الموضوع: محتار بين البيكانتو والجيتز ... وعايز اعرف رأيكم

بص يا باشا طبعا في فرق
الجيتز 1600 سي سي و 105 حصان وواسعة من جوه وعالية وتقفيلها ممتاز وسحبها حلو مع التكييف والقعدة من جوة مريحة جادا سواء قدام او وراء....
البيكانتو شكل شيك وتقفيل ممتاز وتكييف 10 على 10 واستهلاك البنزين اقل والاتو فيها كويس مفهوش مشاكل لكن العفشة ناشفة شوية وواسعة من جوة لكن مش زي الجيتز والشنطة صغيرة مقارنة بالجيتز والسحب معقول وكويس مع الاوفر درايف او الكيك داون وبالنسبة للمرايات يدوي مفيش كهرباء بس ده مش سبب يخليك متجيبش العربية لكن المرايا كبيرة وكويسة ومواصفات التوكيل انها من غير جنوط ممكن الخليجي بينزل بجنوط بس بلاش الخليجي لانه ساعات بيبقى فيه مشاكل ........
اجمالا الاثنين كويسسين لكن الخلاصة
الجيتز اوسع واقوى والمشكلة التوكيل واستهلاك البنزين اكتر
البيكانتو توكيل محترم ووسع الصالون والشنطة اصغر واستهلاك البنزين اقل وسهولة ركن العربية
وعن نفسي افضل الجيتز

منا بصراحة منحاز للجيتز أكتر ... بس بينى وبين نفسى " انا مش بحب الهيونداى " .... يمكن الجيتز هى العربية الوحيده اللى بحترمها فى عربيات هيونداى ...

والله مش عارف اعمل ايه والمشكلة انى اصلا بسوق مانيوال بس لما جبنا الانسر اوتوماتيك وانا كرهت سواقة المانيوال وبقيت بحس انى مشلول لما اسوق عربيه مانيوال


بس فى ملحوظة على الجيتز .... مفيهاش abs ولا ebd ولا airbags ... يعنى كل عوامل الأمان معدومة تماما ... مع مراعاه ان 80 000 مش قليل ..

شكلك بتحب البوكيمون جدا

اصل بيكاتشو احلى من بيكانتو ... واهوووو بندلع العربية ... دى مؤنث بردوا ومحتاجة معامله خاصة :) :D

*فرق حجم الشنطة فى السيارتين لا يذكر.....ولا يستحق فرق فى السعر
* فرق السعر سببة فرق قدرة الموتور
*لا اعتقد انه يوجد فرق فى الحجم داخل الكابينة.....توجد مواقع اجنبية تساعدك فى مقارنة الأبعاد الداخلية
*البيكانتو تستهلك بنزين اقل .....لأنه يوجد فرق فى سعة الموتور
*إعادة البيع للبيكانتو اسهل بكثير عن الجيتز
*قارن ليونة العفشة بين الإثنين......البيكانتو ناشفة ...لكن لا يوجد عندى معلومات عن عفشة الجيتز
*

المشاركة الأصلية كتبت بواسطة nabil246

*فرق حجم الشنطة فى السيارتين لا يذكر.....ولا يستحق فرق فى السعر
* فرق السعر سببة فرق قدرة الموتور
*لا اعتقد انه يوجد فرق فى الحجم داخل الكابينة.....توجد مواقع اجنبية تساعدك فى مقارنة الأبعاد الداخلية
*البيكانتو تستهلك بنزين اقل .....لأنه يوجد فرق فى سعة الموتور
*إعادة البيع للبيكانتو اسهل بكثير عن الجيتز
*قارن ليونة العفشة بين الإثنين......البيكانتو ناشفة ...لكن لا يوجد عندى معلومات عن عفشة الجيتز
*

معلش يا باشا يوجد فرق في الحجم داخل الكابينة بمعنى ان كابينة الجيتز تبدو صغيرة مثل البيكانتو ولكن في فرق سواء وراء او قدام مع العلم ان التابلوه في الاثنين كبير وواخد مساحة كتيرة وبالنسبة لعفشة الجيتز انعم من البيكانتو