بتتعمل فى طريق المطار و راح ضحيتها ارواح بشريه

فاكر ساعتها قولنا على شويه العيال المستهتره دى ايه

و علشان الكل يبقى عارف انا مش ضد النوع ده من الرياضات بس نظرا لخطورته لان ده مش متش كوره فهوا يأما يتعمل صح و بكافه اشتراطات الأمان يأما لالالالالالالالالالالالا و الف لالالالالالالالا

على فكرة ياباشا سوق السيارات بيبقى متقفل كلة ماعادا مدخل ومخرج للعربية بس وكلة فاضى تماماااا وغالبا كل مدارس تعليم السواقة الى فى مدينة نصر بيعلموا جواة علشان فاضى ومفيش كائن بيمشى فية وبليل بيتقلب ملاعب كورة.....
انا للعلم ساكن هناك ومفيش حد بيعدى من الاصل هناك علشان يعتبر المنطقة مش سكنية(لسة متعمرتش قصدى) والناس بتخاف تمشى على رجليها جوا المنطقة التاسعة بليل

**E30power** · 21-07-2009 01:01 PM

يعنى لو فى خطر لقدر الله مش هيزيد عن غشامة المتسابق......

**Mohamed.Fawzy** · 21-07-2009 01:10 PM

المشاركة الأصلية كتبت بواسطة ahmedtefagad

يعنى لو فى خطر لقدر الله مش هيزيد عن غشامة المتسابق......

لا هيبقى فيه خطوره على المتفرجين ... علشان محدش هيقدر يتحكم فيهم

و طالما فيه خطروره بجانب عدم وجود وسائل امان يبفى انتحار و ممنوع قانونا

وزى ما قلت اللى عايز ينتحر يروح ينتحر فى الصحراء لوحده و ميجبش ناس تتفرج عليه

بجانب الأزعاج الذى يعنى منه ساكنى المنطقه لآن قيه عمارات سكنيه لازقه فى سوق السيارات وفيه واحد زميل لنا هنا ساكن هناك و بيعانى من الأزعاج اللى بيحصل فى المنطقه دى

[warning]

منتدانا لا يشجع على تفعيل ممارسات مخالفة للقوانين المصرية
ومنها ما يندرج على خطورة غير محسوبة
وبدون أي احتياطات أو تجهيزات لضمان سلامة المشاركين أو المتفرجين
من هذا المنطلق
تم غلق الموضوع

مشرف عام 2

[/warning]